Debleskro tsiro 11:9 - O Debleskro Drom 2021 (Sinte)

⁹ Un bud menshe dran hako them, haki natsjona, haki harmenatsjona un hako rakepen dikenn kol mule murshen ap o drom tchiddo triin diwessa un i paash diwes, un mukenn gar, te wenn jon paskedo.

O Debleskro Lab 2024 (Sinte-Manouche)

⁹ Oun boud menshe dran hako them, haki natsyona, haki harmenatsyona oun hako rakepen dikenn kol moule morshen ap o drom čiddo triin divessa oun i paash dives, oun moukenn gar, te venn yon paskedo.

Debleskro tsiro 11:9 ပူးပေါင်းရင်းမြစ်များ

1. Rajengro liil 13:22

Tu djal pale pale un chal maro un pijal pani kote, kai me tuke penom: ‘Ma cha maro un ma pi pani!’ Doleske weh tu gar paskedo pash tire phurende.”

Sikepaskro 6:3

Nai well i mursh, koleske wenn sheel tchawe boldo, un job djiwell bud bersha. Te wals lo jaake phuro un wals gar bachtelo pral o latchepen an peskro djipen, un leske wals witar kek paskepen kerdo, kolestar penau me: I ternepen, kai mulo boldo was, djal feteder har leske.

Jesaja 33:1

Djungeles djal tuke, kai tu lauter khetne dal, un kokres wal gar khetne dino. Djungeles djal tuke, tu phukepaskro, ap koleste kek phukras. Pal kowa, kai dal halauter khetne, weh tu ninna khetne dino. Pal kowa, kai phukral ap hakeneste, phukrenn le ap tute ninna.

Jeremia 7:33

Tchirkle un diwje vieche chan kol mule menshen pre, un kek tradell len krik.

Mateo 7:2

Te hi tumen i baro dji i wawarenge, hi o Debles ninna i baro dji tumenge. Hi tumen kek baro dji lenge, hi o Debles witar gar i baro dji tumenge.

Debleskro tsiro 10:11

Un jon penan ap mande: “Tu hunte rakress pale pral kowa, hoi wella pral i menshende un lengre rajende, kai djiwenna an bud themma, kai wenna dran bud natsjone, un rakrenna bud wawar rakepen.”

Debleskro tsiro 11:11

Un me dikom: Pal kol triin-te-paash diwessa kras o Dewel len pale djido. Un jon stan pre. Un i bari daar tapras kolen, kai kowa dikan.

Debleskro tsiro 13:7

Un o Dewel mukas o vieches te kurell lo pes o Debleskre menshentsa, un mukas, te well lo sorleder har jon. Un kol vieches was i soor pral i menshende dran hake themma, haki natsjona, haki harmenatsjona un hako rakepen.

Debleskro tsiro 17:15

Un o bolepaskro penas ap mande: “Tu dikal, kai beshell koi djuwel, hoi wi-ladjedo koowa krell, pash bud panja. Kol panja hi menshe dran haki harmenatsjona, dran hako them, haki natsjona, un hako rakepen.

Debleskro tsiro 5:8

Un har las job o liil, peran kol star sorele bolepangre un kol biish-te-star tchatchepangre phure glan o terno bakro tele. Un hakenes lendar his i bashepaskri. Un jon bashran i shukar bashepen. Len his ninna sonakangre tchare pherdo gudlo kasht, hoi o Debleske chatchedo wella, un mishto sungella. Ko gudlo kasht hi o mangepen, hoi o Debleskre menshe pengro Deblestar mangan.

Debleskro tsiro 5:9

Un jon giwenn i newi gili, un penenn: Tu hal moldo, te less ko liil, un te kress ko liil pre. Tu wal maredo, un plaissral tiro rateha, te giness menshen tiro Debleske. Kolla wenna dran hako them, haki natsjona, haki harmenatsjona un hako rakepen.