Debleskri gili 96:2 - O Debleskro Drom 2021 (Sinte)

² Giwenn leske, o baro Debleske! Sharenn les! Penenn i menshenge, te hi job kowa, kai lell win dran o tchilatchepen.

O Debleskro Lab 2024 (Sinte-Manouche)

² Givenn leske, o baro Debleske! Sharenn les! Penenn i menshenge, te hi yob kova, kay lell vin dran o čilačepen.

Debleskri gili 96:2 ပူးပေါင်းရင်းမြစ်များ

1. Familjakro liil 29:20

Un o David penas ap i tsele menshende, kai kote khetne his: “Sharenn tumaro baro Debles!” Koi sharan i tsele menshe o baro Debles, ko Debles lengre phurendar. Un jon djan ap pengre tchanga glan o baro Debleste un glan o baro rajeste,

Debleskri gili 103:20

Sharenn o baro Debles, tumer bolepangre, kai han leskre sorele kurepangre, un krenn, hoi job penell, un shunenn ap leskre laba!

Debleskri gili 145:1

Kai gili kras o David te sharell lo o Debles. Me kamau tut te hadell, miro Debles. Tu hal o baro rai. Tut kamau me te sharell kanna un hako tsiro.

Debleskri gili 145:10

Kolla lauter, kai tu kral, mu sharenn le tut, baro Dewel, mu parkrenn pen pash tute kolla, kai tire hi,

Debleskri gili 145:2

Hako diwes kamau man pash tute te parkrell. Kanna un hako tsiro kamau tut te sharell.

Debleskri gili 40:10

Kote, kai lauter khetne wenna, penau me lenge, kai tu leh win dran o tchilatchepen. Miro mui pandau me gar. Tu, baro Dewel, djineh kowa.

Debleskri gili 71:15

Me penau i wawarenge, har tchatcho tire dromma hi. Hako diwes rakrau pral o latchepen, hoi tu lauter kral. Kowa hi budeder har nai haiwau.

Jesaja 40:9

Tu, koi berga Zion, hal har i tchai, kai anell i latcho lab. Tu, o foro Jerusalem, hal bitchedo te aness bacht. Dja pre ap i bari berga! De sorjah gole, un ma dare! Dja pre ap i bari berga! Pen ap i forja an o them Juda: “Ake, tumaro Dewel!”

Markus 16:15

Un job penas ap lende: “Djan pash i tsele menshende ap i phub un sikrenn hakeneste miro drom!”

Bičepangre 13:26

Mire phrala, tumer, kai han o Abrahameskre menshe, un tumer wawar, kai mangenn o Debles an, tumenge penau: O Dewel bitchras tumenge peskro latcho lab, hoi dell tumen o djipen, hoi gar pre-herella.

Efesarja 1:3

Sharas maro Debles! Job hi o Dewel un o dad maro rajestar, o Jesus Kristestar, un das peskro tselo bolepaskro brawlepen mende, kai ham patslo ap o Jesus Kristeste.

Debleskro tsiro 5:13

Un me shunom i gili, hoi lauter giwan, kai an o bolepen hi, un ap i phub, un tel i phub, un an o baro pani. Un jon giwenn: “Koleske, kai ap o rajeskro beshepaskro beshdo hi un ko terno bakreske, kolenge hi i gilja, un o sharepen, un o railepen, un i soor pral lauter, kanna un hako tsireske.”