Debleskro tsiro 18:6 - O Debleskro Drom 2021 (Sinte)

⁶ Krenn ap late jaake, har joi ap tumende kras! Denn lat dui kope jaake bud tchilatchepen pale, har joi ap tumende kras! Denn lat i pipen te pijell, hoi hi dui kope sorleder har kowa, hoi joi das tumende te pijell!

O Debleskro Lab 2024 (Sinte-Manouche)

⁶ Krenn ap late yaake, har yoy ap t'mende kras! Denn lat douy kope yaake boud čilačepen pale, har yoy ap t'mende kras! Denn lat i pipen te piyell, hoy hi douy kope zorleder har kova, hoy yoy das t'mende te piyell!

Debleskro tsiro 18:6 ပူးပေါင်းရင်းမြစ်များ

Debleskri gili 137:8

Tu, foro Babilon, tu, kai lauter an kotja deh! Bachteles well kowa, hoi tuke pale della kowa, hoi tu menge kral!

Debleskri gili 28:4

Kre lentsa pal kowa, hoi jon kran, pal lengro tchilatchepen, hoi jon kran, pal kowa, hoi jon pengre wastentsa kran! De len pale pal kowa, hoi kran le i wawarenge!

Jesaja 40:2

“Rakrenn i menshenge an Jerusalem an o dji, un penenn lenge: Ko tsiro hi trujel, kai hunte budran tel duka un dawa. Tumari tseli doosh hi plaissedo. O baro Dewel das tumen i phagi, hoi his jaake baro, har te lans dui kope i phagi tumaro tselo tchilatchepaske.”

Jesaja 61:7

Tumer hidjran bari ladj un praassepen, doleske lenn tumer kanna i baro them un i bacht, hoi atchella hako tsireske.

Jeremia 16:18

Jon lenn mandar pengri tseli phagi lengri doshake un ko tchilatchepaske, hoi jon kran. Me mukau lenge tchi. Jon kran miro them pengre mule deblentsa pale-tchiddo. Ko them, hoi mange win rodom, hi pherdo ko koweha, hoi djungelo glan mire jaka hi.

Jeremia 17:18

Muk ladj pral kolende te well, kai man palla lenn, un gar pral mande! Jon hunte trashenn pen, un gar me! Muk ko diwes te well, kai well koi bibacht ap lende! Un phage len an kotja!

Jeremia 50:15

Denn i kurepaskri gole haki rigjatar! Dikenn, o foro dell pre! Leskre turme phagenn khetne. Leskre massurja hi tele phagedo. O baro Dewel dell o foro Babilon peskri phagi. Denn o foreske halauter pale pale, hoi kau foro ninna kras!

Jeremia 50:29

Kharenn kolen khetne, kai haiwenn pengre bogentsa karje te dell! Jon halauter hunte tchiwenn pen pre trul o foro Babilon, un mukenn kekes te nashell peske krik un djiwell! O foro Babilon phurdas pes pre un hadas pes pral mande, o baro Debleste, kai o Israeleskro tchatcho Dewel hi. Doleske denn o foreske o tchilatchepen pale pale, hoi lo kras! Jaake har job ap i wawarende kras, jaake krenn leske ninna!

Jeremia 51:24

Kanna dikenn tumer, har plaissrau o foreske Babilon un i tsele menshenge, kai an o them Babilonia djiwenn, lengro tselo tchilatchepen pale pale, hoi jon ap i berga Zion kran. Kowa penell o baro Dewel.

Jeremia 51:49

I lurde dran Babilon maran bud bud menshen ap i tseli phub. Kanna hunte well o foro Babilon maredo doleske, kai maran leskre lurde kol menshen dran Israel.

Ropaskre gilja 3:64

De lenge les pale, baro Dewel, har jon mantsa kran!

Zakarie 9:12

Tumer pandle, awenn pale khere an ko sorelo foro, tumer, kai djinenn: Mer atchah gar hako tsireske pandle. Kau diwes penau tumenge: Me dau tumende dui kope jaake bud latchepen har kol duka, hoi hunte lan ap tumende.

2. Timoteo 4:14

O Alexandro, kowa, kai budrell i sasteha, kras mange bud tchilatchepen. O rai Jesus rakrell i phagi pral leste win pal kowa, hoi job kras.

Debleskro tsiro 13:10

Koon stildo hunte well, kowa well stildo. Koon o chareha maredo hunte well, kowa well o chareha maredo. Doleske hunte wenn o Debleskre menshe soreles tardo an o patsepen, te denn le gar pre.

Debleskro tsiro 14:10

Jon hunte pijenn o Debleskri mool. Kai mool hi o Debleskri choli. Kaja hi jaake soreli har i mool, kai kek pani dren hi. Kolla, kai mangenn o vieches an, hunte djan an i bari jag. Un koi jag un i jagakri khand krenn lenge bare duka. Un jon dikenn o Debleskre bolepangren un o terno bakres.

Debleskro tsiro 16:19

Un o baro foro phagas an triin kotja. Un i forja an i wawar themma peran khetne. O Dewel bistras ko baro foro Babilon gar, un mukas i menshen kote peskri choli te pijell har mool.

Debleskro tsiro 17:2

I bare raja ap kai phub tchiwan pen lah khetne. Ko wi-ladjedo koowa, hoi koi djuwel kras, hi har i mool, hoi pijan kolla, kai ap i phub djiwenna, un latar mato wan.”

Debleskro tsiro 17:4

Un koi djuwel his rido an i kutch lolo ripen. Un ap late hi sonakai un kutch barra un mirklia. Un lat his i sonakaskro khoro an lakro wast, pherdo djungelo koowa un sawo koowa, hoi hi pale-tchiddo glan o Debleste. Kau koowa was dran lakro wi-ladjedo djipen.

Debleskro tsiro 18:20

Awenn bachtelo, tumer, kai djiwenn an o bolepen! O baro foro hi paash! Awenn bachtelo, tumer Debleskre menshe! Awenn bachtelo tumer, kai han o Jesuseskre bitchepangre, ninna tumer, kai han o Debleskre rakepangre! Kowa, hoi o foro tchilatches kras ap tumende, das o Dewel ko fores pale.