Debleskro tsiro 22:14 - O Debleskro Drom 2021 (Sinte)

¹⁴ Bachtele hi kolla, kai pengre ripja djudjes thowenna. Jon nai chan ko rukestar, hoi o djipen della, un nai djan an kol bare wudja an ko foro dren.

O Debleskro Lab 2024 (Sinte-Manouche)

¹⁴ Barhtele hi kolla, kay pengre ripya djoudjes thovenna. Yon nay rhan ko roukestar, hoy o djipen della, oun nay djan an kol bare voudya an ko foro dren.

Debleskro tsiro 22:14 ပူးပေါင်းရင်းမြစ်များ

1. Mose 2:9

Un o baro Dewel, maro rai, mukas bud ruka baro te well dran i phub. Kolla his shukar. Un lengre rukengre his latcho chapaske. Mashkral i baar his ko ruk tardo, kai della djipen, ninna ko ruk, kai della goswepen, hoi hi latcho un hoi hi tchilatcho.

1. Mose 3:22

Un o baro Dewel, maro rai, penas: “Dikenn, o mensho was jaake har mer: Job djinell, hoi hi latcho un hoi hi tchilatcho. Kanna hi gar mishto, te chal lo ninna ko rukestar, hoi della o djipen. Palle djiwell job hako tsireske.”

Debleskri gili 112:1

Sharedo well o baro Dewel! Bachtelo hi kowa, kai djiwell o baro Debleha, un rikrell pes o tselo djijestar ap leskre laba.

Debleskri gili 118:20

Kate hi o baro Debleskro wudar: i Debleskre menshe djana kote dren.

2. Mose 19:10

Un o baro Dewel penas ap o Mose: “Dja pash lende un pen lenge, te krenn le pen djudjo mange kau diwes un taissar, te thowenn le pengre koola.

Daniel 12:12

Bachtelo hi kowa, kai win rikrell bis te 1.335 (jek-sero-triin-sheel-te-trijanda-te-pantch) diwessa trujel hi.

Johanni 10:7

Doleske penas o Jesus pale ap lende: “Tchatchepah, me penau tumenge: Me hom o wudar i bakrenge.

Johanni 10:9

Me hom ko wudar. Te djal jek an kau wudar dren, kowa djal gar nashedo. Job djal dren un win, un job hatsell shukar senlepen chapaske.

Johanni 14:15

“Te kamenn tumer man o djijestar, krenn tumer, hoi me tumenge penom.

Johanni 14:6

“Me hom o drom, un o tchatchepen un o djipen,” penas o Jesus. “Dell kek wawar drom pash o dadeste, har man.

Johanni 4:12

Hal tu bareder har o Jakob, maro kutch dad, kowa, kai hadas i phub kate win, te well kau pani win. Job un peskre tchawe un vieche pijan dran kau pani.”

1. Korintarja 7:19

Kolla hi gar budeder moldo, kai ap o mass tchinlo hi, har kolla, kai gar tchinlo hi ap o mass. Glan o Debleste molella, te rikress tut ap leskro lab.

1. Korintarja 8:9

Kowa hi tumaro koowa, hoi tumer krenna. Ninna te hi kowa jaake, denn jak ap kolende, kai gomme gar soreles an o patsepen hi, te perenn jon gar o Debleskro dromestar tele!

1. Korintarja 9:5

Hi men gar ko tchatchepen, te romedinerah nai i patsli djuwjat, un te las lat mentsa, jaake har krenna kol wawar Jesuseskre bitchepangre un leskre phrala un o Petro?

Galatarja 5:6

O Jesus Kristeske molell tchi, te hi i mursh ap o mass tchinlo, witar gar, te hi lo gar tchinlo. Kowa, hoi hi budeder moldo har lauter, hi o patsepen. Ko patsepen dikah mer ap o kamlepen, kai jekes hi i wawareske.

1. Johanni 3:3

Un hakeno, kai kowa patsella, rikrell peskro dji djudjo, te well kek doosh ap leste, jaake har ap o Jesus Kristeste kek doosh hi.

1. Johanni 5:3

Maro kamlepen o Debleske sikrell pes, te krah mer kowa, hoi job menge penella. Un kowa, hoi job menge penella te kras, kowa hi gar pharo.

Debleskro tsiro 2:7

Shunenn halauter mishto, hoi o Debleskro Ducho penella ap i patslende! Kowa, kai soreles an o patsepen atchas, un gar pre das, koles dau te chal ko rukestar, hoi o djipen della, kowa, hoi tardo hi an o Debleskri shukar baar.”

Debleskro tsiro 21:12

Trul o foro hi i bari massuri. An koi massuri hi deesh-te-dui bare wudja, ap kolende denn deesh-te-dui bolepangre jak. Un ap kol bare wudja hi i laba tchinlo kol deesh-te-dui Israeleskre tchawendar.

Debleskro tsiro 21:27

Un tchi well kote dren, hoi an o Debleskre jaka pale-tchiddo hi, witar kek mensho, kai djungelo koowa krella un chochella. Kolla wenna an ko foro dren, kolengre laba an o terno bakreskro liil dren tchinlo hi. Kote hi kolla dren tchinlo, kai lenna o djipen, hoi gar pre-herella.

Debleskro tsiro 22:2

O pani nashell mashkral o baro drom. Ap haki rig o panjestar hi kol ruka tardo, kai denna o djipen. Ap lende wenna deesh-te-dui kope an i bersh rukengro chapen baro, hako tchon jek kopo. Un i patria kol rukendar krenn i menshen an i tsele themma sasto.

Debleskro tsiro 22:7

“Shunenn,” penell o Jesus, “me wau sik. Bachtele hi kolla, kai rikrenn kal laba, hoi an kau liil tchinlo hi, an pengre djia. Kolla laba sikrenna, hoi wella.”

Debleskro tsiro 7:14

Un me penom ap leste: “Miro rai, tu djineh les.” Un job penas ap mande: “Kolla wan soreles palla lino, un wan win dran ko pharo tsiro. Un jon thowan pengre ripja, un kran len parno an o terno bakreskro rat.”