Debleskri gili 9:9 - O Debleskro Drom 2021 (Sinte)

⁹ Job hi o tchatchepaskro rai pral i tseli phub. Un pral i tsele themma rakrell job o tchatchepen win.

O Debleskro Lab 2024 (Sinte-Manouche)

⁹ Yob hi o čačepaskro ray pral i tseli phoub. Oun pral i tsele themma rakrell yob o čačepen vin.

Debleskri gili 9:9 ပူးပေါင်းရင်းမြစ်များ

1. Familjakro liil 16:33

I tsele ruka an o weesh giwenna i bachtjatar glan o baro Debleste. Job wella, un anell o tchatchepen ap i phub.

Debleskri gili 108:12

Koon nai krell kowa, har tu kokres, mo Dewel, kai mukal men? Djah tu gar win mare lurdentsa an o kurepen?

Debleskri gili 142:4

Har djinom buder gar, hoi te krap, djinal tu, har mantsa dureder djal. Ap ko drom, hoi me hunte djom, tchiwan le dorja win, te perap dren.

Debleskri gili 18:2

Un job penas: Baro Dewel, miro tselo djijestar kamau tut. Tu kreh man soreles.

Debleskri gili 20:1

I gili o rajeske pral i gipangre. O David kras kai gili.

Debleskri gili 32:7

Pash tute nai khatrau me man, glan kowa, hoi mange daar krell. Doleske sharau tut i bachtelo djijeha pral kowa, har tu man win lal dran i bibacht.

Debleskri gili 37:39

O baro Dewel well ap i rig kolendar, kai ap leste rikrenna. An i pharo tsiro dell lo len soor.

Debleskri gili 46:1

I gili jekestar, kai hi dran i familja Korach. Kai gili hi o rajeske pral i gipangre, te giwell lo lat har koi gili ‘terne tcha’.

Debleskri gili 46:7

Job te dell gole, darenna i menshe an i wawar themma, un bare rajenge well i soor krik lino pral pengre themma. I tseli phub trissella i darjatar.

Debleskri gili 48:3

Shukar hi o foro ap i berga Zion. I bacht hi i tseli phubjake. An kau foro hi o Dewel o baro rai.

Debleskri gili 50:15

Un de gole ap mande ap ko diwes, kai hal an i bibacht! Palle lau tut win, un tu sharess man.”

Debleskri gili 62:8

Miro Deblestar well, te wap win lino dran o tchilatchepen, un te wap an-diklo. Lestar well miri soor, pash miro Debleste khatrau man.

Debleskri gili 67:5

Mu stenn un giwenn le i bachtjatar: Te rakreh tu o tchatchepen win pral lende, djah tu pal o tchatchepen. Pral hake themma ap i phub hal tu o rai.

Debleskri gili 7:9

Baro Dewel, tu hal o baro tchatchepaskro rai pral i menshende dran i tsele themma. De man miro tchatchepen! Tu djineh, me hom tardo an o tchatchepen un kek doosh hi ap mande.

Debleskri gili 96:10

Penenn i tsele menshenge: O baro Dewel hi o baro rai. Job kras i phub, te well li soreles tardo. Job hi o tchatchepaskro rai pral i tsele themma un djal pal o tchatchepen.

Debleskri gili 98:9

glan o baro Debleste! Job wella un rakrell o tchatchepen win pral i tseli phub. Job hi o tchatchepaskro rai pral i tsele themma, un dell hakeneste pal kowa, hoi lo kras.

Gosewe laba 18:10

O baro Dewel hi har i baro sorelo kheer. Kowa, kai an o tchatchepen tardo hi, nashell pash leste un khatrell pes pash leste.

Jesaja 32:2

Un hakeno lendar hi har i kheer, kai jek nai khatrell pes glan i baro phurdepen, un glan i baro sorelo brishin. Awa, jon hi har i panja an i mulo them, un har i baro bar pal koleste jek pes khatrell, te chatchell o kham tele an i tato them.

Jesaja 8:14

Pash leste nai khatrenn tumen. Kol wawarenge an Israel un Juda hi lo har i bar, pral koleste jon perenn, awa, har i baro sorelo bar, pral koleste jon pen choirenn. Un i menshenge an Jerusalem hi lo har khatede pandle dorja, an kolende jon perenn un pen taprenn.

Nahum 1:7

Kamles hi o baro Dewel. Job prindjrell kolen, kai ap leste dikenna. Jon nai khatrenn pen pash leste an phare tsirja.

Louka 13:34

“Tumer menshe an o foro Jerusalem! Tumer maran o Debleskre rakepangren, un dan kolen i barrentsa mulo, kai o Dewel pash tumende bitchras. Bud kope kamom tumen pash mande te lell, te dap garda ap tumende, har i kachni ap peskre ternende garda della, un lell len tel peskre phora. Un tumer kaman gar.

5. Mose 33:27

Hako tsiro his lo koi. Pash leste nai khatreh tut. Hako tsiro rikrell lo peskre mussja pral tute. Job tradas kolen glan tute win, kai kuran pen tuha, un penas tuke: Mare len!

Hebrearja 6:18

Ko lab, hoi das o Dewel un das peskro wast pre, nai well an kek tsiro krik lino. O Dewel chochella gar. Un mer, kai wam pash leste, te lell lo men dran o tchilatchepen win, men hi kanna leskro sorelo lab, te dell lo men o djipen, hoi gar pre-herella, jaake har job penas.