Debleskro tsiro 19:12 - O Debleskro Drom 2021 (Sinte)

¹² Leskre jaka hi har i jag. Un ap leskro shero hi bud sonakai bud kutch barrentsa. Glan ap leskro shero hi i lab tchinlo. Koles prindjrell kek har job kokres.

O Debleskro Lab 2024 (Sinte-Manouche)

¹² Leskre yaka hi har i yag. Oun ap leskro shero hi boud sonakay boud kouč barrentsa. Glan ap leskro shero hi i lab činlo. Koles prindjrell kek har yob kokres.

Debleskro tsiro 19:12 ပူးပေါင်းရင်းမြစ်များ

1. Mose 32:29

Penas ko mursh: “Tiro lab hi buder gar Jakob. Kanna well tiro lab Israel. Tu kural tut o Debleha un i menshentsa. Un tu hals sorleder har jon.”

Debleskri gili 8:5

palle putchau mandar: Hoi hi o mensho? Hoske well lo tuke an o shero? Hi lo tuke jaake kutch, te weh ap leskri rig?

2. Mose 23:21

Denn jak, te shunenn ap kowa, hoi job tumenge penell! Me bitchrom les. Te shunenn tumer gar ap leste, bistrell lo tumari doosh gar.

Gosewe laba 30:4

Koon djas pre an o bolepen un pale tele? Koon las o phurdepen an peskre wasta? Koon pandas i tsele panja an i baja? Koon penas, har dur i phub te djal? Har kharell lo? Har kharell leskro tchawo? Djineh tu kowa?

Kamlepaskri gili 3:11

Tumer tcha dran o foro Jerusalem, awenn win! Tumer tcha dran Zion dikenn o baro rajes, o Salomes! Dikenn leskri rajeskri stadi, hoi leskri dai leske ap o shero tchiwas, ap ko diwes, kai lo romedineras, un leskro dji i bachtjatar bashras.

Jesaja 62:3

Un tu weh har i kutch rajeskri stadi an o baro Debleskro wast, awa, i rajeskro shereskro an tiro Debleskro wast.

Jesaja 9:6

I rajeskri soor, hoi les hi, well baro un bareder. Un an kek tsiro dell tchingepen. Job well beshdo ap o Davideskri beshepaskri, un hi i rai, kai krell o tchatchepen jaake win, har o Dewel kamell un mishto hi kanna un hako tsireske. O baro Dewel, ko rai pral o bolepen un i phub, krell kowa lauter. Jaake las lo pes kowa soreles glan.

Daniel 10:6

Un leskro betch un per his har ko kutch bar, hoi kharell Krisolit. Un leskro shero un mui dikas win har koi jag, hoi ap o bolepen pral un tele djal. Un leskre jaka his har jag. Un leskre mussja un herja his har lolo saster. Un leskro rakepen his, har te rakrans bud menshe.

Zakarie 9:16

Ap ko diwes lell len lengro baro Dewel win dran i tchilatche wasta. Job hi lenge har i bakrengro, kai dell garda ap peskre bakren. Har i kutch barra ap i rajeskri stadi krenn le o them shukar.

Mateo 11:27

Lauter das miro dad an mire wasta. Kek djinella, koon o tchawo hi, har kokres o dad. Un kokres o tchawo djinella, koon o dad hi. Un o tchawo sikrell kolen, kai patsenn ap leste, koon o dad hi.

Mateo 21:5

Penenn i menshenge an o foro Jerusalem: Dik, tiro baro rai well pash tute. Job hi latcho un krell pes gar bares. Job hi beshdo ap i esla, ap i terni esla.

Mateo 28:18

Un o Jesus djas pash lende un penas ap lende: “O baro Dewel das man i soor pral o bolepen un pral i phub.

Louka 10:22

Lauter das miro dad an mire wasta. Un kek djinella, koon o tchawo hi, har kokres o dad. Un kokres o tchawo djinella, koon o dad hi. Un o tchawo sikrell o dades kolende, kai job win rodas.”

Johanni 17:11

An i tikno tsiro hom buder gar ap kai phub. Me wau pash tute. Jon hi ap kai phub. Miro dad, tu hal o baro Dewel, rike len an tire wasta, te atchenn jon pash tute, te wenn jon jek, jaake har mer ham!

Johanni 17:12

Jaake rah har me pash lende homs, dom garda ap lende an tiri soor, kai tu man dal. Me rikrom len, te djan jon gar krik tutar. Kek lendar djas nashedo. Jek kokres djas nashedo, jaake te was tchatcho, hoi lestar tchinlo was.

Efesarja 1:21

un das halauter an leskre wasta, te well lo o rai pral i tsele rajende un pralstunende, sorele un bare. Kekeskro lab hi bareder har leskro lab an kau tsiro, un ninna an ko tsiro, hoi wella.

Hebrearja 2:9

Kones mer dikah, kowa hi o Jesus. Job his i tikno tsiro tikneder har i bolepangre, un meras i menshenge. Doleske kras o Dewel les baro un railo. Jaake latcho his o Dewel i menshenge, te bitchras lo o Jesuses lauterenge an o merepen.

Debleskro tsiro 1:14

Leskre balla ap o shero his parno har i bakrengre balla, har gib. Un leskre jaka chatchan har i jag.

Debleskro tsiro 12:3

Un i wawar baro koowa sikras pes ap o bolepen: I baro lolo sap was. Un les hi efta shere un deesh shinga. Un ap hako shero hi shereskro sonakai.

Debleskro tsiro 13:1

Un me dikom dran o baro pani i vieches pre te well. Koles his deesh shinga un efta shere. Un ap haki shing hidjras lo i shereskro sonakai. Un ap leskre shere his sawe laba tchinlo, hoi praassenn o Debles.

Debleskro tsiro 19:16

Ap leskro ripen un ap leskri pralstuni heri hi i lab tchinlo, hoi kharella: o rai pral i rajende un o pralstuno pral i pralstunende.

Debleskro tsiro 3:12

Kowa, kai soreles an o patsepen atchas, un gar pre das, dran koleste krau me jekes, kai hi har i baro bar, hoi rikrell miro Debleskro kheer. Un kowa atchell koi tardo hako tsireske. Un me tchinau o lab miro Deblestar ap leste, un o lab o Debleskro forestar. Kowa hi o newo Jerusalem, hoi dran o bolepen tele wella. Un miro newo lab tchinau ninna ap leste.

Debleskro tsiro 6:2

Un me dikom i parno grajes. Un kowa, kai pre beshdo hi, koles hi i bogo an o wast. Un les was i shereskro sonakai dino, hoi sikrella, te hi job sorleder har bud wawar bare raja. Un job djas win an o kurepen, un was sorleder har jon halauter.

Čačepangre 13:18

O bolepaskro o baro Deblestar penas ap leste: “Hoske putcheh tu pal miro lab? Kowa hi i lab, hoi well gar kharedo.”