Debleskro tsiro 18:10 - O Debleskro Drom 2021 (Sinte)

¹⁰ Dur glan o foro hi le tardo i darjatar, te well koi bibacht ninna ap lende, un jon penenna: “Dikenn! Hawi bibacht! Hawi bibacht! O baro foro Babilon, o sorelo foro! Leskri phagi was an jek tikno tsiro pral leste.”

O Debleskro Lab 2024 (Sinte-Manouche)

¹⁰ Dour glan o foro hi le tardo i daryatar, te vell koy bibarht ninna ap lende, oun yon penenna: “Dikenn! Havi bibarht! Havi bibarht! O baro foro Babilon, o zorelo foro! Leskri phagi vas an yek tikno tsiro pral leste.”

Debleskro tsiro 18:10 ပူးပေါင်းရင်းမြစ်များ

Jesaja 21:9

Kanna dikom i murshes ap i wurdin dui grajentsa. Un ko mursh das gole: O foro Babilon peras, peras. Un i tsele chochene debla hi paash dino ap i phub.

Jesaja 47:9

Well i diwes, kai well kowa lauter pral tute: Tu nashreh tiro romes, un tire tchawe hi mulo. Kowa well sik un soreles ap jek diwes pral tute, ninna te djineh bud drawepangre laba pre te penell, hoi te rikrenn i bibacht dur tutar, un kral bud bengeskro koowa.

Jeremia 30:7

Awa, hawo djungelo diwes wella, i diwes, hoi hi har kek wawar! Ko tsiro hi pherdi daar o Jakobeskre tchawenge; jon nai djinenn, te wenn le win lino dran kowa lauter.

Ezekiel 32:9

Kowa, hoi tuha djas, har tu tele djal, shunenn le an bud themma, ninna an sawen, kolen tu gar prindjreh. Un i menshe an bud themma lenn bari daar.

Joel 1:15

Hawo bibachtelo tsiro! O diwes, kai o baro Debleskri choli well, hi buder gar dur. Ap ko diwes anell o sorelo Dewel bari bibacht pral mende.

Amos 5:16

Un pral tumari doosh penell o baro Dewel, ko rai pral o bolepen un i phub: Ap i tsele platse wenn ropaskre gilja shunlo, un ap i tsele dromma denn le gole: Hawi grecha, hawi grecha! Ninna i hache wenn dren gole dino, te rowenn le pral kolende, kai meran. Un lauter, kai ropaskre gilja haiwenn, wenn kharedo, te giwenn le ropaskre gilja!

4. Mose 16:34

Har i wawar Israelitarja, kai trul lende his, shunan, har jon gole dan, nashan le penge. Jon trashan, te chal len i phub ninna pre.

Debleskro tsiro 11:8

Un kal mule mursha hi ap o drom tchiddo an ko baro foro, kai ninna lengro rai ap o trushel maredo was. Kau foro hi har o foro Sodom un har o them Egiptia.

Debleskro tsiro 14:8

Un i duito wawar bolepaskro was pal leste, un penas: “O baro foro peras khetne. O baro foro Babilon peras khetne, ko foro, hoi anas i menshen an i tsele themma ap peskro drom, te kran le wi-ladjedo koowa. Kowa his jaake har te das lo len mool te pijell. Doleske was o Debleskri choli pral o foro.”

Debleskro tsiro 16:19

Un o baro foro phagas an triin kotja. Un i forja an i wawar themma peran khetne. O Dewel bistras ko baro foro Babilon gar, un mukas i menshen kote peskri choli te pijell har mool.

Debleskro tsiro 17:12

Un kol deesh shinga, hoi dikal, hi deesh bare raja. Kolen hi kanna gomme kek penepaske pral i menshende. Well i diwes, kai well len i soor, te wenn le bare raja pral i menshende khetne o viecheha i tikno tsireske.

Debleskro tsiro 18:18

Kolla lauter dikan koi jag, hoi ko fores pre chatchras, un dan gole, un penan: “Kek foro his jaake shukar har kawa!”

Debleskro tsiro 18:19

Un jon lan tchik, un tchiwan les ap pengre shere un rowan, un dan lengre wasta pral o shero khetne, dan gole, un penan: “Hawi bibacht! Hawi bibacht! Dikenn, o baro foro! Leskro brawlepen kras lauter kolen brawelo, kai hi len shiffe ap o baro pani! Un an jek tikno tsiro peras ko foro khetne.”

Debleskro tsiro 18:21

Un i sorelo bolepaskro hadas i baro bar pre, un witsras les an o baro pani, un penas: “Jaake djal o baro foro Babilon i sorjah tele. Un tchi buder atchell lestar.

Debleskro tsiro 18:8

Doleske well i tseli bari bibacht ap jek kopo pral ko foro: merepen, ropen, un bok. Un i jag chatchrella ko foro pre. Sorelo hi o Dewel, maro rai, kai rakrell pral i menshen an o foro o tchatchepen win, un dell len i tchatchi phagi.