Debleskro tsiro 17:8 - O Debleskro Drom 2021 (Sinte)

⁸ Ko viecho his djido, un djiwell kanna buder gar, un well dran o telstunepen pale pre. Un palle djal lo hako tsireske nashedo. I tsele menshe krenn bare jaka, te dikenn le, te well ko viecho pale, hoi djido his, un kanna buder gar djiwella. Jon hi kolla, kolengre laba gar dren tchinlo wan an o djipaskro liil, har i phub gomme gar koi his.

O Debleskro Lab 2024 (Sinte-Manouche)

⁸ Ko firho his djido, oun djivell kanna bouder gar, oun vell dran o telstunepen pale pre. Oun palle djal lo hako tsireske nashedo. I tsele menshe krenn bare yaka, te dikenn le, te vell ko firho pale, hoy djido his, oun kanna bouder gar djivella. Yon hi kolla, kolengre laba gar dren činlo van an o djipaskro liil, har i phoub gomme gar koy his.

Debleskro tsiro 17:8 ပူးပေါင်းရင်းမြစ်များ

Debleskri gili 69:28

Tchin haki doosh lendar an i liil; jaake te mukess len tu gar an tiro tchatchepen te well.

Daniel 11:45

Un job tchiwell peskre kutch plachtene khera pre mashkral o baro pani un o Debleskri berga. Un kote well leske o merepen, un kek well ap leskri rig.

Daniel 7:11

Un me dom jak ap ko tikno shing, hoi sawe bare laba kras. Un dikom, kai ko viecho mulo dino was, un leskro mass an i jag witsedo was.

Daniel 7:26

Pal kowa well o bolepaskro tsillo, un o tchatchepen well wi-rakedo. Un ko rajestar well peskri soor krik lino, te hi lo buder kek rai. Un lestar atchell tchi buder pral.

Daniel 7:3

Un star bare vieche wan dran o baro pani win. Un hakeno his wawartchandes har o wawar.

Daniel 7:7

Un pal kowa dikom an kau dikepen koi rati i starto vieches, hoi tchilatcheder un diwjeder his har kol wawar. Les his bud soor un sasterne danda, chas trul peste un dandras lauter paash. Un kowa, hoi pral atchas, stakras lo peskre pirentsa tel peste khetne. Un job his wawartchandes har kol wawar vieche, hoi glan leste his. Un les his deesh shinga.

Mateo 25:34

Un palle penell o baro rai ap kolende, kai ap leskri tchatchi rig tardo hi: Ap tumende well i bacht miro dadestar an o bolepen. Awenn un djiwenn mantsa khetne an miri harmenatsjona. Kowa kamas o Dewel jaake rah har o bolepen un i phub koi hi.

Louka 10:20

Awenn gar bachtelo, te shunenn i benga ap tumende! Awenn bachtelo, kai tumaro lab an o bolepen dren tchinlo hi!”

Louka 8:31

Un jon mangan les, te bitchrell lo len gar an i telstuni phub.

Johanni 17:24

Tata, me kamau, te wenn kolla, kai tu man dal, pash mande, kote, kai me hom, te dikenn le miro railepen un miri soor, hoi tu man dal. Tu kamal man o djijestar, har o bolepen un i phub gar koi his.

Bičepangre 15:18

O Dewel krell kowa kanna, hoi job glan i rah tsiro penas.”

Efesarja 1:4

Har o bolepen un i phub gar koi his, rodas lo men win, te djas ap o Jesuseskro drom. Job rodas men win, te dell lo men i djudjo dji, te hatsell lo kek doosh ap mende. Jaake bud kamas lo men,

Tito 1:2

Jon hunte djinenn, te lenn le o djipen, hoi gar pre-herella. Kowa penas o Dewel glan i rah tsiro. Un job chochella gar.

1. Petro 1:20

Har i phub gar koi his, rodas o Dewel les win, te merell lo i menshenge. Un an kau tsiro, kai djiwah, was lo tumenge ap i phub.

Debleskro tsiro 11:7

Un te rakran jon i tsele laba, hoi o Dewel lenge penas, palle well o viecho dran o telstunepen pre. Un ko viecho hi sorleder har jon, un marell len.

Debleskro tsiro 17:11

Ko viecho, hoi djido his, un kanna buder gar djiwella, job hi o ochtato. Ninna hi lo jek kol eftendar, un djal hako tsireske nashedo.

Debleskro tsiro 17:2

I bare raja ap kai phub tchiwan pen lah khetne. Ko wi-ladjedo koowa, hoi koi djuwel kras, hi har i mool, hoi pijan kolla, kai ap i phub djiwenna, un latar mato wan.”

Debleskro tsiro 20:10

Un o beng, kai anas len ap peskro drom, well an i bari jag witsedo, hoi soreles chatchella un khandella. Kote hi ninna o viecho, un ko chocheno rakepaskro. Kote well len hako tsiro bare duka.

Debleskro tsiro 20:12

Un me dikom i mulen: i bare har i tikne. Jon his tardo glan o Debleskro beshepaskro. Un lila wan pre kerdo, kai tchinlo hi, hoi i menshe kran. Pale was ko djipaskro liil pre kerdo, kai kolla dren tchinlo hi, kai djiwenna hako tsiro. Un o tchatchepen was wi-rakedo pral kol tsele mulende jaake, har an i lila dren tchinlo hi.

Debleskro tsiro 3:10

Tumer rikran ko lab, hoi tumenge penom, un wan gar khino an o patsepen ap mande. Doleske rikrau mire wasta pral tumende an ko pharo tsiro, kai i bibacht wella pral i tsele menshende ap kai phub, te well diklo, hoi an lengre djia hi.

Debleskro tsiro 3:5

Kowa, kai soreles an o patsepen atchas, un gar pre das, kowa lella parne ripja. Un leskro lab lau me gar win dran o liil, kai i djide dren tchinlo hi. Ninna penau glan miro dadeste un glan leskre bolepangre, kai job hi miro.