Debleskro tsiro 13:3 - O Debleskro Drom 2021 (Sinte)

³ Un jek leskre sherendar his, har te wals lo maredo. Un les hi i baro tchinepen. Un ko tchinepen was sasto. Un i tsele menshe ap i phub kran bare jaka un djan ko viecheske palla.

O Debleskro Lab 2024 (Sinte-Manouche)

³ Oun yek leskre sherendar his, har te vals lo maredo. Oun les hi i baro činepen. Oun ko činepen vas sasto. Oun i tsele menshe ap i phoub kran bare yaka oun djan ko firheske palla.

Debleskro tsiro 13:3 ပူးပေါင်းရင်းမြစ်များ

Ezekiel 30:24

Un me krau i mussja o baro rajestar pral o them Babilonia soreles. Un dau les miro charo an o wast. Un o Farao peskre phagede mussjentsa dell gole i dukatar glan leste har i mursh, kai was phares dukedo un hunte merell.

Louka 2:1

Ap ko tsiro mukas o baro rai Augusto an o foro Rom te penell: “Tchinenn i laba i tsele menshendar an mire themma pre!”

Johanni 12:19

Un i Farisarja rakran mashkral pende: “Tumer dikenna, kai wah jaake gar dureder. I tsele menshe nashenn leske palla.”

Bičepangre 8:13

Koi was ninna o Simon patslo, un mukas pes te taufrell. Palle atchas lo pash leste. Un har o Simon ko baro un sorelo koowa dikas, hoi o Filipo an o Debleskri soor kras, atchas leske o rakepen krik.

Debleskro tsiro 13:12

Les hi i tseli soor, hoi ninna ko vieches hi, hoi dran o baro pani was. Un ko duito viecho kras, te sharenn i tsele menshe ap i phub ko vieches, hoi dran o baro pani was, koles ko baro tchinepen his, un pale sasto was. Un ko viecho, hoi dran o baro pani was, kowa dikas lauter, hoi ko duito viecho kras,

Debleskro tsiro 17:10

Pantch kolendar meran, ko jek hi koi, un ko wawar was gomme gar. Un te well lo, hunte atchell lo i tikno tsiro.

Debleskro tsiro 17:11

Ko viecho, hoi djido his, un kanna buder gar djiwella, job hi o ochtato. Ninna hi lo jek kol eftendar, un djal hako tsireske nashedo.

Debleskro tsiro 17:13

Kolla rikrenn khetne, te denn le pengri soor ko vieches, te well koles bud penepaske.

Debleskro tsiro 17:17

Kowa das len o Dewel an lengre djia, te krenn jon, hoi job kamella. Doleske rikrenn le lauter khetne, un denn pengri soor ko viecheste. Kowa djala lauter jaake rah, bis te was lauter jaake, har o Dewel penas.

Debleskro tsiro 17:6

Un me dikom, kai koi djuwel mato his o ratestar, hoi nashas, har o Debleskre menshe maredo wan, kolla, kai patsan ap o Jesuseste un dan pengro patsepen gar pre. Un me nashte patsom gar, hoi dikom.

Debleskro tsiro 17:8

Ko viecho his djido, un djiwell kanna buder gar, un well dran o telstunepen pale pre. Un palle djal lo hako tsireske nashedo. I tsele menshe krenn bare jaka, te dikenn le, te well ko viecho pale, hoi djido his, un kanna buder gar djiwella. Jon hi kolla, kolengre laba gar dren tchinlo wan an o djipaskro liil, har i phub gomme gar koi his.