Debleskro tsiro 20:8 - O Debleskro Drom 2021 (Sinte)

⁸ Un job djal win, te tserdell lo i menshen ap i tseli phub ap peskro drom. Kolla menshe kharenna Gog un Magog. Un jon hi jaake bud, te penell nai kek, kitse jon hi. O beng anell len khetne, te djan le an o kurepen o Debleskre menshentsa.

O Debleskro Lab 2024 (Sinte-Manouche)

⁸ Oun yob djal vin, te tserdell lo i menshen ap i tseli phoub ap peskro drom. Kolla menshe kharenna Gog oun Magog. Oun yon hi yaake boud, te penell nay kek, kitse yon hi. O beng anell len khetne, te djan le an o kourepen o Debleskre menshentsa.

Debleskro tsiro 20:8 ပူးပေါင်းရင်းမြစ်များ

1. Rajengro liil 4:20

An o them Juda un Israel djiwan jaake bud menshe har santa hi pash o baro pani. Un jon chan un pijan un mukan les penge mishto te djal.

2. Familjakro liil 18:21

Un job penas: ‘Me kamau i chocheno ducho te well, hoi rakrell dran i muja leskre tsele dikepangren!’ Koi penas o baro Dewel: ‘Tu hunte kress kowa. Tuke djal kowa mishto. Dja win, un kre les jaake!’”

Jesaja 10:22

Ninna te wans i Israelitarja jaake bud har i santa pash o baro pani, gar bud lendar atchenn pral, un wenn pale pale ap o Debleskro drom. O merepen well budenge. Kowa hi i wi-kerdo koowa. Jaake well o tchatchepen kerdo.

Jeremia 33:22

Kek nai penell, kitse bolepangre momlia an o bolepen hi. Un kek nai penell har bud santa pash o baro pani hi. Jaake dau miro budepaskro o Davideste jaake bud tchawe, kai pal leste wenna, te djinell kek, har bud jon hi. Un ninna krau, te wenn i Levitarja bud bud, kai mire rashaja hi.

Ezekiel 38:1

Un o baro Dewel penas ap mande:

Ezekiel 38:2

Tu, mensho, dik kote, kai o them Magog hi, un pen ap o Gog, ko pralstuneste pral i natsjone Meshech un Tubal, hoi pral leste wella.

Ezekiel 39:1

Tu, mensho, pen ap o Gog, hoi pral leste wella! Pen: Kawa penell o baro Dewel, maro rai: Kanna sikrau les tuke, Gog, tu pralstuno pral i natsjone Meshech un Tubal.

Ezekiel 39:6

Un me bitchrau jag ap i forja an o them Magog, un ap kolende, kai djiwenn pash o baro pani, un kolen kek daar hi wawarendar. Palle dikenn un haiwenn le, te hom me o baro Dewel.

Ezekiel 7:2

Tu, mensho, kawa hi, hoi penau me, o baro Dewel tumaro rai ap o them Israel. Hi doha! O tsiro hi koi, kai djal o tselo them Israel tele.

Hebrearja 11:12

Har o tchawo boldo was, his o Abraham ninna jaake phuro, te nai wals lo buder gar o dad i tchawestar. Un job was o dad bud bud menshendar. Leskre tchawe, tchawengre tchawe un lauter, kai pal leste wan, wan jaake bud har i bolepangre momlia, un har i tikne barra pash o baro pani, kai kek djinell, har bud kolla hi.

Debleskro tsiro 12:9

Un o baro lolo sap was win witsedo. Job hi ko phuro sap, hoi kharella ninna Beng un Satan, ko chocheno, kai tserdell i menshen ap i tseli phub ap peskro drom. Job was tele witsedo ap i phub, un leskre kurepangre leha.

Debleskro tsiro 16:14

Kolla triin benga krenn baro un sorelo koowa, un djan pash i rajende pral i tsele themma, te anenn jon pengre lurden khetne, te djan le an o kurepen ap o Debleskro baro diwes.

Debleskro tsiro 20:10

Un o beng, kai anas len ap peskro drom, well an i bari jag witsedo, hoi soreles chatchella un khandella. Kote hi ninna o viecho, un ko chocheno rakepaskro. Kote well len hako tsiro bare duka.

Debleskro tsiro 7:1

Un pal kowa dikom me star bolepangren. Kolla his tardo ap kol star rigja i phubjatar, un rikran ko sorelo ducho pale, hoi phurdell dran hake star rigja pral i phub. Jon rikran les pale, te phurdell lo gar pral i phub, witar gar pral o baro pani, witar gar pral i tsele ruka.

Čačepangre 7:12

Un i Midianarja un i Amalekarja un lauter, kai wan kotar, kai o kham pre djal, his kote tchiddo an o telstuno them un tchakran o them har i stepangre. Jaake bud his le. Un lengre khamele his jaake bud, te djinas kek, har bud jon hi. Kolla his jaake bud har i santa pash o baro pani.

1. Samuel 13:5

Ninna i Filistarja wan khetne, te djan le an o kurepen i Israelentsa: 3.000 (trijanda-serja) wurdja, un 6.000 (shob-serja) murshentsa koi pre, ninna bud lurde, kai nashenn, jaake bud har i santa pash o baro pani hi. Kolentsa djan le pre un tchiwan pen pash o foro Michmas tardo ap koi rig o forestar Bet-Awen, kai o kham pre djal!