Debleskri gili 9:12 - O Debleskro Drom 2021 (Sinte)

¹² Giwenn o baro Debleske, kai ap i berga Zion khere hi! Penenn i menshenge an wawar themma, hoi job lauter kras!

O Debleskro Lab 2024 (Sinte-Manouche)

¹² Givenn o baro Debleske, kay ap i berga Sion khere hi! Penenn i menshenge an vavar themma, hoy yob lauter kras!

Debleskri gili 9:12 ပူးပေါင်းရင်းမြစ်များ

1. Mose 9:5

Kek hunte lell tumaro djipen. Hakeno koon lell tumaro djipen, kolestar lau me ninna leskro djipen: hako viechestar un hako menshestar.

2. Rajengro liil 24:4

un maras bud sawen, kai kek tchilatchepen kran, un anas lengro rat pral peste. Un o tselo foro Jerusalem his pherdo rat. Kau koowa kamas o baro Dewel gar te bistrell.

Debleskri gili 10:14

Tu dikal les. Tu deh jak ap kolende, kolenge le o djipen phares krenn, un djineh lengre duka, un leh lengro koowa an tiro wast. Awa, i tchorwele tchiwenn pengro djipen an tiro wast. Tu hal ap i rig kolendar, kolen kek dad buder hi.

Debleskri gili 10:17

Kowa, hoi i tchorwele tutar mangenna, shuneh tu, mo baro Dewel. Tu kreh lengro dji sorelo, un tiro kand hi lenge pre.

Debleskri gili 102:17

O baro Dewel tchiwell o foro Zion pale pre, un mukell pes te dikell an peskro railepen.

Debleskri gili 132:13

O baro Dewel rodas peske i berga Zion win. Un leske hi shukar te djiwell lo kote.

Debleskri gili 22:24

Tumer, kai o baro Debles an-mangenna, sharenn les! Tumer lauter dran o kheer Jakob, hadenn les pre! Un darenn lestar, tumer lauter dran o kheer Israel!

Debleskri gili 34:6

Kolla, kai ap leste dikenna, lengre jaka wenna har i momeli, un jon hunte ladjenn pen gar.

Debleskri gili 68:17

Tumer berge, tumer bergetikre sherja, hoske silwerenn tumer ap koi berga, kolat o Dewel peske win rodas, te djiwell job kote? Awa, hako tsireske atchell o baro Dewel koi.

Debleskri gili 74:2

Ma biste gar, te ham kol menshe, kai tu tuke glan i rah tsiro wi-rodal. Tu ginal men win dran i wasta kolendar, kai men tele rikran. Tu kamal, te was mer tiro. Ma biste i berga Zion, hoi tuke wi-rodal, te djiwess kote.

Debleskri gili 76:3

An o foro Jerusalem was leskro kheer kerdo, kote ap i berga Zion djiwell lo.

2. Mose 3:7

Un o baro Dewel penas: “Me dikom har djungelo mire menshenge djala an o them Egiptia. Me shunom lengri gole, har dan i pralstune chale len dawa. Me prindjrau lengre duka.

2. Mose 3:9

Me shunom i Israelengri gole un dikom, hoi i Egiptarja ap lende krenna. Jon phagenn len, fothe denn le len dawa.

Jesaja 26:21

O baro Dewel well dran peskro kheer win, te anell lo o tchilatchepen pale ap i sherja kolendar, kai o tchilatchepen kran. Palle well o rat kolendar diklo, kai maredo wan. Un i phub khatrell len buder gar.

Jesaja 8:18

Me un kol tchawen, kai o baro Dewel man das, ham har i sikepen, hoi sikrell, hoi kamell o baro Dewel te krell an Israel, job, ko rai pral o bolepen un i phub, kai hi khere ap i berga Zion.

Mateo 23:35

Tumer han tchilatcho har tumare phure. Jon maran i latche menshen jaake rah har i phub tardo hi: O latcho mursh Abel was maredo glan i tsele wawar menshende. Pal leste maran le wawar latche menshen bis ap ko tsiro, kai o Zachari maredo was, koleskro dad his o Barachi. O Zachares maran tumer mashkral o Debleskro kheer un i sasterni chatchepaskri, kai i vieche o Debleske chatchedo wenna. Doleske well i phagi ap tumende, kai kanna djiwenna.

Debleskro tsiro 16:6

Jon maran tire menshen, ninna tire rakepangren, un mukan lengro rat te nashell. Un kanna hunte pijenn le o rat. Kowa hi lengri phagi.”

Čačepangre 10:16

Un jon witsran kol wawar deblen pendar krik un mangan o baro Debles an. Koi khaitas les, te well o Israeleske jaake pharo kerdo.”