Debleskro tsiro 14:1 - O Debleskro Drom 2021 (Sinte)

¹ Un me dikom ko terno bakres ap i berga Zion tardo. Un leha his jek-sheel-te-star-deesh-te-star serja (144.000) menshe. Kolen hi o Jesuseskro lab un o lab leskro dadestar glan ap lengre shere tchinlo.

O Debleskro Lab 2024 (Sinte-Manouche)

¹ Oun me dikom ko terno bakres ap i berga Sion tardo. Oun leha his yek-sheel-te-star-deesh-te-star zerya (144.000) menshe. Kolen hi o Yezouseskro lab oun o lab leskro dadestar glan ap lengre shere činlo.

Debleskro tsiro 14:1 ပူးပေါင်းရင်းမြစ်များ

Debleskri gili 2:6

“Ap i berga Zion, kai mange hi, tchiwom me i baro rajes, koles me wi-rodom.”

Jesaja 49:14

I menshe dran Zion penenn: O baro Dewel mukas men. Maro rai bistras men.

Jeremia 1:11

Un o baro Dewel penas ap mande: “Jeremia, hoi dikeh tu?” “Dikau i kasht i mandeltikro rukestar,” penom me.

Ezekiel 1:4

Un me dikom i baro sorelo phurdepen, hoi was fun kotar kai norden hi, un tradas i bari wolka glan peste. Un jag was win, hoi pre un tele djas. Un o bolepen koi trujel his shukar har o kham. Un mashkral dren his tchomone, hoi dikas win har sonakai, hoi an i jag thodo well.

Ezekiel 10:1

Un me dikom ap ko bolepen, hoi his pral i sherja fun i bolepangre, un dikom tchomone jaake blaueto har ko kutch blaueto bar, hoi kharell Safiro. Kowa dikas win har i rajeskri beshepaskri.

Ezekiel 10:9

Un me dikom star rade tardo pash i bolepangre, pash hako bolepaskro his jek rada. Un kol rade dikan senelo win har i kutch senelo bar.

Ezekiel 2:9

Un me dikom i wast, hoi his win rikedo ap mande. Un an ko wast his i liil, hoi khetne lino his.

Ezekiel 44:4

Un o mursh anas man pash o wudar, hoi ap i nordetikri rig hi, un djas kote mantsa dren ap koi tikni glanstuni platsa glan o baro Debleskro kheer. Koi dikom, kau kheer his pherdo o baro Debleskro railepen. Un me mukom man ap i phub te perell glan leste.

Ezekiel 8:7

Un job anas man an o wudar glan koi platsa, hoi glan o Debleskro kheer hi. Kote dikom i cheb an i massuri.

Ezekiel 9:4

un penas ap leste: An o foro Jerusalem hi gomme menshe, kolengro dji rowell un dell gole pral kau bud djungelo koowa, hoi kate kerdo well. Dja an o tselo foro trujel, un kre i sikepen glan ap kolengre sherja.

Daniel 12:5

Un me, o Daniel dikom: Dui wawar his koi tardo, ko jek ap kai rig o lengsto panjestar un ko wawar ap koi wawar rig.

Amos 8:2

Un job putchas mandar: “Hoi dikeh, Amos?” Me penom: “I korba, kai rukengre dren hi, kolenge o tsiro was, te wenn le tele tchinlo i rukendar.” Koi penas o baro Dewel: Jaake was mire menshenge Israel o tsiro, te wenn le tele tchinlo. Jon khaitenn man buder gar.

Micha 4:7

Un me krau, te wenn lendar bud menshe. Awa, kolendar, kai krik tradedo his un pale khere anlo wan, well i baro natsjona. Un palle hom me, o baro Dewel, o baro rai pral lende ap i berga Zion hako tsireske.

Zakarie 4:2

un penas ap mande: “Hoi dikeh?” Me penom: “Me dikau i momelengri kerdi dran sonakai. Ap late hi i tcharo. Koi pre hi efta momlia, hakeni i mujeha.

Louka 12:8

Me penau tumenge: Koon glan i menshende penella: O Jesus hi miro rai! kolestar penau me glan o Debleskre bolepangre: Job hi miro.

Remarja 9:33

An o Debleskro lab hi tchinlo: Dikenn, me tchiwau i baro bar an o foro Zion. Pral koleste perenn le, un ap koleste choirenn le pen. Un kowa, kai ap leste patsella, kowa hunte ladjell pes gar glan mande.

Debleskro tsiro 14:14

Un me dikom i parni wolka. Koi pre his jek beshdo, hoi dikas win har i mensho. Koles his ap leskro shero i shereskro sonakai, un an leskro wast his les i bangi tchuri, hoi mishto tchinella.

Debleskro tsiro 14:3

Un jon giwenn i newi gili glan o rajeskro beshepaskro, un glan kol star sorele bolepangre un glan kol tchatchepangre phurende. Un kek nai giwas koi gili, har kokres kol jek-sheel-te-star-deesh-te-star serja (144.000) menshe. O terno bakro plaissras lenge peskro rateha, te lell lo len i phubjatar win, un te anell lo len khetne o Debleske.

Debleskro tsiro 15:5

Un pal kowa dikom, har koi kutch isema pre kerdo was an o Debleskro kheer an o bolepen.

Debleskro tsiro 22:4

un dikenn les pengre jakentsa. Un leskro lab hi glan ap lengre shere tchinlo.

Debleskro tsiro 3:12

Kowa, kai soreles an o patsepen atchas, un gar pre das, dran koleste krau me jekes, kai hi har i baro bar, hoi rikrell miro Debleskro kheer. Un kowa atchell koi tardo hako tsireske. Un me tchinau o lab miro Deblestar ap leste, un o lab o Debleskro forestar. Kowa hi o newo Jerusalem, hoi dran o bolepen tele wella. Un miro newo lab tchinau ninna ap leste.

Debleskro tsiro 4:1

Pal kowa dikom i wudar an o bolepen, hoi pre hi. Un kowa, kai ap mande rakras, un leskri gole sorelo har i phurdepaskri his, kowa penas ap mande: “Ab kate pre! Me sikrau tut, hoi pal kawa wella.”

Debleskro tsiro 6:8

Un me dikom i grajes. Kowa his parno har i mulo. Un kowa, kai pre beshdo his, koleskro lab his “Mulo.” Un o merepen was pal leste. Un les was i soor dino, te marell lo i menshen ap o starto kotar i phubjatar. O charo, i diwje vieche, i bok un o nasslepen marenn len.