Debleskro tsiro 12:2 - O Debleskro Drom 2021 (Sinte)

² Un joi hi an wawar koowa, un lakro ternepen kamell te well. Un joi dell gole i dukatar.

O Debleskro Lab 2024 (Sinte-Manouche)

² Oun yoy hi an vavar koova, oun lakro ternepen kamell te vell. Oun yoy dell gole i doukatar.

Debleskro tsiro 12:2 ပူးပေါင်းရင်းမြစ်များ

Jesaja 26:17

Jon dan gole glan tute, baro Dewel, har i djuwel, kai lell i ternepen un dell gole i dukatar.

Jesaja 53:11

Job las jaake bud daar un duka ap peste, doleske dikell job ninna i momeli, un leskro dji well tchalo. Miro budepaskro hi tardo an o tchatchepen. Un dran kowa lauter, hoi ap leste was, nai tchiwell job ninna bud menshen an o tchatchepen. Un lengri doosh lell job ap peste.

Jesaja 54:1

Jerusalem, tu hal har i djuwel, kai kek tchawe nai lell, kanna gib, tu, kai kek tchawes ap i phub anal, ab bachtelo, gib un de gole i bachtjatar! O baro Dewel penell tuke: Tu, koi mukli djuwel, tut wenn budeder tchawe har kolat, kai romedino hi.

Jesaja 66:6

Shunenn i diwji gole dran o foro, i kurepaskri gole dran o Debleskro kheer! Shunenn, o baro Dewel rakrell i phagi win pral kolende, kai choiran les!

Micha 4:9

Hoske deh kanna sawi bari gole? Hi kek baro rai pash tute? Un kol mursha, kai sikran tut, hoi te kress, nashan le penge? Hoske hi tut sawe duka har i djuwel, kai lell i ternepen?

Micha 5:3

Un job, ko newo rai, dell garda ap lende, har i bakrengro garda dell ap peskre bakren. Leskro Dewel bitchras les, un leskri soor well lestar, o baro Deblestar. An ko tsiro djal leskro railepen un leskri soor jaake dur har i phub hi. Un i menshe an leskro them nai djiwenn kek darjah.

Mateo 24:8

Kowa lauter wella jaake pral i phub, har i duka wenn pral i djuwjate, kai lell i ternepen.

Johanni 16:21

I djuwel, kai lell i ternepen, kolat hi duka. Te hi ko ternepen koi, bistrell li kol duka. Jaake bari hi lakri bacht, kai joi las i ternepen.

Galatarja 4:19

Mire phrala! Me kamau tumen o djijestar, har te wans mire tchawe. Jaake har i djuwjat duka hi, te lell li i ternepen, jaake hi man pale duka tumenge, bis te well o Jesus Kristo diklo an tumende.

Galatarja 4:27

Latar hi tchinlo: Ab bachtelo, ninna te nai lal tu kek tchawe! De gole i bachtjatar, ninna te was tutar kek ternepen boldo! Kanna hi tut budeder tchawe har koja, kai his o romeha khetne.

Debleskro tsiro 12:4

Un leskri pori tserdell o triinto kotar kol bolepangre momelendar krik, un witsras len tele ap i phub. Un ko baro lolo sap hi glan koi djuwjate tardo, kai an o tsiro was, te well o ternepen. Un jaake sik, har ko ternepen wals, kamas les lo pre te chal.