Debleskro tsiro 16:2 - O Debleskro Drom 2021 (Sinte)

² Un o glanstuno bolepaskro djas un tchoras peskro tcharo win pral i phub. Koi was i djungelo un tchilatcho nasslepen ap kol menshende, kai lan o viecheskro lab ap pende, un mangan o vieches an, hoi i menshendar kerdo was.

O Debleskro Lab 2024 (Sinte-Manouche)

² Oun o glanstouno bolepaskro djas oun čoras peskro čaro vin pral i phoub. Koy vas i djoungelo oun čilačo nasslepen ap kol menshende, kay lan o firheskro lab ap pende, oun mangan o firhes an, hoy i menshendar kerdo vas.

Debleskro tsiro 16:2 ပူးပေါင်းရင်းမြစ်များ

2. Familjakro liil 21:15

Ap tute well bud nasslepen an tire buke. Kowa well djungleder un djungleder, bis tire buke dran tute win wenna.

2. Familjakro liil 21:18

Pal kau tselo koowa, tchiwas o baro Dewel i nasslepen an leskre buke. Kolestar nai was lo gar sasto.

Debleskri gili 78:26

Job bitchras i baro ducho, hoi phurdas kotar, kai o kham pre djal. Un peskri sorjah tradas lo i wawar ducho pash lende, hoi phurdas kotar, kai o kham pralstunes hi,

Jesaja 3:17

Doleske mukau me, o baro Dewel, i tchiklo dukepen ap lengre sherja te well, un mukau lenge i tsele balla tele te tchinell.

Jesaja 3:24

Un palle well, te hi djungeli khand, kai shukar sungepen his, un kote, kai i shukar pereskro pandepen his, hi kanna i dori. Un kolat, kai shukar bal his, kolat hi palle kek bal ap o shero, un kolat, kai kutch koola his, koja riwell palle i gono trul peste. Un kote, kai shukapen his, hi kanna tchi har i ladj.

Bičepangre 12:23

Jaake mukas pes o Herodes i menshendar te sharell, har te wals job o Dewel. Un har job kowa kras, das les o Debleskro bolepaskro i nasslepen, te chan i kirme les pre, un job meras.

5. Mose 28:27

O baro Dewel bitchrell tumen sawo nasslepen, hoi lo glan i rah tsiro i Egiptarjen das: I djungelo nasslepen well ap tumaro mass, dukepen phagell pre, un tumaro mass chatchell un chandjrell. Un kek drab hi koi, hoi nai krell tumen sasto.

5. Mose 28:35

O baro Dewel krell, te phagell djungelo dukepen pre ap tumare herja. Awa, tumare pirendar bis ap tumare sherja han pherdo dukepen, un nai wenn gar sasto kolestar.

5. Mose 7:15

Un o baro Dewel lell hako nasslepen tumendar, un anell kek sawo nasslepen ap tumende, hoi ap i menshende an o them Egiptia wan, un hoi tumer prindjrenn. Na-a gar ap tumende tchiwell lo len, ap hakeneste, kai ap tumende pre djal, tchiwell lo len.

Debleskro tsiro 13:12

Les hi i tseli soor, hoi ninna ko vieches hi, hoi dran o baro pani was. Un ko duito viecho kras, te sharenn i tsele menshe ap i phub ko vieches, hoi dran o baro pani was, koles ko baro tchinepen his, un pale sasto was. Un ko viecho, hoi dran o baro pani was, kowa dikas lauter, hoi ko duito viecho kras,

Debleskro tsiro 14:16

Un kowa, kai ap i wolka beshdo his, witsras peskri bangi tchuri pral i phub. Un o djob was tchinlo un khetne pandlo.

Debleskro tsiro 14:9

Un i triinto wawar bolepaskro was pal lende, un das bari gole: “Kolla, kai mangenn o vieches an, un ko vieches, hoi was i menshendar kerdo, un kolla, kai tchinan leskro sikepen glan ap pengro shero, ninna ap pengro wast.

Debleskro tsiro 16:1

Un me shunom, har jek dran o Debleskro kheer bari gole das un ap kol efta bolepangre penas: “Djan win un tchorenn kol efta tchare, kai pherdo Debleskri choli hi, pral i phub win!”

Debleskro tsiro 16:11

Lengre duka dran o djungelo nasslepen his jaake baro, kai praassan le o Debles an o bolepen. Un jon mukan gar pengro tchilatcho koowa, hoi jon kran.

Debleskro tsiro 8:7

Un o glanstuno phurdas an peskri phurdepaskri. Koi das brishin, hoi his har barra, un jag o rateha mashkral ap i phub. Un o triinto kotar i tseli phubjatar chatchras, un o triinto kotar i tsele rukendar chatchras, ninna o tselo senlepen.

1. Samuel 5:6

Un o baro Debleskro wast tchiwas pes phares ap i menshende an Ashdod un anas bibacht ap lende. I djungelo nasslepen was ap kolende, kai djiwan an Ashdod un an i gaba trujel.

1. Samuel 5:9

Un har jon ko mochton kote anan, was o baro Debleskro wast phares ap o foro, un lauter, tikne un bare lan ko djungelo nasslepen. Un i bari daar tapras len.