Debleskro tsiro 12:3 - O Debleskro Drom 2021 (Sinte)

³ Un i wawar baro koowa sikras pes ap o bolepen: I baro lolo sap was. Un les hi efta shere un deesh shinga. Un ap hako shero hi shereskro sonakai.

O Debleskro Lab 2024 (Sinte-Manouche)

³ Oun i vavar baro koova sikras pes ap o bolepen: I baro lolo sap vas. Oun les hi efta shere oun deesh shinga. Oun ap hako shero hi shereskro sonakay.

Debleskro tsiro 12:3 ပူးပေါင်းရင်းမြစ်များ

Jesaja 27:1

Ap ko diwes lell o baro Dewel peskro baro sorelo charo, hoi jaake mishto tchinell, un dell o sapes mulo, hoi kharell Leviatan, awa, ko baro panjeskro sap, hoi ap o naashepen hi un mukell pes gar te taprell.

Jesaja 51:9

Baro Dewel, ste pre, ste pre! Sike tiri soor! Ste pre har an kol phure tsirja, har mare phurenge ap i rig wal. Hals gar tu kowa, kai o baro panjeskro sap, i Rahab, an kotja das?

Jesaja 9:15

I pralstune pral i menshende anenn i menshen ap bange dromma un krenn te djinenn jon buder gar, hoi tchatcho hi.

Daniel 2:41

Tu dikal, kai i kotja i pirendar dran phubjakri tchik hi un wawar kotja dran saster. Kowa kamell te penell, koi hi budeder themma, hoi gar tchatchepah khetne rikrenna. Kai saster dren hi, kote hi le soreles.

Daniel 2:42

Un kai kol tsebe dran saster un phubjakri tchik hi, kamell menge te penell, kai o paash them sorelo hi, un o wawar paash gar sorelo.

Daniel 7:20

Un ninna kamom te djinell, hoi kol deesh shinga ap leskro shero kamenn te penell, un ko wawar shing, hoi win was, un glan koleste kol triin wawar shinga win peran. Un kau shing his bareder har kol wawar. Un les his jaka un i mui, hoi baro koowa rakras.

Daniel 7:24

Un kol deesh shinga hi deesh bare raja, kai lenn koi rajengri soor. Un pal lende well jek wawar rai. Un job hi wawartchandes har kolla glan leste. Un job witsrell triin lendar pengre beshepangre tele.

Debleskro tsiro 12:1

Un i baro koowa sikras pes ap o bolepen: I djuwel hi koi. Kolakro ripen hi o kham. Un tel lakre pire hi o tchon. Un ap lakro shero hi deesh-te-dui bolepangre momlia.

Debleskro tsiro 12:13

Un har ko baro lolo sap dikas, te was lo ap i phub witsedo, las lo koi djuwjat palla, kai ko tchawes las.

Debleskro tsiro 12:17

Un ko baro lolo sap was chojedo ap koi djuwjate, un djas koi, te marell lo lakre tchawen. Kolla hi kol menshe, kai shunenn ap o Debleskro lab, un djan ap o Jesuseskro drom.

Debleskro tsiro 12:4

Un leskri pori tserdell o triinto kotar kol bolepangre momelendar krik, un witsras len tele ap i phub. Un ko baro lolo sap hi glan koi djuwjate tardo, kai an o tsiro was, te well o ternepen. Un jaake sik, har ko ternepen wals, kamas les lo pre te chal.

Debleskro tsiro 12:7

Un an o bolepen was i baro kurepen: O Michael un leskre bolepangre kuran pen o baro lolo sapeha un leskre kurepangre.

Debleskro tsiro 12:9

Un o baro lolo sap was win witsedo. Job hi ko phuro sap, hoi kharella ninna Beng un Satan, ko chocheno, kai tserdell i menshen ap i tseli phub ap peskro drom. Job was tele witsedo ap i phub, un leskre kurepangre leha.

Debleskro tsiro 13:1

Un me dikom dran o baro pani i vieches pre te well. Koles his deesh shinga un efta shere. Un ap haki shing hidjras lo i shereskro sonakai. Un ap leskre shere his sawe laba tchinlo, hoi praassenn o Debles.

Debleskro tsiro 13:2

Un ko viecho, hoi me dikom, his har i bari diwji margodja. Leskre herja his baro un sorelo. Un an leskro mui his bare danda. Un ko baro lolo sap das les peskri soor un peskro beshepaskro, te was ko viecho i baro rai, koles bud penepaske hi.

Debleskro tsiro 13:4

I menshe djinan, kowa his o baro lolo sap, hoi das o viecheste peskri soor. Doleske sharan le o lolo sapes. Un jon sharan ninna o vieches, un penan: “Kek hi sorleder har o viecho! Kek nai kurell pes leha un well sorleder!”

Debleskro tsiro 15:1

Un me dikom i wawar baro koowa an o bolepen. Kowa his baro un dareno. Kote his efta bolepangre, kai anenn efta kope i bari phagi pral i phub. Pal koi eftati phagi well buder kek phagi. Palle hi o Dewel buder gar chojedo.

Debleskro tsiro 16:13

Un me dikom triin benga, hoi dikan win har djambe. Kolla wan win, jek dran o baro sapeskro mui, jek dran o viecheskro mui, un jek dran ko rakepaskro mui, kai job i chocheno hi, un krell pes, har te wals lo i Debleskro rakepaskro.

Debleskro tsiro 17:12

Un kol deesh shinga, hoi dikal, hi deesh bare raja. Kolen hi kanna gomme kek penepaske pral i menshende. Well i diwes, kai well len i soor, te wenn le bare raja pral i menshende khetne o viecheha i tikno tsireske.

Debleskro tsiro 17:16

Un kol deesh shinga, hoi dikal, khetne o viecheha wenn le chojedo ap koi djuwel, un lenn lake lauter krik, hoi lat hi, jaake te hi li nango. Un jon chan lakro mass un chatchrenn lat pre.

Debleskro tsiro 17:7

Un ko bolepaskro penas ap mande: “Hoske patseh tu gar, hoi dikeh? Me kamau tuke te penell, koon koi djuwel hi, un koon ko viecho hi, hoi lat hidjrella, un koles kol efta shere un kol deesh shinga hi.

Debleskro tsiro 19:12

Leskre jaka hi har i jag. Un ap leskro shero hi bud sonakai bud kutch barrentsa. Glan ap leskro shero hi i lab tchinlo. Koles prindjrell kek har job kokres.

Debleskro tsiro 20:2

Un job tapras ko baro lolo sap, kowa hi ko phuro sap, hoi kharella ninna Beng un Satan, un pandas les, un witsras les an o telstunepen, te atchell lo kote jek sero (1.000) bersh pandlo. Un o bolepaskro pandas i wudar tele, hoi anell an o telstunepen, jaake te krell kek o telstunepen pale pre. Un an ko sero bersh nai anell o beng i menshen buder gar o Debleskro dromestar tele. Pal ko tsiro hunte well lo i tikno tsiro win muklo.