Debleskri gili 85:9 - O Debleskro Drom 2021 (Sinte)

⁹ Kamoms te shunap, har o baro Dewel penell, te well an leskro them un leskre menshenge kek kurepen, jaake te djas mer gar ap dinele dromma.

O Debleskro Lab 2024 (Sinte-Manouche)

⁹ Kamoms te shounap, har o baro Devel penell, te vell an leskro them oun leskre menshenge kek kourepen, yaake te djas mer gar ap dinele dromma.

Debleskri gili 85:9 ပူးပေါင်းရင်းမြစ်များ

Debleskri gili 119:155

I tchilatche krenn gar, hoi tu lendar kameh. Doleske tchiweh tu len gar an o tchatchepen.

Debleskri gili 50:23

Kowa, kai pes pash mande parkrella, hi kowa, kai sharell man. Kowa hi o drom, kai sikrau leste, har latcho leske hom.”

Jesaja 4:5

Pral i tseli berga Zion un pral kai platsa, kai wenn le khetne, bitchrell o baro Dewel palle jek wolka ap o diwes, un i jagakro ducho an i rati. Jaake tchakrell lo o foro peskro railepah

Jesaja 46:13

Me anau tumenge miro tchatchepen. Kowa hi gar dur tumendar krik. Sik lau tumen dran i bibacht win. An o foro Zion krau i menshen bachteles. un i Israelende sikrau miro railepen.

Jeremia 23:35

Kowa hi, hoi hunte putchenn tumer jek o wawarestar: Hoi penas o baro Dewel, har rakral leha? Hawo lab hi les menge?

Jeremia 23:37

Putchenn kolestar, kai penell, te hi lo i Debleskro rakepaskro: Hoi penas o baro Dewel tuke, har rakral leha? Hawo lab hi les menge?

Jeremia 29:11

Djinau mishto, hoi man tumenge an o shero hi: latcho koowa un gar tchilatcho koowa, te djal tumenge jaake har tumer kamenna.

Ezekiel 26:20

Un witsrau tut tele pash kolende an o mulengro them, pash kol menshende, kai meran glan i rah tsiro. Dur tella an i phub, pash kowa, hoi kol phure forjendar pral atchas, hoi tele djan, dau tut i platsa pash i mulende. Jaake nai djiwell buder kek an tute. Tu weh buder kek foro ap i phub, kai i djide djiwenn.

Ezekiel 3:10

Un pale penas job ap mande: Tu, mensho, mire tsele laba, hoi me tuke penau, de jak ap lende, un le len an tiro dji!

Habakuk 2:1

Kate hom tardo ap miro turmo, un dau garda, te dikap, hoi job mantsa rakrell, un hawe laba job mange pale penell, ap kowa, hoi me leske halauter glan rikrom.

Zakarie 2:5

An i wawar dikepen dikom i terno murshes i dorjah an peskro wast, te dikell lo pal, har baro tchomone hi.

Zakarie 2:8

Un o ersto penas ap o wawareste: “Naash un pen ko terno mursheske i dorjah: ‘An o foro Jerusalem wenn jaake bud menshe un vieche, te nai wenn kek massurja trul leste.

Louka 2:32

Job hi har i momeli, te sikrell lo kolen tiro drom, kai prindjrenn tut gar. Koleske sharenn jon i menshen an Israel.”

Johanni 1:14

Ko lab was i mensho, un djiwas pash mende. Un mer dikam leskro railepen un leskri soor, kai o Dewel peskro tchawes das. Kowa his pherdo latchepen un tchatchepen.

Johanni 7:17

Koon kowa krella, hoi o Dewel kamella, kowa haiwella, kai mire laba o Deblestar wenna, un gar mandar.

Bičepangre 13:16

Koi stas o Paulo pre, hadas o wast, te atchenn jon pokones, un job penas: “Murshale dran Israel, un ninna tumer tsele wawar, kai mangenn o Debles an, shunenn, hoi me tumenge penau!

1. Samuel 3:9

Un o Eli penas ap o Samuel: “Dja un tchip tut pale, un te deh jek tut pale gole, palle pen: Rake baro Dewel, tiro budepaskro shunella.” Un o Samuel djas pale un tchiwas pes ap peskri platsa.