Debleskro tsiro 15:4 - O Debleskro Drom 2021 (Sinte)

⁴ Tutar darella hakeno, tiro labestar penenn le: Har baro un shukar hi lo! Maro rai, o baro Dewel hal tu. Kek wawar hi jaake har tu. I raja wenna dran hake themma; glan tute witsrenn le pen tele, te sharenn le tut. Lauter dikan, har pal o tchatchepen tu djal, har tu i menshende lengri phagi dal.

O Debleskro Lab 2024 (Sinte-Manouche)

⁴ Toutar darella hakeno, tiro labestar penenn le: Har baro oun shoukar hi lo! Maro ray, o baro Devel hal tou. Kek vavar hi yaake har tou. I raya venna dran hake themma; glan toute vitsrenn le pen tele, te sharenn le tout. Lauter dikan, har pal o čačepen tou djal, har tou i menshende lengri phagi dal.

Debleskro tsiro 15:4 ပူးပေါင်းရင်းမြစ်များ

Debleskri gili 105:7

O baro Dewel hi maro Dewel, un o tchatchepaskro rai pral i tseli phub.

Debleskri gili 111:9

O baro Dewel las peskre menshen win dran i tchilatche wasta, un kras lentsa win, te wenn le leskre menshe hako tsiro. Job kokres hi lengro Dewel. Baro hi lo!

Debleskri gili 22:23

Tutar kamau me te rakrell pash mire phralende. Kote, kai wenn le khetne, kamau me tut te sharell.

Debleskri gili 22:27

Mu chan i tchorwele un wenn tchalo! Un kolla, kai ap o baro Debleste gole denna, mu sharenn les! Lenge te well i djipen, hoi gar pre-herella!

Debleskri gili 22:3

Mo Dewel, ap o diwes dau ap tute gole, un tu shuneh man gar, ninna rati kharau tut, un hatsau kek sopen.

Debleskri gili 86:9

I tsele natsjone, kolen tu kral, kolla wenna un mangenn tut an, maro rajes, un sharenn tiro railepen.

Debleskri gili 89:7

Koon an o bolepen hi jaake har tu, maro baro Dewel? Hawo Dewel nai well jaake har maro baro Dewel?

Debleskri gili 97:8

Tu, baro Dewel, hal i rai, kai djal pal o tchatchepen. Kowa shunenn i menshe an o foro Zion un hi bachtelo. Un kolla an o them Juda sanenn un khelenn i bachtjatar.

Debleskri gili 99:5

Hadenn maro baro Debles! Un perenn ap i phub glan i beshepaskri, kai job peskre herja pre tchiwella. O baro Dewel kokres hi o tchatcho Dewel.

Debleskri gili 99:9

Hadenn maro baro Debles! Mangenn les an ap leskri berga, kai job djiwella. Maro baro Dewel kokres hi o tchatcho Dewel.

Jesaja 24:15

Hadenn o baro Debles, tumer kai djiwenn kote, kai o kham pre djal! Un an i panjengre themma denn win gole: “Har railo hi o baro Dewel, kai o Israeleskro Dewel hi!”

Jesaja 25:3

Doleske sharenn tut i menshe an sorele themma. Un i menshe an forja, kai lengre pralstune i sorjah ap lende djan, mangenn tut an.

Jesaja 26:9

Ratsjake djal miro dji tuke palla, o ducho an mande rodell tut taissarlake. Te kreh tu o tchatchepen win ap i phub, palle dikenn lauter, kai ap i phub djiwenn, hoi tchatchepen hi.

Jesaja 45:23

Me dom man sowel pash mande kokres, un hoi penom, hi tchatcho un nai well gar krik lino: Hakeno hunte witsrell pes glan mande ap i phub, un hako mui dell pes sowel

Jesaja 57:15

Me, o pralstuno, kai hadedo hom, un hako tsiro djiwau, un kokres o tchatcho Dewel hom, penau: Me djiwau an o pralstunepen an miro bolepaskro kheer, un ninna pash o mensheste, kai i phagedo un tele-rikedo dji an leste hi, te dap pale soor koleste, kai tele rikedo hi, un mukap koles pre te djiwell, koleskro dji phagedo hi.

Jesaja 6:3

Un jek das ap o wawareste gole un penas: Latcho - un tchatcho - har kek wawar - hi o baro Dewel, ko rai pral o bolepen un i phub. I tseli phub hi pherdo leskro railepen!

Jesaja 60:5

Palle dikeh tu kowa, un bari bachtjatar chatchell tiro mui har i momeli, un tiro dji trissella un djal dur pre. Bud brawlepen dran wawar themma well anlo pash tute, fun wergel o baro pani well lo pash tute.

Jeremia 10:7

Hakeno hunte trashell tutar un hunte hadell tut. Tu hal o baro rai pral i themma! Ap tute hunte shunenn le. Mashkral kol tsele gosewende un bare rajende ap kai phub hi kek jaake har tu hal.

Jeremia 16:19

Baro Dewel, tu deh man soor un deh garda ap mande. Pash tute nai wau me un khatrau man an i bibacht. Dran i tsele themma ap i phub wenn i menshe pash tute, un penenn: Kol debla mare phurendar hi lauter chochepen, tchi-moldo hi le, un nai wenn gar ap mari rig.

Jeremia 5:22

Hi tumen kek traash mandar, putchell o baro Dewel. Trissenn tumer gar glan mande? Me krom, te atchell o baro pani ap jek platsa, un tchiwom santa koi glan. Koi hunte atchell o pani hako tsiro, un dureder nai nashell lo gar. Ninna te well ko pani jaake diwjo, un djal pral un tele, nai djal lo gar dureder.

Hosea 3:5

Pal ko tsiro wenn i Israelitarja palpale pash o baro Debleste, kai lengro Dewel hi, un pash lengro baro rajeste – jekeste dran o kheer David. Un trisslepah wenn le pash o baro Debleste. Un job well lenge latches an ko tsiro, hoi wella.

Habakuk 1:12

[Me penom:] Tu, miro baro Dewel, hal kokres o tchatcho Dewel, un hal hako tsireske koi! Muk men gar te merell! Baro Dewel, pash tute khatrah men, tu dal len gole, te denn le menge i phagi, awa, tu bitchral len, te denn le men dawa.

Zakarie 14:16

Un kolla, kai djides atchan kol menshendar dran i themma, kai his an o kurepen o foreha Jerusalem, kolla wenna hako bersh an Jerusalem, te sharenn le o baro rajes an Jerusalem. Job hi o baro Dewel, ko rai pral o bolepen un i phub. Kote an Jerusalem kamenn le ninna kol bare diwessa te rikrell, kai i menshe an patjengre khera djiwenn.

Zakarie 2:11

Stenn pre, tumer menshe dran Zion, kai djiwenn an o them Babilonia, nashenn tumenge!”

Maleachi 1:11

O baro Dewel, ko rai pral o bolepen un i phub, penell: Fun kotar, kai o kham pre djala, bis kote kai o kham tele djal, well miro lab sharedo pash kolende an i wawar themma. An bud gaba un forja chatchrenn le mange sungepaskro koowa un viechen, hoi hi latcho an mire jaka. Kolla lauter sharenn miro lab.

Remarja 15:9

Un job was tumenge, kai han kek bibolde, te sikrell lo tumende o Debleskro baro latchepen, jaake te sharenn tumer o Debles. An o Debleskro lab hi tchinlo, har penell o Jesus Kristo ap o Debleste: Doleske sharau tut mank kolende, kai hi kek bibolde, un giwau gilja tuke.

1. Petro 1:16

An o Debleskro lab hi tchinlo, kai o Dewel penella: An mande hi kek tchilatchepen. Doleske hunte well kek tchilatchepen an tumende.

Debleskro tsiro 11:15

Un ko eftato bolepaskro phurdas an peskri phurdepaskri. Koi his i rakepen an o bolepen, un bud dan bari gole, un penan: “Kanna hi o Dewel un leskro tchawo, o Jesus Kristo, i raja pral i tsele menshende ap i phub hako tsireske.”

Debleskro tsiro 14:7

Un job das bari gole: “Darenn o Deblestar un sharenn les! Ko tsiro hi kanna kai, kai job o tchatchepen pral i tsele menshende wi-rakrella. Witsrenn tumen tele glan koleste, kai kras o bolepen un i phub, un o baro pani, un mangenn les an!”

Debleskro tsiro 16:5

Un me shunom, har penas ko bolepaskro, koles i soor pral i panja hi: “Tu, o baro Dewel, djiweh kanna, har djiwal an o phuro tsiro. O tchatchepaskro Dewel hal tu. Kowa, hoi tu rakreh, hi mishto un tchatcho.

Debleskro tsiro 16:7

Un me shunom, har jek pash o Debleskri chatchepaskri penas: “Awa, rai, maro sorelo Dewel, mishto kral, kai tu dal len sawi phagi.”

Debleskro tsiro 19:2

Latcho un tchatcho hi lo. I phagi, hoi job i menshen das, hi mishto un tchatcho. Job das i bari lubjat lakri phagi. Joi tserdas i menshen ap i tseli phub an wi-ladjedo koowa un maras o Debleskre budepangren. O Dewel das lat ko tchilatchepen pale, hoi joi ap lende kras.”

Debleskro tsiro 19:8

Un joi las i shukar ripen dran djudjo parno than. Ko latcho parno ripen hi o tchatcho koowa, hoi o Debleskre menshe kran.

Debleskro tsiro 3:7

“Tchin kau liil ap o Debleskro budepaskro, kai dell jak ap i patslende an o foro Filadelfia: Kawa penell o Debleskro tchatchepaskro. Koles hi o Davideskro klidepaskro an o wast. Job te krell o wudar pre, palle nai krell les kek pale pandlo. Job te krell o wudar pandlo, palle nai krell les kek pre.

Debleskro tsiro 4:8

Un hakenes lendar his shob tchirklengre mussja. Kolla his dren un win pherde jaka. Un jon giwenn o tselo diwes un i tseli rat: Latcho - un tchatcho - har kek wawar - hi o Dewel, ko rai pral halauter. Hako tsiro djiwell lo, kanna, un an ko tsiro, hoi his, un hoi wella.

Debleskro tsiro 6:10

Un dan soreles gole un penan: “Baro Dewel un tchatcho rai, ab sik un rake i phagi win pral kolende ap i phub, kai maran men. De len ko tchilatchepen pale, hoi jon ap mende kran!”

1. Samuel 2:2

Kek hi jaake baro un tchatcho har o baro Dewel. Dell kek wawar Dewel har job. Ap kekeste nai rikrah men har ap maro Debleste.