Debleskro tsiro 1:10 - O Debleskro Drom 2021 (Sinte)

¹⁰ Ap o Debleskro diwes was o Debleskro Ducho soreles pral mande. Un me shunom pal mande i sorelo rakepen. Kowa his har i gole, hoi dell i phurdepaskri.

O Debleskro Lab 2024 (Sinte-Manouche)

¹⁰ Ap o Debleskro dives vas o Debleskro Dourho zoreles pral mande. Oun me shounom pal mande i zorelo rakepen. Kova his har i gole, hoy dell i phourdepaskri.

Debleskro tsiro 1:10 ပူးပေါင်းရင်းမြစ်များ

4. Mose 24:2

un dikas kol Israelitarja, har lengre plachtene khera tardo hi, haki bari familja peske. Un o Debleskro ducho was ap leste.

Mateo 22:43

Penas o Jesus: “Te hi kowa tchatcho, har nai penas o David ap leste: Mo rai? Kau lab tchiwas o Debleskro Ducho an o Davideste,

Johanni 20:19

Har rati his ap kau diwes, – kowa his i kurko – his o Jesuseskre mala khetne. I darjatar kol biboldendar his lengro wudar klidedo. Ap jek kopo was o Jesus dren, un djas mashkral lende, un penas ap lende: “O Debleskri bacht tumentsa!”

Johanni 20:26

Un pal ochta diwessa his o Jesuseskre mala pale khetne an ko kheer. Un o wudar his klidedo. Kau kopo his o Thomas pash lende. Ap jek kopo his o Jesus mashkral lende tardo, un penas: “O Debleskri bacht tumentsa!”

Bičepangre 20:7

Ap o kurko wam mer khetne, te phagas o maro. Un o Paulo penas o Debleskro lab i menshenge. Un o wawar diwes kamas job ap o shiffo dureder te ulerell. Doleske rakras job jaake rah bis deesh-te-dujenge an i rati.

1. Korintarja 12:3

Doleske kamau te djinenn tumer, hoi wella o Deblestar, un hoi well gar lestar. Un me penau tumenge: Te rakrell jek, hoi o Debleskro Ducho leske an o mui tchiwell, nai praassell lo gar o Jesuses. Un kek nai penella: “O Jesus hi miro rai!” te hi o Debleskro Ducho gar an leste.

1. Korintarja 16:2

Hako kurko tchiwell hakeno tumendar jaake bud lowe ap i rig, har leske djala. Jaake hunte tchiwenn kol lowe gar khetne ap ko diwes, kai wau pash tumende.

Debleskro tsiro 17:3

Un o Debleskro Ducho was pral mande. Un o bolepaskro anas man an o mulo them. Un me dikom i djuwel ap i lolo viecho beshdo, hoi les efta shere un deesh shinga his. Un ap koleste his sawe laba tchinlo, hoi praassenn o Debles.

Debleskro tsiro 21:10

Un o Debleskro Ducho was ap mande. Un o bolepaskro anas man ap i bari, bari berga, un sikras mande o Debleskro foro Jerusalem, har ko foro tele was o Deblestar dran o bolepen.