Debleskro tsiro 16:10 - O Debleskro Drom 2021 (Sinte)

¹⁰ Un o pantchto bolepaskro tchoras peskro tcharo win pral o viecho un leskro them, kai job o rai hi. Un i rati was ap lende. Un leskre menshe dandran ap pengri tchip i dukatar.

O Debleskro Lab 2024 (Sinte-Manouche)

¹⁰ Oun o pančto bolepaskro čoras peskro čaro vin pral o firho oun leskro them, kay yob o ray hi. Oun i rati vas ap lende. Oun leskre menshe dandran ap pengri čip i doukatar.

Debleskro tsiro 16:10 ပူးပေါင်းရင်းမြစ်များ

Debleskri gili 78:49

Jaake bitchras o Dewel peskri bari choli ap i Egiptarja. Leskri choli his har i jag, hoi chatchras, un i bari phagi pral lende anas. I bibacht tapras len har te wals lat bitchedo i bolepangrendar, kai anenn o merepen.

Mateo 13:42

Un i bolepangre witsrenn len an i bobeskri jag. Kote rowenn le, un dandrenn i danda i dukatar khetne.

Mateo 13:50

Un jon witsrenn i tchilatchen an i bobeskri jag. Un kote rowenn le, un dandrenn i danda i dukatar khetne.

Mateo 22:13

Penas o baro rai ap peskre budepangre: Pandenn les ap i pire un ap i wasta, un witsrenn les win an i kali rat! Un kote rowenn le un dandrenn i danda i dukatar khetne.”

Mateo 24:51

un dell ko budepaskres khetne, un anell les kote, kai i chochene hi. Kote rowenn le, un dandrenn i danda khetne i dukatar.

Mateo 8:12

Un i biboldendar wenna bud an i kali rat win witsedo. Un jon rowenna, un dandrenn i danda i dukatar khetne.”

Louka 13:28

Te han tumer win tardo un dikenn, kai o Abraham, un o Isaak, un o Jakob, un kol tsele Debleskre rakepangre pash o Debleste an o bolepen hi, rowenn tumer. Un tumer dandrenn i danda i dukatar khetne.

1. Petro 2:17

Awenn latches ap hako mensheste! Kamenn i patslen o djijestar! Sharenn o Debles, un krenn, hoi job kamella! Shunenn ap o baro rajeste pral o them!

Debleskro tsiro 11:10

I menshe ap i phub hi bachtelo, un giwenna un khelenna. Un jek bitchrell o wawareske shukar koowa. Jaake bachtelo hi le, te hi kol dui Debleskre rakepangre mulo, kai dukran kolen, kai ap i phub djiwenna.

Debleskro tsiro 11:2

Un ko kotar phub glan o Debleskro baro kheer, kote tchip ko kasht gar pre. Ko kotar phub well kolende dino, kai kek bibolde hi. Un jon stakrenn o Debleskro foro khetne star-deesh-te-dui tchon.

Debleskro tsiro 11:8

Un kal mule mursha hi ap o drom tchiddo an ko baro foro, kai ninna lengro rai ap o trushel maredo was. Kau foro hi har o foro Sodom un har o them Egiptia.

Debleskro tsiro 17:17

Kowa das len o Dewel an lengre djia, te krenn jon, hoi job kamella. Doleske rikrenn le lauter khetne, un denn pengri soor ko viecheste. Kowa djala lauter jaake rah, bis te was lauter jaake, har o Dewel penas.

Debleskro tsiro 17:9

Kanna hunte well men goswepen, te haiwas kowa: I efta shere ko viechestar hi efta berge, ap kolende koi djuwel beshdo hi. Kal shere hi ninna efta bare raja:

Debleskro tsiro 18:2

Un job das soreles un bares gole: “O foro peras khetne! O baro foro Babilon peras khetne! Kanna djiwenn kote i benga. Kote khatrenn pen kol tchirkle un wawar vieche, kai pale-tchiddo hi, un i menshe darenn lendar.

Debleskro tsiro 18:21

Un i sorelo bolepaskro hadas i baro bar pre, un witsras les an o baro pani, un penas: “Jaake djal o baro foro Babilon i sorjah tele. Un tchi buder atchell lestar.

Debleskro tsiro 18:23

I tsele momlia djan win. Un kek krella pale i momeli an. Tu shuneh buder kek pirno peskri pirnjah khelell un giwell. I bikepangren un i parepangren an ko foro his bud penepaske ap kai phub. Un ko bengeskro koowa, hoi kran le an o foro, anas i menshen an i tsele themma ap o bengeskro drom.

Debleskro tsiro 8:12

Un o starto bolepaskro phurdas an peskri phurdepaskri. Un o kham las i dap, un o triinto kotar lestar was kalo. Ninna o tchon un i wawar bolepangre momlia lan i dap. Un o triinto kotar lendar was kalo. Jaake chatchas o kham gar ap o triinto kotar ap o diwes, witar gar chatchan o tchon un i bolepangre momlia ap o triinto kotar an i rat.

Debleskro tsiro 9:2

Koi was i jagakri khand dran o telstunepen win, har i jagakri khand dran i baro bob win wella. Un koi jagakri khand hadas pes pre, un tchakras o kham un o bolepen, jaake te was rat.