Debleskro tsiro 18:14 - O Debleskro Drom 2021 (Sinte)

¹⁴ Ap ko foro Babilon penenn le: “Lauter, hoi tu kamal, nashral. Tiro tselo brawlepen un shukapen hi nashedo, un tu leh les buder gar pale.”

O Debleskro Lab 2024 (Sinte-Manouche)

¹⁴ Ap ko foro Babilon penenn le: “Lauter, hoy tou kamal, nashral. Tiro tselo bravlepen oun shoukapen hi nashedo, oun tou leh les bouder gar pale.”

Debleskro tsiro 18:14 ပူးပေါင်းရင်းမြစ်များ

Debleskri gili 106:14

An o mulo them lan le bok pal o mass, un patsan gar, te nai dell o baro Dewel len lauter, hoi len hunte well djipaske.

Debleskri gili 78:18

An pengre djia patsan le gar, te nai dals len o Dewel ko chapen, pal kowa len bok his.

4. Mose 11:34

Un jon kharan koi platsa ‘Kibrot-Taawa’. Kote wan kolla paskedo, kolen chantch hi pal o mass.

4. Mose 11:4

Mank i Israelitarja his ninna wawar menshe, kai lentsa djan. Kolen was i bari bok pal mass. Koi rowan kol Israelitarja ninna pale, un penan: “Koon dell men mass chapaske?

Mateo 11:8

Koon kaman tumer te dikell? Kaman tumer i murshes te dikell, kai an kutch koola rido hi? Na-a, sawo mursh hi lo witar gar! Kolla, kai riwenna kutch koola, djiwenn an i rajengre khera.

Louka 12:20

O Dewel penell ap leste: Tu dinelo! Kai rat hunte meress tu. Koon lell tiro tselo brawlepen, hoi tu tuke khetne anal?”

Louka 16:25

Koi penas o Abraham: Tchawa, tuke djas hako tsiro an tiro djipen mishto. O Lazares his kek shukar djipen. Kanna hi job bachtelo un leske djal mishto. Un tut hi kanna bare duka.

1. Korintarja 10:6

Kowa, hoi kote djas, kamell menge soreles te penell, te djal maro dji gar pal o tchilatcho koowa, jaake har kolengro dji pal o tchilatchepen djas.

Jakobo 4:2

Tumer kamenn bud te lell, un len tchi. Doleske nai marans i menshen. Tumer silwerenn ap i wawarende, un tumer nai lenn gar, hoi kamenna. Doleske tchingrenn un kurenn tumen. O Deblestar mangenn tumer tchi. Doleske hi tumen tchi.

Debleskro tsiro 18:13

ninna o tselo kutch thulepen, un ko gudlo kasht, hoi sungella mishto, ninna mool un djet, un latcho jarro un djob, un grumja un bakre, un graja un wurdja, un ninna sawe menshe, kai hunte budrenn i wawarenge.

Debleskro tsiro 18:15

Kol bikepangre un parepangre, hoi kol forestar brawelo wan, kolla hi dur lestar tardo i darjatar, te well gar leskri bibacht ap lende. Un jon rowenna un denna lengre wasta pral o shero khetne,