Debleskro tsiro 12:1 - O Debleskro Drom 2021 (Sinte)

¹ Un i baro koowa sikras pes ap o bolepen: I djuwel hi koi. Kolakro ripen hi o kham. Un tel lakre pire hi o tchon. Un ap lakro shero hi deesh-te-dui bolepangre momlia.

O Debleskro Lab 2024 (Sinte-Manouche)

¹ Oun i baro koova sikras pes ap o bolepen: I djouvel hi koy. Kolakro ripen hi o kham. Oun tel lakre pire hi o čon. Oun ap lakro shero hi deesh-te-douy bolepangre momlia.

Debleskro tsiro 12:1 ပူးပေါင်းရင်းမြစ်များ

2. Familjakro liil 32:31

An ko tsiro, kai bitchran i pralstune dran o them Babilonia bitchepangren pash o Hiskija, te putchenn le lestar, hoi an o them djas, har o Dewel sawo baro koowa kras, hoi kek wawar nai krella, kote mukas les o Dewel kokres, te dikell lo, hoi an leskro dji hi, un hoi krals lo.

Debleskri gili 104:2

Har i baja tchiwal i bari momeli trul tute. Tu tserdal o bolepen buchlo har i bari plachta,

Debleskri gili 84:11

Jek diwes ap i platsa glan tiro kheer hi feteder har i serja wawar diwessa. Me kamau budeder te wap tardo pash o wudar glan tiro kheer, har te djiwap pash i tchilatchende.

Kamlepaskri gili 6:10

Dikenn kolat, kai stell pre har o newo diwes, shukar har o tchon hi li, un djudjo har o kham! Koon dikell lat, koleske atchell o rakepen krik.

Jesaja 61:10

Me hom bachtelo pral o baro Debleste, un miro dji giwell miro Debleske. Job hi trul mende har i ripen, te well kek tchilatchepen ap mende, un tchiwas tchatchepen ap mende har i plaashka, jaake har hidjrell i bijabeskro i shukar stadi, un leskri pirni shukar werklia un gustria.

Jesaja 62:3

Un tu weh har i kutch rajeskri stadi an o baro Debleskro wast, awa, i rajeskro shereskro an tiro Debleskro wast.

Zakarie 9:16

Ap ko diwes lell len lengro baro Dewel win dran i tchilatche wasta. Job hi lenge har i bakrengro, kai dell garda ap peskre bakren. Har i kutch barra ap i rajeskri stadi krenn le o them shukar.

Mateo 12:38

Palle penan i biboldengre tchatchepangre un i Farisarja ap leste: “Sikepaskro, kre menge i baro koowa, hoi sikrell mende, te well tiri soor o Deblestar!”

Mateo 24:30

Palle dikenn le o Menshengro Tchawes, har job dran o bolepen wella. An hake themma dikenn le les, har job wella ap i wolke bari sorjah un railepen. Un jon rowenna un penenna: Patsams mer ap leste!

Markus 13:25

Un i bare momlia ap o bolepen perenn tele. Un o bolepaskri soor perell khetne.

Louka 21:11

Un kai te koi well i phub soreles trisslemen. An bud themma hi i menshen gar doha te chal, un baro nasslepen well ap lende. Un jon dikenn i baro koowa ap o bolepen, hoi krell lenge bari daar.

Louka 21:25

“Ap o kham un ap o moonto un ap i bolepangre momlia dikenn tumer baro koowa. Pral i menshende an bud themma well i bari traash, te dikenn le, har well o baro pani diwjo un hadell pes pral un dell bari gole.

Johanni 3:29

Koles, kai i pirni hi, ko hi ninna o pirno. Un o maal ko pirnestar, kai pashel tardo hi, un shunell o pirneskro gole, hi bachtelo pral kowa. Kai bacht hi man kanna.

Bičepangre 2:19

Un me kamau baro un sorelo koowa te krap, an o bolepen un ap i phub. Tumer dikenn rat, un jag, un tampa.

Remarja 13:14

Djiwas jaake har maro rai, o Jesus Kristo, djiwas! Te kamell o djungelo koowa an tumaro shero te well, palle penenn: Na-a!

2. Korintarja 11:2

Jaake har o Dewel kamell, kamau me ninna o tselo djijestar, te djan tumer gar o Jesus Kristestar krik. Tumer han mange har i tchai, kai dom jek mursheste, te well li leskri pirni. Ko jek mursh hi o Jesus Kristo. Kamau te anap leske i djudji terni djuwel ap ko diwes, kai romedinerell lo lat.

Galatarja 3:27

Har wan tumer ap o Jesus Kristeskro lab taufedo, his kowa jaake, har te riwans tumer o Jesus Kristes an, – jaake har i ripen.

Galatarja 4:26

Hi ninna i foro Jerusalem an o bolepen. Ko Jerusalem hi har i rajetsa, i Sara. Lakre tchawe hi gar pandlo ap o Moseskre laba. Joi hi mari dai.

Galatarja 6:14

Me djinau jek: An kek tsiro kamau me te sharap man. Me sharau ko trushel kokres, kai maro rai, o Jesus Kristo, meras. Kanna hi mange kowa lauter buder tchi moldo, hoi i menshenge jaake bud moldo hi. Me nashau ko koowa buder gar palla.

Efesarja 5:32

Kawa lab sikrell men i baro tchatchepen. Me rakrau o Jesus Kristestar un kolendar, kai ap leste patsenna.

Debleskro tsiro 1:20

Me kamau te haiwess, hoi kol efta bolepangre momlia hi, hoi tu an miro tchatcho wast dikal. Te haiwess ninna, hoi kol sonakangre momlia hi! Kol efta bolepangre momlia hi o Debleskre budepangre, kai denn jak ap i patslende, kai an i efta forja khetne wenna. Un i efta sonakangre momlia hi i patsle, kai wenna khetne an i efta forja.”

Debleskro tsiro 11:19

Un o Debleskro kheer an o bolepen was pre kerdo. Un an o Debleskro kheer dikom me ko sonakaskro mochton, hoi sikrella, kai o Dewel o maal peskre menshendar hi. Un i jag das karje dran o bolepen pre te tele. Un o bolepen das bari gole, har koi gole, hoi o bolepen della, te dell baro brishin un te djal jag tele dran o bolepen. Un i phub trissas, un das brishin har bare barra.

Debleskro tsiro 12:3

Un i wawar baro koowa sikras pes ap o bolepen: I baro lolo sap was. Un les hi efta shere un deesh shinga. Un ap hako shero hi shereskro sonakai.

Debleskro tsiro 15:1

Un me dikom i wawar baro koowa an o bolepen. Kowa his baro un dareno. Kote his efta bolepangre, kai anenn efta kope i bari phagi pral i phub. Pal koi eftati phagi well buder kek phagi. Palle hi o Dewel buder gar chojedo.

Debleskro tsiro 21:14

Un koi massuri hi tardo ap deesh-te-dui sorele barra. Ap kolende hi i laba tchinlo kol deesh-te-dujendar, kai his o terno bakreskre bitchepangre.

Debleskro tsiro 21:23

Pral o foro hi buder kek kham un kek tchon. O Debleskro railepen hi har o kham, un o terno bakro hi i momeli o foreske.