Debleskro tsiro 16:3 - O Debleskro Drom 2021 (Sinte)

³ Un o duito bolepaskro tchoras peskro tcharo win pral o baro pani. Un o pani was rat, har i mulestar. Un lauter meras, hoi an o baro pani djiwas.

O Debleskro Lab 2024 (Sinte-Manouche)

³ Oun o douyto bolepaskro čoras peskro čaro vin pral o baro pani. Oun o pani vas rat, har i moulestar. Oun lauter meras, hoy an o baro pani djivas.

Debleskro tsiro 16:3 ပူးပေါင်းရင်းမြစ်များ

1. Mose 7:22

Halauter meras, hoi ap i phub djiwas.

Debleskri gili 105:29

Job kras rat dran i tsele panja i Egiptarendar, un mukas i matche kote dren te merell.

Debleskri gili 78:44

Kote kras lo, te was o pani an o Nil rat, te nai pijan i Egiptarja gar dran pengre panja.

Ezekiel 16:38

Un me dau tut sawi phagi, har kol djuwja lenna, kai chochran pengro romes un maran i menshes. Un me mukau miri soreli choli pral tute te well.

Bičepangre 2:41

Kolla, kai lan leskre laba an pengro dji pre, mukan pen te taufrell. Un ap ko diwes wan triin serja menshe ap o Jesuseste patslo.

Debleskro tsiro 10:2

Un les his i liil an peskro wast, hoi pre his. Un job tchiwas peskri tchatchi heri ap o baro pani, un i serwi heri ap i phub.

Debleskro tsiro 11:6

Len hi i soor, te rikrenn le o brishin pale, jaake te dell kek brishin ap ko tsiro, kai jon o Debleskro lab penenna. Un len hi i soor pral o pani, te nai krenn le dran kol tsele panja rat. Ninna hi len i soor, te nai anenn le haki bibacht pral i phub, jaake bud kope, har jon kamenna.

Debleskro tsiro 13:1

Un me dikom dran o baro pani i vieches pre te well. Koles his deesh shinga un efta shere. Un ap haki shing hidjras lo i shereskro sonakai. Un ap leskre shere his sawe laba tchinlo, hoi praassenn o Debles.