Debleskro tsiro 11:12 - O Debleskro Drom 2021 (Sinte)

¹² Un kol dui shunan i sorelo rakepen dran o bolepen, hoi ap lende penas: “Awenn kate pre!” Un jon djan an o bolepen pre. Un lauter kolla, hoi chojedo ap lende his, dikan kowa.

O Debleskro Lab 2024 (Sinte-Manouche)

¹² Oun kol douy shounan i zorelo rakepen dran o bolepen, hoy ap lende penas: “Avenn kate pre!” Oun yon djan an o bolepen pre. Oun lauter kolla, hoy rhoyedo ap lende his, dikan kova.

Debleskro tsiro 11:12 ပူးပေါင်းရင်းမြစ်များ

2. Rajengro liil 2:1

O diwes was, kai kamas o baro Dewel o Elijas an i sorelo phurdepen an o bolepen te lell. O Elija un o Elisa djan dran Gilgal krik.

2. Rajengro liil 2:11

Un har jon jaake djan un khetne rakran, koi was i jagakro wurdin i grajentsa dran jag un djas mank lende. Un i phurdepen hidjras o Elija an o bolepen.

2. Rajengro liil 2:5

wan kol Debleskre rakepangre, kai kote djiwan, win pash o Elisa, un penan ap leste: “Djineh tu ninna, kai o baro Dewel kau diwes tiro rajes tutar krik lella?” Koi penas job: “Kowa djinau me. Atchenn!”

2. Rajengro liil 2:7

Har his le pash o Jordan tardo, wan paash-sheel Debleskre rakepangre koi un atchenn i kotar dur krik tardo.

Debleskri gili 112:10

O tchilatcho dikell kowa un choirell pes. I choljatar dandrell lo i danda khetne. Job merell, un kowa, hoi kamas lo te krell, hi tchitcheske.

Debleskri gili 15:1

I gili o Davidestar. Baro Dewel, koon nai well an tiro kheer? Kones mukeh tu ap koi berga te djiwell, kai tu khere hal?

Debleskri gili 24:3

Koon hi kowa, kai ap o baro Debleskri berga nai djal? Koon hi kowa, kai an leskro kheer nai tardo atchella?

Debleskri gili 86:17

Sike mande, te hal tu mantsa latches, baro Dewel! Palle hunte ladjenn pen kolla, kai kamenn mange tchilatchepen, te dikenn le, kai tu ap miri rig hal, un mire swa tele khosseh.

2. Mose 14:25

Lengre wurdja atchan an i tchik jaake te wan le phares glan. Un i Egiptarja penan: “O baro Dewel kurell pes lenge un hi ap lengri rig. Djas menge katar!”

Jesaja 14:13

Un tu penal tuke an tiro dji: “Me kamau pre te djal an o bolepen, pral i tsele bolepaskre momlia o Deblestar kamau me miri beshepaskri pre te tchiwell, un man beshell kote ap i berga, kai i debla khetne wenn, kote kai o kham gar diklo well.

Jesaja 40:31

Kolla, kai ap o baro Debleste dikenn, lenn newi soor. Jon hadenn pen har bare tchirkle hadenn pen pengre mussjentsa. Jon nashenn un lengri soor djal gar krik. Jon djan trujel un wenn gar khino.

Jesaja 60:8

Koon hi kol shiffe, kai wenn sik har i wolke, un har i parne tchirkle, hoi wenn khere an pengro kheer?

Maleachi 3:18

Palle dikenn tumer pale, kai djal gar emliges kolenge, kai an o tchatchepen tardo hi un kolenge, kai krenn o tchilatchepen. Djal wawartchandes koleske, kai mangell o Debles an, har koleske, kai mangell les gar an.

Louka 16:23

Har job kanna an o mulengro them his, wan bare duka ap leste. Un job dikas pre, un dikas o Abrahames dural, un o Lazaro his pash leste beshdo.

Bičepangre 1:9

Har job kowa penas, was job glan lengre jaka an o bolepen hadedo, un i wolka las les pre.

1. Tessalonikarja 4:17

Palle wah mer, kai ham gomme djido, lentsa khetne pre hadedo un ap i wolke pash o rajeste, o Jesuseste, an o bolepen anlo. Un pash leste atchah hako tsiro.

Debleskro tsiro 12:5

Un joi las i mursh tchawes. Kowa te well o rai pral i menshende an i tsele themma ap i phub. Job anell len i sasterno wasteha. Un lakro tchawo was pre hadedo pash o Debleste, un pash leskro beshepaskro.

Debleskro tsiro 3:21

Kowa, kai soreles an o patsepen atchas, un gar pre das, kowa nai beshell pes mantsa ap miro rajeskro beshepaskro, jaake har me ninna soreles tardo homs, un me beshom man miro dadeha ap leskro rajeskro beshepaskro.

Debleskro tsiro 4:1

Pal kowa dikom i wudar an o bolepen, hoi pre hi. Un kowa, kai ap mande rakras, un leskri gole sorelo har i phurdepaskri his, kowa penas ap mande: “Ab kate pre! Me sikrau tut, hoi pal kawa wella.”