Debleskro tsiro 1:1 - O Debleskro Drom 2021 (Sinte)

¹ An kau liil hi kowa tchinlo, hoi o Dewel mukas o Jesus Kristes te dikell, te sikrell job peskre budepangren, hoi an i tikno tsiro hunte wella. Un o Jesus Kristo bitchras peskro bolepaskres pash mande, te sikrell lo mande kawa lauter. Me, o Johanni, hom leskro budepaskro

O Debleskro Lab 2024 (Sinte-Manouche)

¹ An kava liil hi kova činlo, hoy o Devel moukas o Yezous Kristes te dikell, te sikrell yob peskre boudepangren, hoy an i tikno tsiro hounte vella. Oun o Yezous Kristo bičras peskro bolepaskres pash mande, te sikrell lo mande kava lauter. Me, o Yohanni, hom leskro boudepaskro

Debleskro tsiro 1:1 ပူးပေါင်းရင်းမြစ်များ

Debleskri gili 25:14

O baro Dewel hi o maal kolenge, kai djiwenn leha, un lende sikrell lo, te hi lo lengro Dewel un jon peskre menshe.

Daniel 8:16

Un me shunom jekes gole te dell pral ko pani Ulai, jaake har i mensho gole dell. Un kowa penas: “Gabrijel, pen leske, hoi job kate dikas, te haiwell lo les!”

Daniel 9:21

koi was ap jek kopo ko mursh Gabrijel ap tchirklengre mussja pash mande dren. Koles dikom an o dikepen ap ko tsiro, kai rati o Debleske i viecho anlo well.

Daniel 9:23

Har mangal o Debles, un rakral tire erste laba win, lom i lab lestar. Un me wom, te penap tuke kau lab. Tu hal kutch o Debleske. Kanna de jak, hoi penau, te haiwess, hoi ko dikepen kamell te penell.

Amos 3:7

Tchatchepah, o baro Dewel, maro rai, krell tchi, te rakras lo gar glan kowa koi pral ap peskre rakepangre, kai leske koi hi.

Johanni 12:49

Kowa, hoi me penom, well gar mandar. O dad, kai bitchras man, penas mange, hoi me penap un rakrap.

Johanni 15:15

Tumer han mange buder gar budepangre. I budepaskro djinell gar, hoi leskro rai krella. Tumenge penom halauter, hoi shunom miro dadestar. Doleske han tumer kanna mire mala.

Johanni 17:8

Hoi tu mange penal, penom me lenge dureder. Un jon lan mire laba pre un haiwan, kai me tchatchepah tutar wom. Un jon patsan, kai tu man bitchral.

Johanni 3:32

un rakrell nai pral kowa, hoi job dikas un shunas. Kek patsell leske.

Johanni 8:26

Me nai penoms tumenge bud koowa, kai dikom o tchilatchepen ap tumende. Me krau kowa gar. Me penau i menshenge, hoi shunom kolestar, kai bitchras man. Un hoi job penella, hi tchatcho.”

Remarja 16:25

Sharedo well o baro Dewel! Les hi i soor, te krell lo tumaro patsepen soreles. Jaake penell les o latcho lab, hoi me penau i menshenge, ko latcho lab o Jesus Kristestar. Kate well siklo o drom pash o Debleste. Kowa djinan le i rah tsiro gar.

Galatarja 1:12

Me shunom kowa gar i menshendar. I mensho sikras les mande witar gar. O Jesus Kristo kokres sikras les mande.

Efesarja 3:3

Kowa djinan i menshe gar. An kau tikno liil tchinom tumenge, hoi sikras man o Dewel pral kowa.

Tito 1:1

Me, o Paulo, tchinau kau liil. Me hom o Debleskro budepaskro. Un o Jesus Kristo bitchras man pash kolende, kolen o Dewel peske win rodas, te krap lengro patsepen soreles, te haiwenn le o tselo tchatchepen, un te djan le ap o Debleskro drom.

Debleskro tsiro 1:19

Tchin lauter, hoi dikal, an i liil: kowa, hoi kanna hi, un kowa, hoi pal kowa lauter wella.

Debleskro tsiro 1:9

Me, o Johanni, hom tumaro phraal an o patsepen ap o Jesuseste. Job hi miro baro rai, har job tumaro baro rai hi. Jaake har tumer wenn leske palla lino, wom me ninna leske palla lino, un dom miro patsepen gar pre. Me penom i menshenge o Debleskro lab, un sikrom lende o Jesuseskro drom. Doleske wom stildo un anlo ap ko them Patmos, kai an o baro pani tchiddo hi.

Debleskro tsiro 17:1

Un jek kol efta bolepangrendar, kai hi len kol efta tchare an i wasta, kowa was pash mande, un penas: “Ab kai! Me kamau tut i phagi te sikrell, hoi ko foro lella, hoi pash bud panja tchiddo hi. Ko foro hi har i djuwel, kai kras wi-ladjedo koowa.

Debleskro tsiro 19:10

Un me witsrom man glan leste tele, te sharap les. Un job penas ap mande: “Ma kre kowa! Share o Debles! Me hom o Debleskro budepaskro har tu un tire phrala, kai sikrenn i wawar menshende o Jesuseskro drom. Kolen das o Jesus o Debleskro Ducho. Kowa sikrell len, te hi le leskre menshe.”

Debleskro tsiro 19:9

Un o bolepaskro penas ap mande: “Tchin an ko liil: Bachtele hi kolla, kai kharedo wan, te wenn le ap o terno bakreskro bijab. Kal laba hi tchatchepah o Debleskre laba,” penas lo ap mande.

Debleskro tsiro 21:2

Un me dikom o Debleskro foro, o newo Jerusalem, har was ko foro tele o Deblestar dran o bolepen. O foro his shukar kerdo har i terni tchai, kai romedinerell un shukar kerdo was peskro romeske.

Debleskro tsiro 21:9

Un pash mande was jek kol efta bolepangrendar, kai tchoran kol efta tchare win, te was efta kope i bari phagi pral i phub. Pal kowa was kek wawar phagi pral i phub. Ko bolepaskro was pash mande, un rakras mantsa, un penas: “Ab kai! Me sikrau tute koi tchat, kai rodas peske o terno bakro win, te romedinerell lo lat.”

Debleskro tsiro 22:1

Un job sikras man o baro lengsto pani, hoi djudjo hi har i djudji wali. Ko pani dell o djipen un well kotar, kai hi o beshepaskro o Deblestar un o terno bakrestar.

Debleskro tsiro 22:16

Me, o Jesus, bitchrom miro bolepaskres pash tumende, te penell lo kau koowa i patslenge. Me hom o Davideskro tchawo. Me hom koi raili bolepaskri momeli, hoi djal pre taissarlake ap o bolepen.”

Debleskro tsiro 22:6

Un o bolepaskro penas ap mande: “Kal laba hi tchatcho. Un jaake well kowa. O Dewel, maro rai, kai das peskre rakepangren peskro Ducho, kowa bitchras peskro bolepaskres, te sikrell lo peskre budepangren, hoi an i tikno tsiro hunte wella.”

Debleskro tsiro 22:8

Un me, o Johanni, hom kowa, hoi kawa shunas un dikas. Un har kowa shunom un dikom, witsrom man tele ap i phub glan o bolepaskro, te sharap les, koles, kai man kowa lauter sikras.

Debleskro tsiro 22:9

Un job rakras ap mande un penas: “Ma kre kowa! Me hom o Debleskro budepaskro har tu un tire phrala, kai o Debleskre rakepangre hi. Un me hom ninna jek kolendar, kai rikrenn kal laba an pengre djia, hoi an kau liil tchinlo hi. Ma share man! Share o Debles!”

Debleskro tsiro 4:1

Pal kowa dikom i wudar an o bolepen, hoi pre hi. Un kowa, kai ap mande rakras, un leskri gole sorelo har i phurdepaskri his, kowa penas ap mande: “Ab kate pre! Me sikrau tut, hoi pal kawa wella.”

Debleskro tsiro 5:7

Un o terno bakro was pash koleste, hoi ap o rajeskro beshepaskro beshdo his, un las ko liil dran leskro tchatcho wast.