Debleskro tsiro 21:25 - O Debleskro Drom 2021 (Sinte)

²⁵ Un o foreskre bare wudja atchenn hako tsiro pre, un wenn buder gar pandlo. Della kek rati buder.

O Debleskro Lab 2024 (Sinte-Manouche)

²⁵ Oun o foreskre bare voudya ačenn hako tsiro pre, oun venn bouder gar pandlo. Della kek rati bouder.

Debleskro tsiro 21:25 ပူးပေါင်းရင်းမြစ်များ

Jesaja 60:11

Un tire bare wudja atchenn hako diwes pre. Pral o diwes har an i rat wenn le gar pandlo, te nai anenn kol menshe dran wawar themma pengro brawlepen pash tute, un te nai wenn lengre raja glan tute.

Jesaja 60:20

Tiro kham djal gar buder tele, un tiro tchon atchell diklo. o baro Dewel well tuke i momeli hako tsireske. Un kol phare diwessa, an kolende tu rowal, hi palle trujel.

Zakarie 14:7

Hi jek diwes, – o baro Dewel prindjrell les. Pal o diwes well kek rat. An ko tsiro, kai rati hunte wals, well gar tamlo.

Debleskro tsiro 21:12

Trul o foro hi i bari massuri. An koi massuri hi deesh-te-dui bare wudja, ap kolende denn deesh-te-dui bolepangre jak. Un ap kol bare wudja hi i laba tchinlo kol deesh-te-dui Israeleskre tchawendar.

Debleskro tsiro 21:15

Un ko bolepaskro, kai mantsa rakras, koles his i sonakaskro kasht an leskro wast, te ginell lo tele, har baro o foro hi, un har baro lengre wudja hi, un har baro koi massuri hi, hoi djal trul o foro.

Debleskro tsiro 21:23

Pral o foro hi buder kek kham un kek tchon. O Debleskro railepen hi har o kham, un o terno bakro hi i momeli o foreske.

Debleskro tsiro 22:5

An ko foro well buder gar rati. Len hunte well kek momeli, witar gar o kham, te dikenn le. O baro Dewel hi lengri momeli. Un jon hi bare raja hako tsireske.