Debleskro tsiro 20:5 - O Debleskro Drom 2021 (Sinte)

⁵ Jon hi kolla, kai glanstunes i mulendar pre stan. Un kol wawar mule wenn gar djido, jaake rah har ko sero bersh gar trujel djan.

O Debleskro Lab 2024 (Sinte-Manouche)

⁵ Yon hi kolla, kay glanstounes i moulendar pre stan. Oun kol vavar moule venn gar djido, yaake rah har ko zero bersh gar trouyel djan.

Debleskro tsiro 20:5 ပူးပေါင်းရင်းမြစ်များ

Louka 14:14

Te kreh tu kowa, hal tu bachtelo! Kol menshe nai denn tut tchi pale. Te krell o Dewel kol mulen djido, kai kran, hoi job kamas, palle dell lo tut kowa lauter pale, hoi tu lenge kral.”

Remarja 11:15

Har jon ap i rig tchiddo wan, nai wan i wawar menshe ap i phub pash o Debleste. Jaake was dran i tchilatcho koowa i latcho koowa. Har bud shukeder well kowa, te wenn i bibolde pale pash o Debleste. Kowa hi jaake shukar, har te wans le mulo un palle djido.

Filiparja 3:11

te krell o Dewel man ninna i mulendar djido.

1. Tessalonikarja 4:16

Ap ko diwes, kai well maro rai Jesus tele dran o bolepen, shunah, har jek gole della. O Debleskro pralstuno bolepaskro dell bari gole, un jek phurdell an o Debleskri bashepaskri. Palle stenn kol mule pre, kai patsan ap o Jesus Kristeste.

Debleskro tsiro 11:11

Un me dikom: Pal kol triin-te-paash diwessa kras o Dewel len pale djido. Un jon stan pre. Un i bari daar tapras kolen, kai kowa dikan.

Debleskro tsiro 11:15

Un ko eftato bolepaskro phurdas an peskri phurdepaskri. Koi his i rakepen an o bolepen, un bud dan bari gole, un penan: “Kanna hi o Dewel un leskro tchawo, o Jesus Kristo, i raja pral i tsele menshende ap i phub hako tsireske.”