Debleskro tsiro 3:12 - O Debleskro Drom 2021 (Sinte)

¹² Kowa, kai soreles an o patsepen atchas, un gar pre das, dran koleste krau me jekes, kai hi har i baro bar, hoi rikrell miro Debleskro kheer. Un kowa atchell koi tardo hako tsireske. Un me tchinau o lab miro Deblestar ap leste, un o lab o Debleskro forestar. Kowa hi o newo Jerusalem, hoi dran o bolepen tele wella. Un miro newo lab tchinau ninna ap leste.

O Debleskro Lab 2024 (Sinte-Manouche)

¹² Kova, kay zoreles an o patsepen ačas, oun gar pre das, dran koleste krau me yekes, kay hi har i baro bar, hoy rikrell miro Debleskro kheer. Oun kova ačell koy tardo hako tsireske. Oun me činau o lab miro Deblestar ap leste, oun o lab o Debleskro forestar. Kova hi o nevo Yerusalem, hoy dran o bolepen tele vella. Oun miro nevo lab činau ninna ap leste.

Debleskro tsiro 3:12 ပူးပေါင်းရင်းမြစ်များ

1. Rajengro liil 7:21

Un job tchiwas kol dui turme pre glan koi glanstuni halla glan o Debleskro kheer. Ko turmo ap i tchatchi rig mukas lo Jachin te kharell, un ko turmo ap i serwi rig mukas lo Boas te kharell.

Debleskri gili 46:4

ninna te wals o baro pani diwjo un chojedo, un djals sawi sorjah pre, te perenn i berge khetne.

Debleskri gili 48:8

Lengre kokale djan, har i bare shiffe phagenn, te djal i sorelo ducho pral o baro pani.

Debleskri gili 87:3

Shun, tu o Debleskro foro, hawo shukar rakepen o Dewel pral tute rakrell:

Jesaja 62:2

Palle dikenn i menshe an wawar themma tiro tchatchepen, un i tsele bare raja dikenn tiro railepen. Un tu weh pash i newo lab kharedo, kowa, hoi o baro Dewel tut dell.

Jesaja 65:15

Pash mire wi-rodede menshe hi tumare laba sawe laba, kolentsa jon i bibacht pral jekeste win rakrenn, un penenn: “O baro Dewel maro rai, mu dell tut mulo har kales un koles.” Lengre budepangren dell job i newo lab.

Jeremia 1:18

Kau diwes dau me tut i soor, te wess jaake sorelo har i sorelo foro, i sasterno ruk, un i massuri dran lolo saster. Hakeno an kau them well chojedo ap tute: i bare raja un pralstune pral o them Juda, ninna i rashaja un i menshe an kau them.

Ezekiel 40:49

Koi tseli glanstuni halla his deesh metarja buchlo un shob metarja lengsto. Un deesh stufe djan ap late pre. Un pash o wudar his ap haki rig jek turmo tardo.

Ezekiel 48:35

Kal star rigja o forestar hi khetne enja (9) kilometarja lengsto. Fun ko tsiro well o foro kharedo: O baro Dewel hi kai!

Markus 12:16

Un jon anan jek. Koi penas job: “Koneskro shero un lab hi ap kai bema?” Penan le: “O shero un o lab o baro rajestar an o foro Rom.”

Galatarja 2:9

Kol pralstune mank i patslende his o Jakobo, un o Kefas, un o Johanni. Har jon haiwan, kai o Dewel mange latcho hi un man koi budi das, dan jon man un o Barnabas o tchatcho wast, te dikenn halauter, kai ham mer phrala. Mer kram win, te djas mer pash kolende, kai kek bibolde hi, un jon te djan pash i biboldende.

Efesarja 3:15

Job hi o tchatcho dad leskre tsele tchawendar an o bolepen un ap i phub.

Hebrearja 12:22

Kowa lauter dikan tumer gar. Na-a. Tumaro tsillo, kai wenn khetne o Debleha, hi ap i berga Zion an o bolepen. Kote hi o foro o djido Deblestar tardo, o newo foro Jerusalem. Kote hi bud bud serja bolepangre, kai sharenn o Debles.

Hebrearja 13:14

Ap kai phub hi men kek foro, kai nai atchenna. Na-a. Mer dikah ap ko tsiro, kai djiwah an o Debleskro foro, hoi wella.

1. Johanni 4:4

Mire tchawe, tumer han o Deblestar, un han sorleder har kol chochene rakepangre. O Debleskro Ducho, kai an tumende hi, hi sorleder har o beng, kai an i menshende hi, kai o Debles gar prindjrenna.

Debleskro tsiro 14:1

Un me dikom ko terno bakres ap i berga Zion tardo. Un leha his jek-sheel-te-star-deesh-te-star serja (144.000) menshe. Kolen hi o Jesuseskro lab un o lab leskro dadestar glan ap lengre shere tchinlo.

Debleskro tsiro 17:14

Un jon kurenn pen ko terno bakreha. Un o terno bakro hi sorleder har jon. Job hi o rai pral i tsele rajende, un o pralstuno pral i tsele pralstunende. Un pash leste hi kolla, kolen job gole das un win rodas, kolla, kai ap leste patsenna.”

Debleskro tsiro 2:11

Shunenn halauter mishto, hoi o Debleskro Ducho penella ap i patslende! Kowa, kai soreles an o patsepen atchas, un gar pre das, kowa merell gar o duito kopo.”

Debleskro tsiro 2:17

Shunenn halauter mishto, hoi o Debleskro Ducho penella ap i patslende! Kowa, kai soreles an o patsepen atchas, un gar pre das, koles dau ko maro dran o bolepen te chal, hoi kharella Manna. Ninna dau les i parno bar. Ap koleste hi o newo lab tchinlo, koles kek prindjrell, har kowa, kai les lella.”

Debleskro tsiro 2:7

Shunenn halauter mishto, hoi o Debleskro Ducho penella ap i patslende! Kowa, kai soreles an o patsepen atchas, un gar pre das, koles dau te chal ko rukestar, hoi o djipen della, kowa, hoi tardo hi an o Debleskri shukar baar.”

Debleskro tsiro 21:2

Un me dikom o Debleskro foro, o newo Jerusalem, har was ko foro tele o Deblestar dran o bolepen. O foro his shukar kerdo har i terni tchai, kai romedinerell un shukar kerdo was peskro romeske.

Debleskro tsiro 22:4

un dikenn les pengre jakentsa. Un leskro lab hi glan ap lengre shere tchinlo.

Debleskro tsiro 3:5

Kowa, kai soreles an o patsepen atchas, un gar pre das, kowa lella parne ripja. Un leskro lab lau me gar win dran o liil, kai i djide dren tchinlo hi. Ninna penau glan miro dadeste un glan leskre bolepangre, kai job hi miro.