Debleskri gili 9:5 - O Debleskro Drom 2021 (Sinte)

⁵ Awa, tu lal miro koowa an tiro wast, un beshal tut ap tiro tchatchepaskro stamin un dal man tchatches. Tu hal i tchatchepaskro rai, kai an o tchatchepen tardo hi.

O Debleskro Lab 2024 (Sinte-Manouche)

⁵ Ava, tou lal miro koova an tiro vast, oun beshal tout ap tiro čačepaskro stamin oun dal man čačes. Tou hal i čačepaskro ray, kay an o čačepen tardo hi.

Debleskri gili 9:5 ပူးပေါင်းရင်းမြစ်များ

2. Samuel 17:23

O Ahitofel shunas, kai was kowa gar kerdo, hoi job penas. Koi tchiwas lo i ledertikri plachta ap peskri burika, beshas pes koi pre un klissas khere an peskro foro. Kote penas lo i menshenge an peskro kheer, hoi te krenn le pal leskro merepen. Palle bladas lo pes pre, un meras. Un job was paskedo an o mulengro kheer peskro dadestar.

Debleskri gili 149:7

jaake te denn le i menshen an wawar themma pale, hoi kolla ap lende kran, un anenn i phagi pral i natsjone.

Debleskri gili 2:1

I menshe an i wawar themma hi diwjo. Hoi kamenn le? Jon hadenn pen pral o baro Debleste! Hoske? Hoi le krenn, hi tchitcheske!

Debleskri gili 5:6

Kol pre-phurden kameh tu gar glan tire jaka te dikell, un tu choireh tut ap hakeneste, kai i wawarenge tchilatchepen krella.

Debleskri gili 7:12

O Dewel hi i tchatchepaskro rai, kai an o tchatchepen tardo hi. Job hi i Dewel, koleskri choli nai chatchella hako diwes.

Debleskri gili 78:55

Job tradas i tsele wawar menshen glan lende win, un das lengro them peskre menshende, hakeneste kol deesh-te-dui bare familjendar das lo lengro kotar, te well ko them lengro. An i plachtene khera kol wawar menshendar mukas lo i Israelitarjen te djiwell.

Debleskri gili 79:10

Hoske nai penenn i wawar menshe: ‘Kai hi tumaro Dewel?’ Muk men te dikell, har tu len khetne stakreh koleske, kai maran le tire budepangre!

Gosewe laba 10:7

Latche menshe wenn gar bistedo. Kowa, hoi le kran, hi o Debleskro latchepen. I tchilatche wenn bistedo.

Gosewe laba 13:9

Koon an o tchatchepen tardo hi, hi har i momeli, hoi bachteles chatchell, un i tchilatcho har i momeli, hoi djal win.

Jeremia 49:38

Lengro baro rajes un lengre pralstunen marau me, un tchiwau miri rajeskri beshepaskri kote an o them Elam. Kowa penell o baro Dewel.

Ropaskre gilja 3:58

Miro rai, tu lal miro koowa an tiro wast, un lal miro djipen dran o merepen.

5. Mose 9:14

Ma rike man pale, te anap miri bari choli pral lende, un dap len mulo, te well lengro lab bistedo. Tire tchawendar krau me i natsjona, hoi hi sorleder un bareder har kaja.”

Debleskro tsiro 19:15

Un dran leskro mui well i charo win, hoi latches tchinella. Koleha kurell lo pes i menshentsa an i tsele themma, un well sorleder har jon. Job anell len i sasterno wasteha. Jaake har jek i drake paash stakrella, te well i mool win, jaake stakrell lo kolen paash, kai gar ap leste shunenna, un anell i choli o sorelo Deblestar ap lende.

1. Samuel 25:32

Un o David penas ap i Abigajil: “Sharedo well o baro Dewel, o Dewel pral o Israel, kowa kai tut kau diwes pash mande bitchras!

1. Samuel 25:39

Un har o David shunas, te meras o Nabal, penas lo: “Sharedo well o baro Dewel, kai i ladj, hoi o Nabal ap mande anas, ap leste pale anas. Un man, peskro budepaskres, rikras lo pale, te krap i tchilatcho koowa. Un ko tchilatcho koowa, hoi o Nabal kras, mukas o baro Dewel ap leskro shero pale te perell.” Un o David bitchras murshen pash i Abigajil, un mukas lake te penell, te kamell lo lat te romedinerell.

1. Samuel 31:4

Un job penas ap koleste, kai leskro kurepaskro koowa hidjrell: “Le tiro charo un de man mulo, jaake te wenn gar kalla pash mande, kai gar tchinle hi ap pengro mass, un denn man mulo, un krenn mantsa, hoi jon kamenn!” Un ko lurdo, kai leskro kurepaskro koowa hidjrell, kamas gar. Les his bari daar. Kote las o Saul o charo, un mukas pes an leste perell.