Debleskro tsiro 19:8 - O Debleskro Drom 2021 (Sinte)

⁸ Un joi las i shukar ripen dran djudjo parno than. Ko latcho parno ripen hi o tchatcho koowa, hoi o Debleskre menshe kran.

O Debleskro Lab 2024 (Sinte-Manouche)

⁸ Oun yoy las i shoukar ripen dran djoudjo parno than. Ko lačo parno ripen hi o čačo koova, hoy o Debleskre menshe kran.

Debleskro tsiro 19:8 ပူးပေါင်းရင်းမြစ်များ

Debleskri gili 132:9

Tchip o tchatchepen pral tire rashaja har i ripen! Mu denn tire menshe gole i bachtjatar!

Gosewe laba 31:22

Plachte krell li peske, rido hi li an latcho laintikro than un lolo bakrengro bal.

Jesaja 3:23

lengre blendarja un lengre gada, lengre stadja un lengre shereskre bare dikle.

Jesaja 61:10

Me hom bachtelo pral o baro Debleste, un miro dji giwell miro Debleske. Job hi trul mende har i ripen, te well kek tchilatchepen ap mende, un tchiwas tchatchepen ap mende har i plaashka, jaake har hidjrell i bijabeskro i shukar stadi, un leskri pirni shukar werklia un gustria.

Ezekiel 16:10

Un me riwom tut an raile ripja, kai shukar koowa dren sido his, un tchiwom kircha dran latcho ledera ap tire pire, un i pandepen dran kutch laintikro than ap tiro shero. Un i baja dran phar tchiwom trul tute.

Ezekiel 44:17

Te wenn le an kol wudja dren, hoi djan ap koi tikni glanstuni platsa, hunte riwenn le i rashajengre laintikre koola an. Kek koola dran bakrengre balla hunte wenn ap lende an ko tsiro, kai budrenn ap i tikni glanstuni platsa un dren an o kheer.

Mateo 17:2

Un glan lengre jaka las lo i bolepaskro railepen. Leskro mui was har o kham. Un leskro ripen was bijalo har i bari momeli.

Mateo 22:12

Un job penas ap leste: Miro maal, tut hi kek bijabeskro ripen ap tute, te nai djah tu ap i bijab. Hoi kreh tu kate? Un kowa nashte penas leske tchi.

Markus 9:3

Un leskre koola wan railes bijalo, jaake bijalo, har kek ap i phub nai thowell len bijalo.

Louka 24:4

Har jon koi tardo his, un djinan gar, hoi te krenn le, his kote ap jek kopo dui mursha tardo. Un lengre ripja his railes bijalo.

Bičepangre 1:10

Har jon leske palla dikan, har job an o bolepen djas, his dui mursha an bijale ripja pash lende tardo.

Remarja 13:14

Djiwas jaake har maro rai, o Jesus Kristo, djiwas! Te kamell o djungelo koowa an tumaro shero te well, palle penenn: Na-a!

Debleskro tsiro 15:4

Tutar darella hakeno, tiro labestar penenn le: Har baro un shukar hi lo! Maro rai, o baro Dewel hal tu. Kek wawar hi jaake har tu. I raja wenna dran hake themma; glan tute witsrenn le pen tele, te sharenn le tut. Lauter dikan, har pal o tchatchepen tu djal, har tu i menshende lengri phagi dal.

Debleskro tsiro 15:6

Un kol efta bolepangre, kai efta kope i bari phagi pral i phub anenna, kolla wan dran o Debleskro kheer win. Len his djudje parne ripja ap pende, un trul lengro betch buchle sonakangre dorja.

Debleskro tsiro 19:14

Un i tsele bolepaskre kurepangre wan leske palla ap parne graja. Len his koola dran parno djudjo than.

Debleskro tsiro 3:18

Doleske penau tumenge: Ginenn mandar sonakai, sawo sonakai, hoi an i jag thodo was, jaake te wenn tumer tchatchepah brawelo. Ginenn mandar ninna parne ripja, un riwenn kolla ap tumende, te han buder gar nango, un hunte ladjenn tumen buder gar. Un ginenn kutch djet, un makenn tumare jaka, te nai dikenn pale!