Debleskro tsiro 1:7 - O Debleskro Drom 2021 (Sinte)

⁷ Dikenn, job wella dran o bolepen, un hakeno dikell les, ninna kolla, kai les ap o trushel dan. Un an hake themma rowenn le pral leste, un penenn le: “Patsams mer ap leste!” Awa, jaake hunte well kowa. Amen.

O Debleskro Lab 2024 (Sinte-Manouche)

⁷ Dikenn, yob vella dran o bolepen, oun hakeno dikell les, ninna kolla, kay les ap o troushel dan. Oun an hake themma rovenn le pral leste, oun penenn le: “Patsams mer ap leste!” Ava, yaake hounte vell kova. Amen.

Debleskro tsiro 1:7 ပူးပေါင်းရင်းမြစ်များ

Hiob 33:26

Job mangell o Debles, un kowa dikell latches ap leste, un mukell les bachteles glan peste te well. Un o Dewel tchiwell les pale an o tchatchepen.

Debleskri gili 22:16

Miri meen hi truk. Ninna miro tchip hi buder gar sapeno, un tu tchiwal man an o merepaskri tchik.

Debleskri gili 68:1

I gili o rajeske pral i gipangre. O David kras kai gili.

Debleskri gili 97:2

Kale wolke hi trul leste trujel. Job hi i baro rai, kai djal pal o tchatchepen, un rakrell o tchatchepen win pral i menshende.

Jesaja 19:1

Kate sikrell o Dewel, hoi pral o them Egiptia wella: O baro Dewel ulerell ap i sik wolka un well pral o them Egiptia. Un i tsele chochene debla an Egiptia trissenna glan leste. Un i Egiptarenge perell o dji an i cholopja.

Daniel 7:13

Un me dikom an kau dikepen an i rat jekes, kai wi-dikas har i mensho. Kowa was mank i wolke bis pash ko phureste, un was glan leste anlo.

Nahum 1:3

O baro Dewel well gar sik chojedo. Les hi bari soor, un tchatchepah, hakeneste, kai doosh ap peste anas, dell job peskri phagi. Kote, kai o baro Dewel djal, phurdell i sorelo ducho. Un i wolke hi har koi tchik, hoi leskre pire pre witsrenn.

Zakarie 12:10

O Davideskre menshenge un i menshenge an Jerusalem krau lengre djia pre, te wenn le kamles jek ap o wawareste un mangenn mandar latchepen. Un jon dikenn ap koleste, kai dan le an i rig tchurje. Un jon denn gole i ropah pral leste, har jek pral peskro mulo tchaweste gole dell, koles kek wawar tchawe hi, un har rowenn i menshe pral pengro phureder tchawo, kai meras.

Zakarie 12:11

O ropen trul leste an o foro Jerusalem well jaake baro har o ropen an Hadad-Rimmon an o telstuno them Megiddo.

4. Mose 24:17

Me dikau jekes. Kowa hi kanna gar koi. Dural dikau les. Dran o Jakob well jek, kai djal pre har i bolepaskri momeli. Dran o Israel well i baro rai, un dell i Moabarja khetne. Un kol murshenge, kai wenna pal o Set, dell lo ap o shero.

Mateo 16:27

Me hom o Mensheskro Tchawo. Un me wau pale ap i phub an o railepen, hoi das man miro dad an o bolepen. Un mantsa wenna mire bolepangre. Un palle dikau ap hakeneste, hoi job kras. Un me dau latcho koowa kolen, kai latcho koowa kran. Un me dau i phagi kolen, kai tchilatcho koowa kran.

Mateo 16:28

Tchatchepah, me penau tumenge: Mashkral tumende hi sawe menshe, kai merenn gar, bis te dikenn le o Menshengro Tchawes, har job o baro rai hi.

Mateo 24:30

Palle dikenn le o Menshengro Tchawes, har job dran o bolepen wella. An hake themma dikenn le les, har job wella ap i wolke bari sorjah un railepen. Un jon rowenna un penenna: Patsams mer ap leste!

Mateo 25:31

Un o Jesus penas: Ap ko diwes, kai well o Mensheskro Tchawo an peskro tselo railepen, un leha wenna i tsele bolepangre, palle hi lo o rai pral halauter, un rakrell o tchatchepen win pral i tsele menshende ap i phub.

Mateo 26:64

Penas o Jesus: “Awa, hi jaake, har tu penal. Un kanna penau tumenge: Ko tsiro well sik, kai dikenn tumer o Menshengro Tchawes, har hi lo beshdo ap i tchatchi rig o sorelo Deblestar, un har well lo ap i wolke dran o bolepen.”

Markus 13:26

Palle dikenn le o Menshengro Tchawes, har well lo an i wolke bari sorjah un railepen.

Markus 14:62

“Me hom kowa,” penas o Jesus, “un ko diwes wella, kai dikenn tumer o Menshengro Tchawes, har hi lo beshdo ap i tchatchi rig o sorelo Deblestar, un har well lo an i wolke dran o bolepen.”

Louka 21:27

Un palle dikenn i tsele menshe o Menshengro Tchawes, har well lo ap i wolka bari sorjah un railepen.

Johanni 19:34

Jek kol lurdendar das les peskro chareha an i rig tchurje. Koi was pani un rat win.

Johanni 19:37

un ninna: Jon dikenn koles, kai dan le an i rig tchurje.

1. Tessalonikarja 1:10

Tumer dikenn ap ko diwes, kai well o Debleskro tchawo dran o bolepen pale. Kowa hi o Jesus, koles kras o Dewel i mulendar djido. Job lell men dran o Debleskri choli win, hoi pral i menshende wella.

1. Tessalonikarja 4:17

Palle wah mer, kai ham gomme djido, lentsa khetne pre hadedo un ap i wolke pash o rajeste, o Jesuseste, an o bolepen anlo. Un pash leste atchah hako tsiro.

Hebrearja 10:29

Te his kowa jaake koleha, kai kras gar, hoi o Mose penas, kitse sorleder well o Debleskri choli pral koleste, kai o Debleskro tchawes pestar stakrella, un krella, har te wals o Jesus Kristeskro rat tchi moldo. Un kau rat lals peskri doosh krik, un krals les erligo glan o Debleste. O Debleskro Ducho his leske latches, un job dukras les.

1. Johanni 3:2

Latche phrala un phenja, kanna ham Debleskre tchawe. Un hoi mer wah an ko tsiro, hoi wella, djinah gomme gar. Jek djinah: Ap ko tsiro, kai well o Jesus Kristo pale, dikah les har job hi, un mer wah jaake, har job hi.

Judas 1:14

Glan i rah tsiro penas pral lende o Henoch, kowa his o eftato dad pal o Adam: Dikenn, o Dewel, maro rai, well dran o bolepen. Un bud serja bolepangre hi pash leste.

Debleskro tsiro 22:20

Kowa, kai kawa penas, penella: “Awa, me wau sik.” Amen. Ab rai Jesus!

Debleskro tsiro 22:4

un dikenn les pengre jakentsa. Un leskro lab hi glan ap lengre shere tchinlo.

Čačepangre 5:31

Maro baro Dewel, jaake hunte merenn lauter, hoi tut gar kamenna. Kolla, kai kamenn tut o tselo djijestar, jon te wenna railo har o kham, har djal lo pre an peskri soor! Un pal kowa his an o them 40 (star-deesh) bersha kek kurepen.