Debleskro tsiro 2:9 - O Debleskro Drom 2021 (Sinte)

⁹ Me djinau, te lenn le tumen palla. Ninna djinau, har tchorwelo han. Tchatchepah han tumer brawelo! Me djinau ninna, te rakrenn kolla djungeles pral tumende, kai penenn pendar, te hi le Debleskre menshe. Jon hi kek Debleskre menshe. Na-a, jon hi bengeskre menshe.

O Debleskro Lab 2024 (Sinte-Manouche)

⁹ Me djinau, te lenn le t'men palla. Ninna djinau, har čorvelo han. Čačepah han t'mer bravelo! Me djinau ninna, te rakrenn kolla djoungeles pral t'mende, kay penenn pendar, te hi le Debleskre menshe. Yon hi kek Debleskre menshe. Na-a, yon hi bengeskre menshe.

Debleskro tsiro 2:9 ပူးပေါင်းရင်းမြစ်များ

Mateo 4:10

Koi penas o Jesus ap leste: “Dja tuke mandar, tu beng! An o Debleskro lab hi tchinlo: Tu mangess o Debles an, – job hi tiro rai, – un wess leske kokres koi!”

Louka 12:21

O Jesus penas dureder: “Jaake djal koleske, kai anas peske bud brawlepen khetne, un hi tchorwelo glan o Debleste.”

Louka 22:65

Un jon praassan les.

Louka 4:18

O Debleskro Ducho hi ap mande. Job rodas man win, te penap i tchorwelenge o Debleskro latcho lab. Un job bitchras man, te penap kolenge, hoi stilde hi, te wenn le dran lengro stilepen win, un kolenge, kai korelo hi, te dikenn le pale, un kolenge, kai pale-tchiddo hi, te wenn le pale erligo,

Louka 6:20

Un o Jesus dikas ap peskre malende un penas: Bachtele han tumer tchorwele! Tumer djiwenna o Debleha khetne an o bolepen un lenn leskro brawlepen.

Johanni 16:33

Kowa lauter penom tumenge, te well tumen i bari bacht an o dji pral kowa, kai han mire. Kate ap kai phub hi tumen daar. Ma darenn! Me hom sorleder har halauter ap kai phub.”

Bičepangre 14:22

djan pash i patslende un dan len soor an o dji, un rakran lenge an o dji, te atchenn jon an o patsepen. Un jon penan ap kol patslende: “Ap maro drom pash o Debleste an o bolepen krenn menge i menshe o djipen phares.”

Bičepangre 26:11

An i tsele biboldengre kangria mukom me kol patslen dawa te dell i tchupnijah, un kamom, te denn le pengro patsepen pre. Me homs jaake chojedo ap lende, te lom len ninna an forja an wawar themma palla.

Remarja 12:12

Awenn bachtele un dikenn ap o latchepen, hoi ap tumende wella an ko tsiro, hoi wella! Te well tumaro djipen pharo, rikrenn win! Mangenn o Debles hako tsiro!

Remarja 2:17

Hoi krenn tumer, i bibolde? Tumer sharenn tumen un penenn: “Me hom i biboldo un prindjrau o Moseskre laba. O baro Dewel hi miro Dewel.

Remarja 5:3

Kowa hi gar lauter. Ninna ham bachtelo pral i duka, hoi hunte las mer ap mende. Mer djinah, kol duka krenna, te dikas ap o Debleste.

Remarja 8:35

Tchi nai lell mendar o Jesus Kristeskro kamlepen krik! Kek duka, kek daar. Ninna te lenn le men palla, ninna te hi men tchi te chal un tchi an-ripaske, ninna te kamenn le men tchilatchepen te krell, ninna te marenn le men, ko tselo koowa nai lell gar o Jesus Kristeskro kamlepen mendar krik.

Remarja 9:6

Kanna penau kate gar, te hi o Debleskro lab buder tchi moldo, hoi job ap i Israelitarja penas. Na-a! Hoi kamau te penell, hi kowa: I tsele Israelitarja hi gar lauter o Debleskre menshe.

2. Korintarja 6:10

Menge hi ropaske, un mer nai sanah. Mer ham tchorwelo, un krah i wawaren brawelo. Men hi tchi ap kai phub, un lauter hi menge.

2. Korintarja 8:2

Ninna te was bud pharo koowa ap lende, his le bachtelo an pengre djia. Lengri bacht his jaake baro, te dan le bud lowe i wawar patslenge, ninna te djiwan le an baro tchorwlepen.

2. Korintarja 8:9

Tumer djinenn, har latcho maro rai, o Jesus Kristo, ap tumende his. Job his brawelo, un was tumenge tchorwelo. Kowa was lo, te wenn tumer brawelo.

1. Tessalonikarja 3:4

Kowa penam tumenge, har pash tumende hams. Un tumer dikan, kowa was jaake.

1. Timoteo 1:13

His i tsiro, kai rakrom djungeles pral leste, un lom i patslen palla, te marap len. An ko tsiro prindjrom les gar, un djinom gar, hoi me krom. Job kras mange peskro dji pre, un las man dran o tchilatchepen win.

1. Timoteo 6:18

Pen kol brawelenge ninna, te krenn le latcho koowa! Lengro dji te well baro i wawarenge, te denn le ninna i wawaren dran pengro brawlepen!

Debleskro tsiro 1:9

Me, o Johanni, hom tumaro phraal an o patsepen ap o Jesuseste. Job hi miro baro rai, har job tumaro baro rai hi. Jaake har tumer wenn leske palla lino, wom me ninna leske palla lino, un dom miro patsepen gar pre. Me penom i menshenge o Debleskro lab, un sikrom lende o Jesuseskro drom. Doleske wom stildo un anlo ap ko them Patmos, kai an o baro pani tchiddo hi.

Debleskro tsiro 2:13

Me djinau, tumer djiwenn kote, kai o beng o rai pral i menshende hi. Tumer rikrenn soreles ap mande, un mukan o patsepen gar, ninna an kol diwessa, har was o Antipas maredo, har job i menshenge mandar penas an tumaro foro, kai o beng djiwella.

Debleskro tsiro 2:2

Me prindjrau lauter, hoi tumer mange kran, tumari tseli phari budi. Tumer dan tumaro patsepen gar pre. Un tumer mukenn gar tchilatche menshe mashkral tumende te well. Un tumer lan kolen an o jak, kai penan, te hi le o Jesuseskre bitchepangre, un jon hi kowa gar. Un tumer haiwan, te chochran le.

Debleskro tsiro 2:24

Tumer wawar patsle an o foro Tiatira, kai gar pal kol chochene laba djiwan, un ko bengeskro drom gar prindjrenna, ap tumende penau me: Me penau tumenge tchi wawar koowa, hoi tumer hunte krenna,

Debleskro tsiro 3:9

Shunenn, hoi me kol bengeskre menshentsa krau, kai chochenn un penenn pendar, te hi le o Debleskre menshe, un jon hi kek Debleskre menshe. Me krau, te wenn le pash tumende, te witsrenn le pen glan tumende ap i phub, un te haiwenn le, te kamau tumen o tselo djijestar.

Debleskro tsiro 7:14

Un me penom ap leste: “Miro rai, tu djineh les.” Un job penas ap mande: “Kolla wan soreles palla lino, un wan win dran ko pharo tsiro. Un jon thowan pengre ripja, un kran len parno an o terno bakreskro rat.”