Debleskri gili 85:3 - O Debleskro Drom 2021 (Sinte)

³ Tu lal o tchilatchepen, hoi tire menshe kran, lendar krik! Lengri tseli doosh bistral tu.

O Debleskro Lab 2024 (Sinte-Manouche)

³ Tou lal o čilačepen, hoy tire menshe kran, lendar krik! Lengri tseli doosh bistral tou.

Debleskri gili 85:3 ပူးပေါင်းရင်းမြစ်များ

2. Familjakro liil 6:39

palle shun lengro mangepen! An o bolepen, kai tu djiweh, shun ap lende un le lengro koowa an tiro wast! Un biste ko tchilatchepen, hoi jon ap tute kran!

Debleskri gili 106:23

Doleske kamas lo len mulo te dell, te wals kote gar o Mose, koles job peske wi-rodas. Kowa stas pre, te rikrell lo o Debles leskri choljatar tele, jaake te dell lo len gar mulo.

Debleskri gili 78:38

Job kras lenge peskro dji pre, un maras len gar. Na-a, job las lendar i doosh tele. Bud kope rikras job peskri choli pale, un mukas gar peskri tseli choli ap lende te well.

2. Mose 32:22

O Aron penas: “Am gar chojedo, mo rai! Tu djineh kokres, kai kol menshe tchilatcho hi.

Jesaja 12:1

I diwes wella, kai i menshe an Jerusalem giwenna: Me sharau tut, baro Dewel! Awa, tu hals chojedo ap mande. Kanna hal buder gar chojedo un rakreh latches mantsa.

Jesaja 40:1

“Rakrenn latches mire menshentsa, un khossenn lengre swa”, penell tumaro Dewel.

Jesaja 40:2

“Rakrenn i menshenge an Jerusalem an o dji, un penenn lenge: Ko tsiro hi trujel, kai hunte budran tel duka un dawa. Tumari tseli doosh hi plaissedo. O baro Dewel das tumen i phagi, hoi his jaake baro, har te lans dui kope i phagi tumaro tselo tchilatchepaske.”

Jesaja 6:7

Un ko kasht, hoi chatchell, rikras lo ap miro mui, un penas: “Dik kawa was ap tiro mui, un jaake hunte djas tiri doosh tutar krik, un ko tchilatchepen, hoi tu kral, hi tutar krik lino.”

Jeremia 50:20

An ko tsiro un an kol diwessa well koi doosh rodedo, hoi o Israel un o Juda ap pende anan. Un kote well kek doosh hatslo. Me lau lat kolendar krik, kai mukom pral atchell. Kowa penau me, o baro Dewel.

Ezekiel 16:63

Me lau tiri tseli doosh tutar krik, hoi ap tute anal. Te well tuke palle tiro phuro djipen an o shero, ladjeh tu, un nai kreh tiro mui buder gar pre i ladjatar. Kawa penau me, o baro Dewel, tiro rai.

Jona 3:9

Koon djinella? – Kowa, hoi o Dewel kamas te krell, nai khaitell les, un job mukell peskri choli gar pral mende te well, te meras gar halauter.”

Micha 7:19

Awa, tu kreh tiro dji pale menge pre un stakreh mari doosh tel tire pire. O tselo tchilatchepen, hoi kram, witsreh tu dur an o baro pani.

Johanni 1:29

Ap o wawar diwes dikas o Johanni, kai o Jesus pash leste wella. Un o Johanni penas: “Dikenn, kawa hi o Debleskro bakro, kai lell i menshengri doosh ap peste.

5. Mose 13:17

Un lengro tselo brawlepen anenn khetne mashkral ap o foreskri platsa! Un chatchrenn ko tselo foro pre un lauter, hoi an leste hi, tumaro baro Debleske! Tchi har barra hunte atchell pral ko forestar hako tsireske. Un an kek tsiro well lo buder newes kerdo.

5. Mose 32:43

Tumer menshe dran i wawar themma, sharenn o baro Debleskre menshen! Kolla, kai maran leskre budepangre, kolenge dell job halauter pale ap lengre sherja. Un job dell kolen halauter pale, kai kuran pen leha. Un lell krik o praassepen, hoi ap o them peskre menshendar hi.