Debleskro tsiro 21:27 - O Debleskro Drom 2021 (Sinte)

²⁷ Un tchi well kote dren, hoi an o Debleskre jaka pale-tchiddo hi, witar kek mensho, kai djungelo koowa krella un chochella. Kolla wenna an ko foro dren, kolengre laba an o terno bakreskro liil dren tchinlo hi. Kote hi kolla dren tchinlo, kai lenna o djipen, hoi gar pre-herella.

O Debleskro Lab 2024 (Sinte-Manouche)

²⁷ Oun či vell kote dren, hoy an o Debleskre yaka pale-čiddo hi, vitar kek mensho, kay djoungelo koova krella oun rhorhella. Kolla venna an ko foro dren, kolengre laba an o terno bakreskro liil dren činlo hi. Kote hi kolla dren činlo, kay lenna o djipen, hoy gar pre-herella.

Debleskro tsiro 21:27 ပူးပေါင်းရင်းမြစ်များ

Debleskri gili 101:8

Hako diwes tchiwau i tsele tchilatchen an o them pale. Kolen, kai i wawaren tchilatchepen kran, mukau buder gar an o baro Debleskro foro te djiwell.

2. Mose 32:32

Mangau tut: Biste lengri doosh! Te kameh tu kowa gar te krell, palle le miro lab krik dran tiro liil, hoi tu tchinal.”

Jesaja 35:8

Un kote hi palle i drom, hoi kharell ‘Debleskro drom’. Kek, kai pale-tchiddo glan o Debleste hi, nai djal ap leste. Kokres o Debleskre menshe djan ap leste. Kek, kai djal ap ko drom, nashrell pes, witar kek, kai gar bud haiwell.

Jesaja 52:1

Ste pre! Ste pre, Zion! Ab pale soreles! Tchip tire kutch rajengre ripja ap tute, Jerusalem, tu Debleskro foro! Tchatchepah, kek tsiro well kanna buder, kai djal jek an tute dren, hoi gar tchinlo was ap peskro mass, witar gar jek, kai glan mande pale-tchiddo hi.

Jesaja 60:21

Tire menshe hi halauter an o tchatchepen tardo. Un kau them hi lenge hako tsireske. Jon hi har i tikne ruka, hoi tchiwom an i phub, un hoi bares wan. Mire wastentsa krom len, te sikrap miro railepen.

Ezekiel 44:9

Doleske penau me, o baro Dewel, tumaro rai: Kek dran i wawar them, koleskro dji gar mange hi, un kai hi gar tchinlo ap peskro mass, nai well an miro kheer dren, witar kek wi-themari, kai mank tumende djiwell.

3. Mose 13:46

Un jaake rah, har ko djungelo nasslepen ap leste hi, hi lo pale-tchiddo. Job djiwell kokres, un krell peskro kheer win glan koi platsa, kai i wawar menshe djiwenn.

Zakarie 14:21

I tsele pirja an Jerusalem un an o them Juda hi o Debleste dino; i menshe, kai an o Debleskro baro kheer wenna, nai lenn len un nai kerenn o mass koi dren. Un an ko tsiro dell buder kek parepaskro an o kheer o baro Deblestar, ko rajestar pral o bolepen un i phub.

4. Mose 12:15

Jaake was i Mirjam win anlo glan i platsa, kai i plachtene khera hi, un hunte atchas kote efta diwessa. An ko tsiro djan i menshe gar dureder. Har nai was i Mirjam palpale,

4. Mose 5:3

Murshen un djuwjen hunte bitchrenn win glan koi platsa, kai tumare plachtene khera tardo hi, te krenn jon gar koi platsa pale-tchiddo, kai me pash tumende djiwau.”

Mateo 13:41

O Mensheskro Tchawo bitchrell peskre bolepangren ap i phub. Un jon lenn kolen glan leskre jaka krik, kai kran, hoi o Dewel gar kamella, ninna kolen, kai anan i wawaren ap o tchilatcho drom.

Markus 7:2

Un jon dikan, har mank leskre malende sawe hi, kai thowan gar pengre wasta glan o chapen.

Louka 10:20

Awenn gar bachtelo, te shunenn i benga ap tumende! Awenn bachtelo, kai tumaro lab an o bolepen dren tchinlo hi!”

Efesarja 5:5

Tumer hunte djinenn: An o bolepen, kai hi o Jesus Kristo un o Dewel i raja, kote wenn kek mursha dren, kai sowenn wawar djuwjentsa, witar kek djuwja, kai sowenn wawar murshentsa, witar kek, kai krell djungelo koowa, witar kek, kai nashell pal i lowe. Kowa, kai nashell pal i lowe, koleske hi o brawlepen peskro dewel.

Filiparja 4:3

Me mangau ninna tut, miro latcho males, ab lenge ap i rig! Har sikrom i menshenge o Jesuseskro drom, budran le khetne mantsa un o phraleha, o Klemens, un kol wawarentsa, kolengre laba hi tchinlo an o Debleskro liil, kai halauter dren tchinlo hi, kai lenn o Debleskro djipen.

1. Timoteo 1:10

O Moseskre laba wan tchinlo kol murshenge, kai sowenn wawar djuwjentsa, un kol djuwjenge, kai sowenn wawar murshentsa. Kol laba wan ninna tchinlo kol murshenge, kai sowenn i murshentsa un tchawentsa. Kol laba wan tchinlo kolenge, kai tchorenn menshen un bikrenn len, un kolenge, kai penenn o chochepen, un kolenge, kai denn pen chochenes sowel. Un te dell wawar koowa, kai o Debleskro lab lestar penella, te kras mer kowa gar, palle wan o Moseskre laba kolenge tchinlo, kai kowa krenna.

Hebrearja 12:14

Krenn lauter, te well tumen kek tchingepen i wawar menshentsa! Tchiwrenn o tselo tchilatchepen dran tumende win! Kek mensho dikell o Debles, te mukell lo o tchilatchepen an peste te djiwell.

2. Petro 3:13

Mende das o Dewel peskro lab, te krell lo i newo bolepen un i newi phub. Kote della buder kek tchilatchepen. Ap kowa dikah mer.

Debleskro tsiro 13:8

Lauter, hoi ap i phub djiwenna, sharenn ko vieches, – lauter kolla, kolengre laba gar tchinlo hi an o djipaskro liil. Kolla, kai lengre laba dren tchinlo hi an kau liil, hi jaake rah dren tchinlo, har i phub koi hi. Kau liil hi o terno bakres, hoi maredo was.

Debleskro tsiro 20:12

Un me dikom i mulen: i bare har i tikne. Jon his tardo glan o Debleskro beshepaskro. Un lila wan pre kerdo, kai tchinlo hi, hoi i menshe kran. Pale was ko djipaskro liil pre kerdo, kai kolla dren tchinlo hi, kai djiwenna hako tsiro. Un o tchatchepen was wi-rakedo pral kol tsele mulende jaake, har an i lila dren tchinlo hi.

Debleskro tsiro 21:8

Kol wawar djan an i bari jag, hoi soreles chatchella un khandella. Kote merenn le o duito kopo. Jon hi kolla, kai i darjatar gar mantsa djan, kolla, kai phukran ap pengro patsepen, kolla, kai djungelo koowa kran, kolla, kai maran wawaren, kolla, kai lubran pen trujel, kolla, kai bengeskro koowa kran, kolla, kai mangan wawar koowa an har o Debles, un i tsele chochene.

Debleskro tsiro 3:5

Kowa, kai soreles an o patsepen atchas, un gar pre das, kowa lella parne ripja. Un leskro lab lau me gar win dran o liil, kai i djide dren tchinlo hi. Ninna penau glan miro dadeste un glan leskre bolepangre, kai job hi miro.