Debleskro tsiro 12:12 - O Debleskro Drom 2021 (Sinte)

¹² Lauter kolla, kai djiwenna an o bolepen, lengro dji dell gole i bachtjatar. Kol wawar, kai djiwenn ap i phub un ap o baro pani, i bibacht well ap lende. Pash lende was o beng. Leske atchell gar bud tsiro. Kowa djinell lo. Doleske hi les i bari choli.

O Debleskro Lab 2024 (Sinte-Manouche)

¹² Lauter kolla, kay djivenna an o bolepen, lengro dji dell gole i barhtyatar. Kol vavar, kay djivenn ap i phoub oun ap o baro pani, i bibarht vell ap lende. Pash lende vas o beng. Leske ačell gar boud tsiro. Kova djinell lo. Doleske hi les i bari rholi.

Debleskro tsiro 12:12 ပူးပေါင်းရင်းမြစ်များ

Jesaja 44:23

Tu bolepen, gib kolestar, hoi o baro Dewel kras! Tu telstunepen i phubjatar, de gole i bachtjatar! Tumer berge, giwenn! Tu weesh tire tsele rukentsa, gib! O baro Dewel las o Jakobes dran o merepen win, un o Israel sharell les.

Jesaja 49:13

De gole i bachtjatar, tu bolepen! Ab bachtelo, tu phub! Giwenn, tumer berge! O baro Dewel khossas i swa peskre menshendar tele, un kras peskro dji kolenge pre, kai tele rikedo wan.

Louka 15:10

Me penau tumenge ninna: O Debleskre bolepangre hi bachtelo pral jekeste, kai mukell peskro tchilatcho drom un djal ap o Debleskro drom.

Louka 2:14

“Baro hi o Debleskro railepen an o bolepen! O Debleskri bacht well ap i phub. Job dikell latches ap i menshende.”

Hebrearja 10:37

An o Debleskro lab hi tchinlo: Ko tsiro wella sik, kai well kowa, kai hunte wella. Job mukell pes gar ap o drom pale te rikrell. O Dewel penas: Koon ap mande patsella, kowa hi tchatcho glan mire jaka. Un job lell o djipen. Koon miro drom mukella, ap koleste dikau gar latches.

2. Petro 3:8

Latche phrala un phenja, jek koowa hunte djinenn tumer: Pash o Debleste hi jek diwes har i sero bersha, un i sero bersha hi har jek diwes.

Debleskro tsiro 10:6

un das pes sowel pash koleste, kai djiwella kanna un hako tsiro, kowa hoi o bolepen kras, un lauter, hoi an leste hi, ninna i phub un lauter, hoi ap late hi, un ninna o baro pani, un lauter, hoi an leste hi. Un o bolepaskro penas: “O tsiro hi trujel.”

Debleskro tsiro 11:10

I menshe ap i phub hi bachtelo, un giwenna un khelenna. Un jek bitchrell o wawareske shukar koowa. Jaake bachtelo hi le, te hi kol dui Debleskre rakepangre mulo, kai dukran kolen, kai ap i phub djiwenna.

Debleskro tsiro 11:14

I duiti bibacht hi pal lende. Un i triinti bibacht wella sik.

Debleskro tsiro 12:9

Un o baro lolo sap was win witsedo. Job hi ko phuro sap, hoi kharella ninna Beng un Satan, ko chocheno, kai tserdell i menshen ap i tseli phub ap peskro drom. Job was tele witsedo ap i phub, un leskre kurepangre leha.

Debleskro tsiro 13:6

Un job praassas o Debles, un rakras djungeles pral leskro lab un leskro kheer. Ninna kolen, kai an o bolepen djiwenna, praassas lo.

Debleskro tsiro 18:20

Awenn bachtelo, tumer, kai djiwenn an o bolepen! O baro foro hi paash! Awenn bachtelo, tumer Debleskre menshe! Awenn bachtelo tumer, kai han o Jesuseskre bitchepangre, ninna tumer, kai han o Debleskre rakepangre! Kowa, hoi o foro tchilatches kras ap tumende, das o Dewel ko fores pale.

Debleskro tsiro 8:13

Un me dikom dur pral ap o bolepen i baro tchirkles, un shunom, har job gole das: Bibacht, bibacht, bibacht! Te phurdenn i wawar triin bolepangre an pengre phurdepangren, palle wella i bari bibacht ap kolende, kai ap i phub djiwenna.

Debleskro tsiro 9:12

Jek bibacht was ap i menshende. Un dui wawar wenn pal kaja.