Debleskro tsiro 13:10 - O Debleskro Drom 2021 (Sinte)

¹⁰ Koon stildo hunte well, kowa well stildo. Koon o chareha maredo hunte well, kowa well o chareha maredo. Doleske hunte wenn o Debleskre menshe soreles tardo an o patsepen, te denn le gar pre.

O Debleskro Lab 2024 (Sinte-Manouche)

¹⁰ Koon stildo hounte vell, kova vell stildo. Koon o rhareha maredo hounte vell, kova vell o rhareha maredo. Doleske hounte venn o Debleskre menshe zoreles tardo an o patsepen, te denn le gar pre.

Debleskro tsiro 13:10 ပူးပေါင်းရင်းမြစ်များ

Jesaja 14:2

Un menshe dran wawar themma anenn i Israelitarjen an ko them pale, hoi o baro Dewel len das. Un kol wi-themarja, mursha un djuwja, wenn lengre budepangre. Un kolla, kai i Israelitarjen pandles krik lan, kolen lenn jon pandles, un wenn i raja pral kolende, kai rikran len tele.

Jesaja 26:21

O baro Dewel well dran peskro kheer win, te anell lo o tchilatchepen pale ap i sherja kolendar, kai o tchilatchepen kran. Palle well o rat kolendar diklo, kai maredo wan. Un i phub khatrell len buder gar.

Jesaja 33:1

Djungeles djal tuke, kai tu lauter khetne dal, un kokres wal gar khetne dino. Djungeles djal tuke, tu phukepaskro, ap koleste kek phukras. Pal kowa, kai dal halauter khetne, weh tu ninna khetne dino. Pal kowa, kai phukral ap hakeneste, phukrenn le ap tute ninna.

Jeremia 15:2

Un te putchenn jon tutar: ‘Kai djas mer’, pen lenge: O baro Dewel penell: Ap koneste o merepen wella, ap koleste well lo. Koon mulo dino wella i chareha, kowa well mulo dino. Pral koneste i bok wella, kowa merella i bokatar. Koon pandlo wella, kowa well pandlo.

Jeremia 43:11

Job peskre lurdentsa well dren an o them Egiptia un well o sorleder. Palle merenn bud menshen, wawar wenn pandles lino, un wawar o chareha maredo. Hakeno well jaake tapedo har leske glan-wi diklo hi

Ropaskre gilja 3:26

O feteder koowa hi, te dikas mer pokones ap o baro Debleste, te well job menge ap i rig.

Habakuk 2:3

Ko tsiro hi kanna gar koi, te well kowa jaake, hoi sikrom tuke. Kowa well tchatcho ap peskro tsiro. Tu nai djineh tchatchepah, kai kowa jaake wella. An kal laba hi kek chochepen. Ninna te well kowa gar jaake sik, de jak, te well kowa. Hi tchatcho, hoi penau: Kowa wella un atchell gar krik.

Mateo 26:52

Koi penas o Jesus: “Tchip tiro charo tele! Hakeno, kai i charo lella un dell i wawares, ko well i chareha mulo dino.

Mateo 7:2

Te hi tumen i baro dji i wawarenge, hi o Debles ninna i baro dji tumenge. Hi tumen kek baro dji lenge, hi o Debles witar gar i baro dji tumenge.

Louka 21:19

Atchenn soreles an o patsepen, un tumer lenn ko tchatcho djipen!”

Kolossarja 1:11

Lestar mangah, te dell lo tumen peskri bari soor, te wenn tumare djia soreles, te djan bachteles dureder ap leskro drom, ninna an ko tsiro, kai hi tumaro djipen pharo.

Hebrearja 6:12

Ma awenn khino, te krenn o Debleskri budi! Awenn jaake har kolla, kai atchan soreles an o patsepen, un lan kowa, hoi o Dewel lenge penas.

Debleskro tsiro 1:9

Me, o Johanni, hom tumaro phraal an o patsepen ap o Jesuseste. Job hi miro baro rai, har job tumaro baro rai hi. Jaake har tumer wenn leske palla lino, wom me ninna leske palla lino, un dom miro patsepen gar pre. Me penom i menshenge o Debleskro lab, un sikrom lende o Jesuseskro drom. Doleske wom stildo un anlo ap ko them Patmos, kai an o baro pani tchiddo hi.

Debleskro tsiro 11:18

I tsele natsjone choiran pen pral tute. Doleske was tiri choli pral lende. Kanna hi o tsiro kai, te well o tchatchepen wi-rakedo pral i mulende. Kanna was ko tsiro, te dess tiro brawlepen kolende, kai tuke budran, kai an tiro lab rakran, lauterende, kai tire menshe hi, un tut sharenna, un tutar darenna, i tikne har i bare. I tsiro hi ninna kai, te maress kolen, kai i menshen ap i phub maran.

Debleskro tsiro 14:12

Doleske hunte wenn o Debleskre menshe soreles tardo an o patsepen, kolla lauter, kai krenna, hoi o Dewel kamella, un djan tchatchepah ap o Jesuseskro drom.”

Debleskro tsiro 16:6

Jon maran tire menshen, ninna tire rakepangren, un mukan lengro rat te nashell. Un kanna hunte pijenn le o rat. Kowa hi lengri phagi.”

Debleskro tsiro 17:11

Ko viecho, hoi djido his, un kanna buder gar djiwella, job hi o ochtato. Ninna hi lo jek kol eftendar, un djal hako tsireske nashedo.

Debleskro tsiro 17:8

Ko viecho his djido, un djiwell kanna buder gar, un well dran o telstunepen pale pre. Un palle djal lo hako tsireske nashedo. I tsele menshe krenn bare jaka, te dikenn le, te well ko viecho pale, hoi djido his, un kanna buder gar djiwella. Jon hi kolla, kolengre laba gar dren tchinlo wan an o djipaskro liil, har i phub gomme gar koi his.

Debleskro tsiro 2:19

Me prindjrau lauter, hoi tumer mange krenn. Tumer kamenn man o djijestar, un rikrenn soreles ap mande. Me prindjrau lauter, hoi tumer tumare phralenge krenna. Un tumer wan gar khino an tumaro patsepen. Kowa, hoi tumer kanna krenna, hi ninna budeder har kowa, hoi kran, har patslo wan.

Debleskro tsiro 2:2

Me prindjrau lauter, hoi tumer mange kran, tumari tseli phari budi. Tumer dan tumaro patsepen gar pre. Un tumer mukenn gar tchilatche menshe mashkral tumende te well. Un tumer lan kolen an o jak, kai penan, te hi le o Jesuseskre bitchepangre, un jon hi kowa gar. Un tumer haiwan, te chochran le.

Debleskro tsiro 3:10

Tumer rikran ko lab, hoi tumenge penom, un wan gar khino an o patsepen ap mande. Doleske rikrau mire wasta pral tumende an ko pharo tsiro, kai i bibacht wella pral i tsele menshende ap kai phub, te well diklo, hoi an lengre djia hi.

Debleskro tsiro 3:3

Ma bistrenn, hoi tumenge penlo was un hoi shunan! Un rikrenn ap kal laba! Un awenn pale ap o tchatcho drom! Te krenn kowa gar, un stenn gar pre o sopastar, palle wau pral tumende har i tchorepaskro. Un tumer djinenn gar, hawo tsireske pale wau.