Debleskro tsiro 18:16 - O Debleskro Drom 2021 (Sinte)

¹⁶ un penenna: “Hawi bibacht! Hawi bibacht! Dikenn, o baro foro! I menshe an leste his rido an latcho parno than, un an kutch lolo than, un phar. Un sonakai, un kutch barra, un mirklia his ap lende.

O Debleskro Lab 2024 (Sinte-Manouche)

¹⁶ oun penenna: “Havi bibarht! Havi bibarht! Dikenn, o baro foro! I menshe an leste his rido an lačo parno than, oun an kouč lolo than, oun phar. Oun sonakay, oun kouč barra, oun mirklia his ap lende.

Debleskro tsiro 18:16 ပူးပေါင်းရင်းမြစ်များ

Ezekiel 28:14

Tu hals har i sorelo bolepaskro, kai dell jak. Un ap miri Debleskri berga tchiwom tut. Mank kutch barra, hoi dikan win har jag, djal tu trujel.

Nahum 2:9

Halauter nashenn dran o foro Ninive har pani, hoi dre-pandlo his, win nashell, te well o wudar pre kerdo. Atchenn tardo! Atchenn tardo! denn le gole pal lende. Kek rissrell pes!

Debleskro tsiro 17:3

Un o Debleskro Ducho was pral mande. Un o bolepaskro anas man an o mulo them. Un me dikom i djuwel ap i lolo viecho beshdo, hoi les efta shere un deesh shinga his. Un ap koleste his sawe laba tchinlo, hoi praassenn o Debles.

Debleskro tsiro 17:4

Un koi djuwel his rido an i kutch lolo ripen. Un ap late hi sonakai un kutch barra un mirklia. Un lat his i sonakaskro khoro an lakro wast, pherdo djungelo koowa un sawo koowa, hoi hi pale-tchiddo glan o Debleste. Kau koowa was dran lakro wi-ladjedo djipen.

Debleskro tsiro 18:18

Kolla lauter dikan koi jag, hoi ko fores pre chatchras, un dan gole, un penan: “Kek foro his jaake shukar har kawa!”

Debleskro tsiro 18:19

Un jon lan tchik, un tchiwan les ap pengre shere un rowan, un dan lengre wasta pral o shero khetne, dan gole, un penan: “Hawi bibacht! Hawi bibacht! Dikenn, o baro foro! Leskro brawlepen kras lauter kolen brawelo, kai hi len shiffe ap o baro pani! Un an jek tikno tsiro peras ko foro khetne.”