Debleskro tsiro 19:1 - O Debleskro Drom 2021 (Sinte)

¹ Un pal kowa dan bud menshe an o bolepen bari gole: “Halleluja! Maro Dewel las men dran o tchilatchepen un o merepen win. Job hi o rai, un les hi i soor pral halauter.

O Debleskro Lab 2024 (Sinte-Manouche)

¹ Oun pal kova dan boud menshe an o bolepen bari gole: “Halleluya! Maro Devel las men dran o čilačepen oun o merepen vin. Yob hi o ray, oun les hi i zoor pral halauter.

Debleskro tsiro 19:1 ပူးပေါင်းရင်းမြစ်များ

1. Familjakro liil 29:11

Baro Dewel, tu hal o baro rai, hal sorelo, railo, sorleder har hako wawar, un o pralstuno pral hako wawareste. Halauter, hoi an o bolepen un ap i phub hi, hi tiro. Tu hal o rai pral i tsele themma, un tut hi penepaske pral halauter.

Debleskri gili 104:35

Mu atchenn kolla gar djido ap i phub, kai o Debleskro drom mukan. Mu well ko tsiro, kai hi buder kek tchilatche koi! Miro tselo djijestar sharau o baro Debles. Sharedo well o baro Dewel!

Debleskri gili 106:1

Sharedo well o baro Dewel! Parkrenn tumen pash o baro Debleste! Job hi i latcho Dewel. Leskro latchepen atchella hako tsireske.

Debleskri gili 111:1

Sharedo well o baro Dewel! Miro tselo djijestar sharau o baro Debles kote, kai kolla khetne wenna, kai o tchatcho drom djan.

Debleskri gili 115:18

Mer, i djide, sharah tut kanna un hako tsireske. Sharedo well o baro Dewel!

Debleskri gili 146:1

Halleluja! Miro dji sharell o baro Debles.

Debleskri gili 148:1

Halleluja! Sharenn o baro Debles, tumer an o bolepen! Sharenn les, tumer kai han dur pral an o bolepen!

Debleskri gili 149:1

Sharedo well o baro Dewel! Giwenn o baro Debleske i newi gili! Sharenn les kote, kai leskre menshe khetne wenna!

Debleskri gili 150:1

Halleluja! Sharenn o Debles an peskro baro kheer! Sharenn les, ko soreles an o bolepen!

Debleskri gili 3:8

Ste pre, baro Dewel, un le man win, mo Dewel! Hakenes, kai ap mande djal, deh tu ap i tcham. Awa, i tchilatchenge deh tu i danda paash.

Debleskri gili 62:11

Ma patsenn, te lenn brawlepen, te djan ap jekeste i sorjah pre! Ma patsenn, te krell tumen kowa brawelo, hoi tchoran! Ninna te wenn brawleder un brawleder, ma tchiwenn tumare djia pre!

Jeremia 51:48

O bolepen un i phub, un halauter, hoi kote dren hi, denn gole i bachtjatar, te perell o foro Babilon an i wasta kolendar, kai wenn dran ko them, hoi kote tchiddo hi, kai norden hi, te denn le o foro Babilon paash. Kowa penell o baro Dewel.

Jona 2:9

Kolla kai rikrenn pen ap tchitcheskro koowa, rikrenn pen buder gar ap tute.

Mateo 6:13

Ma muk men tiro dromestar tele te djal! Le men dran o bengeskro wast win!

Debleskro tsiro 11:15

Un ko eftato bolepaskro phurdas an peskri phurdepaskri. Koi his i rakepen an o bolepen, un bud dan bari gole, un penan: “Kanna hi o Dewel un leskro tchawo, o Jesus Kristo, i raja pral i tsele menshende ap i phub hako tsireske.”

Debleskro tsiro 12:10

Un me shunom i sorelo rakepen an o bolepen, hoi penas: Kanna las men maro Dewel dran o bengeskro wast win. Maro Dewel sikras peskri soor, un was o rai pral i tsele menshende ap i phub. Un job das peskri tseli soor koles, kai job win rodas, te well lo o baro rai pral halauter. Tele witsedo hi ko phukepaskro, kai anas i doosh ap mare phralende glan o Debleste o diwes un i rati.

Debleskro tsiro 19:6

Koi dan bud menshe gole: “Halleluja!” Koi gole his jaake sorelo, har i baro pani gole della, hoi dur tele perella, un har koi gole, hoi o bolepen krella, te dell baro brishin un te dell jag tele karje. Un jon rakran un penan: “Maro sorelo Dewel was o rai pral halauter.