Debleskro tsiro 11:18 - O Debleskro Drom 2021 (Sinte)

¹⁸ I tsele natsjone choiran pen pral tute. Doleske was tiri choli pral lende. Kanna hi o tsiro kai, te well o tchatchepen wi-rakedo pral i mulende. Kanna was ko tsiro, te dess tiro brawlepen kolende, kai tuke budran, kai an tiro lab rakran, lauterende, kai tire menshe hi, un tut sharenna, un tutar darenna, i tikne har i bare. I tsiro hi ninna kai, te maress kolen, kai i menshen ap i phub maran.

O Debleskro Lab 2024 (Sinte-Manouche)

¹⁸ I tsele natsyone rhoyran pen pral toute. Doleske vas tiri rholi pral lende. Kanna hi o tsiro kay, te vell o čačepen vi-rakedo pral i moulende. Kanna vas ko tsiro, te dess tiro bravlepen kolende, kay touke boudran, kay an tiro lab rakran, lauterende, kay tire menshe hi, oun tout sharenna, oun toutar darenna, i tikne har i bare. I tsiro hi ninna kay, te maress kolen, kay i menshen ap i phoub maran.

Debleskro tsiro 11:18 ပူးပေါင်းရင်းမြစ်များ

Debleskri gili 103:11

Jaake dur har o bolepen pral i phub hi, jaake baro hi leskro latchepen kolenge, kai djiwenn leha.

Debleskri gili 110:5

O baro Dewel hi ap tiri tchatchi rig tardo, un dell bare rajen khetne ap ko diwes, kai leskri choli wella,

Debleskri gili 147:11

O baro Debleske hi kolla shukar, kai leha djiwenna un ap leste dikenna, te well lo lenge latches.

Debleskri gili 2:5

Well i diwes, kai rakrell lo lentsa i choljah. Awa, leskri choljah krell lo lenge daar, te penell lo:

Debleskri gili 85:9

Kamoms te shunap, har o baro Dewel penell, te well an leskro them un leskre menshenge kek kurepen, jaake te djas mer gar ap dinele dromma.

Sikepaskro 12:13

Kowa lauter, hoi kate penlo was, hi khetne lino kowa: Shun ap o Debleste un rike leskre laba! Kowa molell i tsele menshenge.

Sikepaskro 8:12

Ninna te djiwell kowa i lengsto djipen, kai krell sheel kope fullo koowa, djinau me, te djal kolenge kokres mishto, kai djiwenn o Debleha un mukenn les lengro rai te well.

Daniel 11:44

Palle shunell lo, hoi rakedo well kolestar, hoi djas an o them, kai glan leste hi, kote kai o kham pre djal, un an ko them, kai serwes lestar hi. Un ko rakepen krell leske daar. Un i bari choljah djal lo win, te dell lo bud menshen mulo.

Daniel 7:26

Pal kowa well o bolepaskro tsillo, un o tchatchepen well wi-rakedo. Un ko rajestar well peskri soor krik lino, te hi lo buder kek rai. Un lestar atchell tchi buder pral.

Daniel 8:25

Peskro goswepah chochell lo bud menshen. Un job phurdell pes pre un djal ap budende un marell kolen, kai patsenn, te krell lo lenge tchi. Un ninna hadell lo pes pral o pralstuno rajeste. Un palle well job phagedo kek mensheskro wasteha.

Mateo 5:12

Giwenn un denn gole i bachtjatar ap ko diwes! O Dewel dell tumen i baro brawlepen an o bolepen. Jaake har jon tumen palla lenna, jaake lan le o Debleskre rakepangren an o phuro tsiro ninna palla.

Louka 1:50

Job kras peskro dji pre kol phurenge un kolengre tchawenge, lauterenge, kai shunenn ap leste, un darenn lestar.

Hebrearja 9:27

Un jaake har i tsele menshe hunte merenna jek kopo, un palle rakrell o Dewel o tchatchepen pral lende win,

Debleskro tsiro 10:7

An kol diwessa, kai o eftato bolepaskro rakrella, un an peskri phurdepaskri phurdella, hi lauter kerdo, hoi o Debles an o dji his, te kras lo les jaake har job ap peskre budepangre penas, te well kowa.

Debleskro tsiro 11:2

Un ko kotar phub glan o Debleskro baro kheer, kote tchip ko kasht gar pre. Ko kotar phub well kolende dino, kai kek bibolde hi. Un jon stakrenn o Debleskro foro khetne star-deesh-te-dui tchon.

Debleskro tsiro 13:10

Koon stildo hunte well, kowa well stildo. Koon o chareha maredo hunte well, kowa well o chareha maredo. Doleske hunte wenn o Debleskre menshe soreles tardo an o patsepen, te denn le gar pre.

Debleskro tsiro 13:16

Un i tsele menshe hi an o wast ko viechestar: I bare har i tikne, i brawele har i tchorwele, i raja un i budepangre. Kolla lauter hunte krenn i sikepen ap pende. Hi sawe, kai hunte tchinenn les ap pengro tchatcho wast. Wawar hunte tchinenn les glan ap pengro shero.

Debleskro tsiro 14:10

Jon hunte pijenn o Debleskri mool. Kai mool hi o Debleskri choli. Kaja hi jaake soreli har i mool, kai kek pani dren hi. Kolla, kai mangenn o vieches an, hunte djan an i bari jag. Un koi jag un i jagakri khand krenn lenge bare duka. Un jon dikenn o Debleskre bolepangren un o terno bakres.

Debleskro tsiro 15:1

Un me dikom i wawar baro koowa an o bolepen. Kowa his baro un dareno. Kote his efta bolepangre, kai anenn efta kope i bari phagi pral i phub. Pal koi eftati phagi well buder kek phagi. Palle hi o Dewel buder gar chojedo.

Debleskro tsiro 15:7

Kote his ninna kol star sorele bolepangre tardo. Un jek lendar das kol efta bolepangren efta sonakangre tchare an lengre wasta. An kol tchare his i choli o Deblestar, kai djiwell kanna un hako tsireske.

Debleskro tsiro 18:6

Krenn ap late jaake, har joi ap tumende kras! Denn lat dui kope jaake bud tchilatchepen pale, har joi ap tumende kras! Denn lat i pipen te pijell, hoi hi dui kope sorleder har kowa, hoi joi das tumende te pijell!

Debleskro tsiro 19:15

Un dran leskro mui well i charo win, hoi latches tchinella. Koleha kurell lo pes i menshentsa an i tsele themma, un well sorleder har jon. Job anell len i sasterno wasteha. Jaake har jek i drake paash stakrella, te well i mool win, jaake stakrell lo kolen paash, kai gar ap leste shunenna, un anell i choli o sorelo Deblestar ap lende.

Debleskro tsiro 19:18

un chan o mass kolendar lauterendar, kai wenn maredo: i bare raja, i pralstune, i lurde, i graja un kolla, kai pre beshdo hi, i raja un pengre budepangre, i bare un i tikne.”

Debleskro tsiro 19:5

Un i rakepen was kotar, kai o Debleskro beshepaskro hi, un kowa penas: “Sharenn maro Debles, tumer lauter, hoi leske budrenna, un lestar darenna, tikne har bare!”

Debleskro tsiro 20:12

Un me dikom i mulen: i bare har i tikne. Jon his tardo glan o Debleskro beshepaskro. Un lila wan pre kerdo, kai tchinlo hi, hoi i menshe kran. Pale was ko djipaskro liil pre kerdo, kai kolla dren tchinlo hi, kai djiwenna hako tsiro. Un o tchatchepen was wi-rakedo pral kol tsele mulende jaake, har an i lila dren tchinlo hi.

Debleskro tsiro 22:12

Dik, me wau sik, un dau hakenes pal kowa, hoi job kras.