Debleskro tsiro 11:17 - O Debleskro Drom 2021 (Sinte)

¹⁷ un penan: Mer parkrah men pash tute, maro rai. Tu hal o sorelo Dewel. Tu djiweh kanna har djiwal an o phuro tsiro. Tu sikral tiri bari soor, un wal o rai pral halauter.

O Debleskro Lab 2024 (Sinte-Manouche)

¹⁷ oun penan: Mer parkrah men pash toute, maro ray. Tou hal o zorelo Devel. Tou djiveh kanna har djival an o phouro tsiro. Tou sikral tiri bari zoor, oun val o ray pral halauter.

Debleskro tsiro 11:17 ပူးပေါင်းရင်းမြစ်များ

1. Mose 17:1

O Abram his 99 (enja-deesh-te-enja) bersh phuro. Koi mukas pes o baro Dewel glan leste te dikell, un penas ap leste: “Me hom o sorelo Dewel. Dja ap miro drom, te hatsap kek tchilatchepen ap tute!

Debleskri gili 21:13

Tu leh tiro bogo un rikreh ap lende, un kreh, te rissrenn le pen trujel un nashenn penge.

Debleskri gili 57:11

Tiro latchepen hi jaake baro har o bolepen. Un tiro tchatchepen djal bis pash i wolke.

Jesaja 52:10

Glan i jaka i menshendar an i tsele themma sikrell o baro Dewel peskri soor, kolah job peskre menshen win lell dran o pandepen. Ap i tseli phub dikenn le, har maro Dewel peskre menshen khere anell.

Daniel 2:23

Tu, o Dewel mire phurendar, pash tute parkrau man un tut sharau, te dal man goswepen un soor, un mukal man te djinell, hoi tutar mangam, un sikral man kowa, hoi o baro rai kamell te djinell.

Daniel 6:10

Jaake mukas o baro rai kau lab pre te tchinell un tchiwas peskro lab tele.

Mateo 11:25

Un ap kau tsiro penas o Jesus: Tata, tu hal o rai pral o bolepen un i phub. Me sharau tut. Kowa, hoi tu kreh, sikral tu kolende, kai gar bud djinenna. Kolla, kai gosewo hi un bud djinenna, kolla haiwenn kowa gar.

Louka 10:21

An ko tsiro das o Debleskro Ducho o Jesuses i bari bacht an o dji. Un job penas: “Tata, tu hal o rai pral o bolepen un i phub, un me sharau tut. Kowa, hoi tu kreh, sikral tu kolende, kai gar bud djinenna. Un kolla, kai gosewo hi un bud djinenna, kolla haiwenn kowa gar. Awa, jaake kamal tu kowa.

Johanni 11:41

Koi tchiwan le ko bar ap i rig. Un o Jesus dikas pre, un penas: “Tata, me parkrau man, kai shunal man.

2. Korintarja 2:14

Me parkrau man pash o Debleste, te dell lo men i soor, te djas ap o Jesuseskro drom. Khetne o Jesuseha ham hako tsiro sorleder har o tchilatchepen. Un kote, kai penah i menshenge o latcho lab o Jesusestar, hi kowa jaake, har te well i latcho sungepen pash bud menshende.

2. Korintarja 9:15

Parkras men pash o Debleste! Job das men peskro baro kamlepen, kai hi jaake baro, te nai rakrah les gar win.

1. Timoteo 1:12

Me parkrau man pash maro rajeste, o Jesus Kristeste, kai das man i soor, te budrap leske. Job patsas ap mande, un tchiwas man an koi budi, te wap leske koi.

Debleskro tsiro 1:4

Me, o Johanni, tchinau kau liil ap i tsele patslende, kai an i efta forja an o them Asia khetne wenna. Latchepen un bacht tumenge! Kowa dell tumen o Dewel! Job djiwella hako tsiro: kanna un an ko tsiro, hoi his un hoi wella! Latchepen un bacht tumenge! Kowa dell tumen o Debleskro Ducho! Kowa hi har efta jaga glan o Debleskro beshepaskro tardo.

Debleskro tsiro 1:8

O baro Dewel penella: “Mandar was lauter. Un lauter wella pale glan mande. Man hi i tseli soor, un djiwau hako tsireske: kanna un an ko tsiro, hoi his un hoi wella.”

Debleskro tsiro 11:15

Un ko eftato bolepaskro phurdas an peskri phurdepaskri. Koi his i rakepen an o bolepen, un bud dan bari gole, un penan: “Kanna hi o Dewel un leskro tchawo, o Jesus Kristo, i raja pral i tsele menshende ap i phub hako tsireske.”

Debleskro tsiro 15:3

Un jon giwan koi gili, hoi o Debleskro budepaskro, o Mose, giwas. Jon giwan lat o terno bakreske, un penan: Baro un shukar hi halauter, hoi tu kral, maro rai, tu sorelo Dewel! Mishto un tchatcho hi tire dromma, baro rai pral i tsele themma!

Debleskro tsiro 16:14

Kolla triin benga krenn baro un sorelo koowa, un djan pash i rajende pral i tsele themma, te anenn jon pengre lurden khetne, te djan le an o kurepen ap o Debleskro baro diwes.

Debleskro tsiro 16:5

Un me shunom, har penas ko bolepaskro, koles i soor pral i panja hi: “Tu, o baro Dewel, djiweh kanna, har djiwal an o phuro tsiro. O tchatchepaskro Dewel hal tu. Kowa, hoi tu rakreh, hi mishto un tchatcho.

Debleskro tsiro 16:7

Un me shunom, har jek pash o Debleskri chatchepaskri penas: “Awa, rai, maro sorelo Dewel, mishto kral, kai tu dal len sawi phagi.”

Debleskro tsiro 18:8

Doleske well i tseli bari bibacht ap jek kopo pral ko foro: merepen, ropen, un bok. Un i jag chatchrella ko foro pre. Sorelo hi o Dewel, maro rai, kai rakrell pral i menshen an o foro o tchatchepen win, un dell len i tchatchi phagi.

Debleskro tsiro 19:11

Un me dikom, har o bolepen pre hi. Un kote his i parno grai. Un kowa, kai pre beshdo hi, kharella: Mursh labestar, kai rakrell o tchatchepen. Job te dell i menshen i phagi un kurell pes kolentsa, kai tchilatche hi, djal job pal o tchatchepen.

Debleskro tsiro 19:6

Koi dan bud menshe gole: “Halleluja!” Koi gole his jaake sorelo, har i baro pani gole della, hoi dur tele perella, un har koi gole, hoi o bolepen krella, te dell baro brishin un te dell jag tele karje. Un jon rakran un penan: “Maro sorelo Dewel was o rai pral halauter.