Debleskro tsiro 15:3 - O Debleskro Drom 2021 (Sinte)

³ Un jon giwan koi gili, hoi o Debleskro budepaskro, o Mose, giwas. Jon giwan lat o terno bakreske, un penan: Baro un shukar hi halauter, hoi tu kral, maro rai, tu sorelo Dewel! Mishto un tchatcho hi tire dromma, baro rai pral i tsele themma!

O Debleskro Lab 2024 (Sinte-Manouche)

³ Oun yon givan koy gili, hoy o Debleskro boudepaskro, o Mose, givas. Yon givan lat o terno bakreske, oun penan: Baro oun shoukar hi halauter, hoy tou kral, maro ray, tou zorelo Devel! Mishto oun čačo hi tire dromma, baro ray pral i tsele themma!

Debleskro tsiro 15:3 ပူးပေါင်းရင်းမြစ်များ

1. Mose 17:1

O Abram his 99 (enja-deesh-te-enja) bersh phuro. Koi mukas pes o baro Dewel glan leste te dikell, un penas ap leste: “Me hom o sorelo Dewel. Dja ap miro drom, te hatsap kek tchilatchepen ap tute!

1. Familjakro liil 6:49

Un jaake dan i Israelitarja i menshen dran o kheer Levi forja un phub trul kol forja, te nai chan lengre vieche.

2. Familjakro liil 24:6

Kote mukas o baro rai o pralstuno rashajes, o Jojada, te kharell, un penas ap leste: “Hoske dal tu gar jak, te lenn i Levitarja kol menshendar an o them Juda un an o foro Jerusalem kol lowe o Debleskro khereske dren, jaake har penas glan i rah tsiro o Mose, koles o baro Debleskro wast his, te anenn i Israelitarja lowe o baro Debleskro plachteno kheer.

Nehemia 9:14

Un tu sikral len, har te rikrenn le o diwes, hoi tuke hi. Kowa hi o Debleskro diwes. Un an wawar laba, hoi penas lenge o Mose, koles tiro wast his, sikral tu len, hoi tu lendar kameh un har nai djan le tire dromma.

Hiob 36:24

Ma biste, te sharess o Debles koleske, hoi job kras, har ninna wawar menshe sharenn les pengre giljentsa!

Hiob 5:9

Job hi kowa, kai krell bud baro un sorelo koowa, hoi kek haiwell un kek wawar nai krell.

Debleskri gili 100:5

Kamlo hi o baro Dewel. Leskro latchepen atchell hako tsireske. Un leskro tchatchepen herell gar pre.

Debleskri gili 105:5

Tumer, kai wenn pal o Abraham, o Debleskro budepaskro, tumer tchawe o Jakobestar, koles job win rodas, ma bistrenn, hoi job lauter kras an peskri bari soor, kowa, hoi kek wawar nai kras! Ma bistrenn, har job o tchatchepen pral i menshende win rakras!

Debleskri gili 111:2

Baro hi kowa, hoi o baro Dewel lauter kras. Koneske kowa an o shero trujel djal, kowa well bachtelo.

Debleskri gili 111:7

Job rikrell peskro lab, un lauter, hoi krell lo, hi tchatcho. Un mer nai rikrah men ap leskre laba.

Debleskri gili 139:14

Me parkrau man pash tute, te kral man jaake shukar. Ap mande dikau, lauter hoi kreh, hi jaake mishto, te atchell mange o rakepen krik.

Debleskri gili 145:17

An lauter, hoi o baro Dewel krell, djal lo pal o tchatchepen. An lauter, hoi krell lo, hi lo latcho.

Debleskri gili 145:6

Jon rakrenn pral tiri soor, hoi jaake baro hi, te well men daar. Un me rakrau pral tiro railepen.

Debleskri gili 18:30

Awa, khetne tuha nai djau me an o kurepen. Khetne miro Debleha nai stau me pral bare pre-tchidde barra.

Debleskri gili 78:12

Glan lengre phurende kras job baro sorelo koowa an o them Egiptia, pash o foro Zoan.

Debleskri gili 92:5

Kowa, hoi tu kral, baro Dewel, mukell man bachteles te giwell. Kowa, hoi tire wasta lauter kran, sharau me.

Debleskri gili 99:4

Tuke hi bari soor. Tu hal o baro rai, kai kamell o tchatchepen o djijestar. Tu penal, hoi tchatcho hi, un tchiwal o tchatchepen pre an o them Israel, te djan i tchatchepangre mursha pal o tchatchepen.

Jesaja 45:21

Awenn un sikrenn, te hi tumen tchatcho. Rakrenn khetne un krenn win, hoi kamenn te penell! Koon hi kowa, kai mukas glan i rah tsiro te shunell, hoi kanna djal? Koon penas kowa glan-wi? Homs me kowa gar, o baro Dewel? Un dell kek wawar Dewel har man. Me hom i Dewel, kai o tchatchepen penell un krell. Un i Dewel, kai dran o merepen win lell, hom me kokres un kek wawar.

Daniel 6:20

Sik taissarlakro, har o kham gar pre djas, stas o baro rai pre, un djas sik pash i gruba, kai i lewe hi.

Daniel 9:11

Un o tselo Israel djas tiro dromestar tele, un kras, hoi job kamas, un shunas gar ap tute. Un jaake was koi tseli bibacht pral mende, hoi tchinlo hi an o liil o Mosestar, koles tiro tchatcho wast his. Mer kram tchilatchepen ap tute. Doleske was kai bibacht jaake pral mende, har tu tut sowel dal.

Hosea 14:9

Palle penell o Efrajim ap mande: Hoi te krap kanna i mule deblentsa? Me shunau un dikau ap tute. Me hom har i baro senelo ruk. Kowa, hoi ap mande bares well, well tutar.

Micha 7:20

Tu rikreh tiro lab, un mukeh o Jakobeskre tchawen gar. Kolenge, kai wenn pal o Abrahameste, hal tu latcho, jaake har penal kowa mare phurenge an o phuro tsiro, un dal tut sowel koi pre.

Zefanja 3:5

Kowa lauter krenn le, ninna te djiwell o baro Dewel mank lende. Job krell kek tchilatchepen. Un leskro tchatchepen atchell soreles tardo. Jaake har hako diwes o kham pre djal, jaake sikrell lo hako diwes, har te djiwenn le an o tchatchepen. Kol tchilatche menshe krenn pale te pale djungelo koowa, un ladjenn gar.

Zakarie 9:9

Ab bachtelo, tu foro Zion! Denn gole i bachtjatar, tumer menshe an Jerusalem! Dikenn, tumaro baro rai wella pash tumende! Job anell o tchatchepen, un well ap tumari rig. Job krell pes gar bares, un klissell ap i burika, awa, ap i terni burika.

Johanni 1:17

O Mose das men kol laba, kai penenna, har mer djiwas. O Jesus Kristo anas menge o Debleskro latchepen un tchatchepen.

5. Mose 31:30

O Mose penas kai tseli gili glan i kanda i tsele Israelendar, kai kote khetne wan.

5. Mose 32:3

Sharau o baro Debles. Penenn halauter: Maro Dewel kokres hi baro!

5. Mose 34:5

Un o Mose, koles o baro Debleskro tchatcho wast hi, meras kote an o them Moab, jaake har o baro Dewel les penas.

1. Timoteo 1:17

Me sharau o Debles, koles, kai hako tsiro o baro rai hi; kowa, kai merella gar, un kai nai dikell les kek. Kowa kokres hi o Dewel. Leskro railepen atchell hako tsireske. Amen.

Hebrearja 3:5

O Mose budras mishto o Debleskre menshenge. Kowa, hoi job kras un penas, sikras lende, hoi o Dewel kamas te krell an ko tsiro, hoi wella. Ninna te budras o Mose mishto, his lo i Debleskro budepaskro.

Josua 22:5

Un denn jak, te rikrenn o Debleskre laba un djan ap leskro drom, hoi sikras tumen o Mose, koles o baro Debleskro tchatcho wast his, har penas lo: Kamenn tumaro baro Debles o tselo djijestar. Djan ap leskre tsele dromma! Djiwenn pal leskre laba un mukenn les gar! Awenn leske koi o tselo djijestar un tumari tseli sorjah!”

Debleskro tsiro 1:8

O baro Dewel penella: “Mandar was lauter. Un lauter wella pale glan mande. Man hi i tseli soor, un djiwau hako tsireske: kanna un an ko tsiro, hoi his un hoi wella.”

Debleskro tsiro 11:17

un penan: Mer parkrah men pash tute, maro rai. Tu hal o sorelo Dewel. Tu djiweh kanna har djiwal an o phuro tsiro. Tu sikral tiri bari soor, un wal o rai pral halauter.

Debleskro tsiro 14:3

Un jon giwenn i newi gili glan o rajeskro beshepaskro, un glan kol star sorele bolepangre un glan kol tchatchepangre phurende. Un kek nai giwas koi gili, har kokres kol jek-sheel-te-star-deesh-te-star serja (144.000) menshe. O terno bakro plaissras lenge peskro rateha, te lell lo len i phubjatar win, un te anell lo len khetne o Debleske.

Debleskro tsiro 14:8

Un i duito wawar bolepaskro was pal leste, un penas: “O baro foro peras khetne. O baro foro Babilon peras khetne, ko foro, hoi anas i menshen an i tsele themma ap peskro drom, te kran le wi-ladjedo koowa. Kowa his jaake har te das lo len mool te pijell. Doleske was o Debleskri choli pral o foro.”

Debleskro tsiro 17:14

Un jon kurenn pen ko terno bakreha. Un o terno bakro hi sorleder har jon. Job hi o rai pral i tsele rajende, un o pralstuno pral i tsele pralstunende. Un pash leste hi kolla, kolen job gole das un win rodas, kolla, kai ap leste patsenna.”

Debleskro tsiro 19:16

Ap leskro ripen un ap leskri pralstuni heri hi i lab tchinlo, hoi kharella: o rai pral i rajende un o pralstuno pral i pralstunende.

Debleskro tsiro 19:2

Latcho un tchatcho hi lo. I phagi, hoi job i menshen das, hi mishto un tchatcho. Job das i bari lubjat lakri phagi. Joi tserdas i menshen ap i tseli phub an wi-ladjedo koowa un maras o Debleskre budepangren. O Dewel das lat ko tchilatchepen pale, hoi joi ap lende kras.”

Debleskro tsiro 4:8

Un hakenes lendar his shob tchirklengre mussja. Kolla his dren un win pherde jaka. Un jon giwenn o tselo diwes un i tseli rat: Latcho - un tchatcho - har kek wawar - hi o Dewel, ko rai pral halauter. Hako tsiro djiwell lo, kanna, un an ko tsiro, hoi his, un hoi wella.