Debleskro tsiro 14:2 - O Debleskro Drom 2021 (Sinte)

² Un me shunom i gole dran o bolepen. Kai gole his jaake sorelo har bud panja gole denna, un har koi gole, hoi o bolepen krella, te dell baro brishin, un te dell jag karje tele ap i phub. Kai gole his ninna jaake har o bashepen, hoi kol bashepangre krenna, hoi harfe kharenna.

O Debleskro Lab 2024 (Sinte-Manouche)

² Oun me shounom i gole dran o bolepen. Kay gole his yaake zorelo har boud panya gole denna, oun har koy gole, hoy o bolepen krella, te dell baro brishin, oun te dell yag karye tele ap i phoub. Kay gole his ninna yaake har o bashepen, hoy kol bashepangre krenna, hoy harfe kharenna.

Debleskro tsiro 14:2 ပူးပေါင်းရင်းမြစ်များ

2. Samuel 6:5

Un o David un i tsele menshe an Israel khelan bachteles glan o baro Debleste, giwan gilja, un kran bashepen ap dorjengre bashepangre, ap tikne pauke un ap wawar bashepangre.

2. Familjakro liil 20:28

Un jon wan an o foro Jerusalem dren, un bashran ap i zimbale, harfe un phurdepangre. Jaake wan le glan o baro Debleskro kheer.

Debleskri gili 147:7

Giwenn i gili o baro Debleske! Parkrenn tumen pash leste! Bashrenn maro Debleske ap i harfa!

Debleskri gili 149:3

Sharenn leskro lab an tumaro khelepen! Bashrenn leske ap i pauka un i harfa!

Debleskri gili 33:2

Parkrenn tumen pash o baro Debleste, un bashrenn leske ap dorjengre bashepangre! Giwenn leske gilja, un bashrenn leske ap i bashepaskri i deesh dorjentsa!

Debleskri gili 43:4

Kote kamau me glan tiri Debleskri chatchepaskri te well, glan tute, miro Debleste, kai kreh, te giwap i bachtjatar. Miro bashepah ap i dorjengri bashepaskri kamau man te parkrap pash tute, miro Dewel.

Debleskri gili 57:8

Sorelo was miro dji, miro Dewel, sorelo was miro dji. Me kamau tuke te giwell un te bashrell.

Debleskri gili 92:3

te rakrau pral tiro latchepen taissarlakro, un pral tiro tchatchepen an i rat,

Debleskri gili 93:4

Ninna te hi o baro pani diwjo un leskri gole sorelo, bareder hi o baro Dewel an o bolepen.

Debleskri gili 98:5

Bashrenn leske ap i harfa! Sharenn les o bashepah ap i dorjengre bashepangre!

2. Mose 19:16

Ap o triinto diwes taissarlake das o bolepen bari gole, un jag das tele karje, un i pessi wolka his pral i tseli berga, un i phurdepaskri das bari gole. Un i tsele Israelitarja lan i bari traash, te trissan lengre kokale.

2. Mose 20:18

Un i tsele Israelitarja shunan, har o bolepen gole das, un dikan, har jag dran o bolepen tele karje das. Ninna shunan le, har jek ap i phurdepaskri phurdas, un dikan i jagakro ducho. Un har jon kawa shunan un dikan, nashan le penge un atchan i kotar dureder tardo un trissan i darjatar.

Jesaja 17:13

Awa, har bare diwje panja wenn le sik. Koi tchingrell o Dewel ap lende, un jon nashenn penge, un wenn tradedo har o phuss, hoi phurdell i sorelo ducho pral o them, un har patria, hoi phurdell lo trujel.

Ezekiel 43:2

Un kote dikom, har was o railepen o Israeleskro Deblestar fun kotar, kai o kham pre djal. Khetne ko railepen was i gole, har i gole, hoi bare panja denn. Un dran o railepen was i momeli ap o tselo them.

Zakarie 9:14

O baro Dewel mukell pes te dikell pral peskre menshende, [te rikrell lo peskre wasta pral lende]. Leskro failo djal sik har o bolepaskri jag. O baro Dewel, maro rai, mukell an i bari phurdepaskri te phurdell. Job djal an o sorelo ducho, hoi well kotar, kai o kham pralstunes tardo hi.

1. Korintarja 13:1

Ninna te rakroms me nai an hako rakepen, hoi i menshe un i bolepangre rakrenna, un te wals man gar o Debleskro kamlepen an miro dji, palle woms me har i bashepaskro, kai bashrell gar mishto. Leskro bashepen molella tchi.

Debleskro tsiro 1:10

Ap o Debleskro diwes was o Debleskro Ducho soreles pral mande. Un me shunom pal mande i sorelo rakepen. Kowa his har i gole, hoi dell i phurdepaskri.

Debleskro tsiro 1:15

Un leskre herja his har dran sonakai, hoi an o bob chatchedo un thodo wella. Un leskro rakepen his har i gole i baro panjestar, hoi dur tele perella.

Debleskro tsiro 11:12

Un kol dui shunan i sorelo rakepen dran o bolepen, hoi ap lende penas: “Awenn kate pre!” Un jon djan an o bolepen pre. Un lauter kolla, hoi chojedo ap lende his, dikan kowa.

Debleskro tsiro 11:15

Un ko eftato bolepaskro phurdas an peskri phurdepaskri. Koi his i rakepen an o bolepen, un bud dan bari gole, un penan: “Kanna hi o Dewel un leskro tchawo, o Jesus Kristo, i raja pral i tsele menshende ap i phub hako tsireske.”

Debleskro tsiro 15:2

Un me dikom tchomone har i baro pani. Kowa his djudjo har i wali. Un jag his koi dren. Un pash o baro pani dikom me kolen, kai sorleder his har ko viecho un har ko viecho, hoi i menshendar kerdo was. Jon mukan witar gar, te was o viecheskro lab ap lende tchinlo. Un len his bashepangre, hoi kharenna harfe. Kolen das lende o Dewel an lengre wasta.

Debleskro tsiro 18:22

Kek bashepen un kek gipen shunenn le buder kote. Kek budepaskro budrella buder koi. Kek djob hi buder koi, te well dran leste jarro kerdo.

Debleskro tsiro 5:8

Un har las job o liil, peran kol star sorele bolepangre un kol biish-te-star tchatchepangre phure glan o terno bakro tele. Un hakenes lendar his i bashepaskri. Un jon bashran i shukar bashepen. Len his ninna sonakangre tchare pherdo gudlo kasht, hoi o Debleske chatchedo wella, un mishto sungella. Ko gudlo kasht hi o mangepen, hoi o Debleskre menshe pengro Deblestar mangan.

Debleskro tsiro 6:1

Un me dikom, har ko terno bakro jek kol efta dorjendar pre pandas, hoi ko liil khetne rikrenna. Un me shunom, har jek kol star sorele bolepangrendar soreles penas: “Ab!”

Debleskro tsiro 8:7

Un o glanstuno phurdas an peskri phurdepaskri. Koi das brishin, hoi his har barra, un jag o rateha mashkral ap i phub. Un o triinto kotar i tseli phubjatar chatchras, un o triinto kotar i tsele rukendar chatchras, ninna o tselo senlepen.