Debleskri gili 83:2 - O Debleskro Drom 2021 (Sinte)

² Miro Dewel, rake! Muk tut te shunell! Atch gar pokones!

O Debleskro Lab 2024 (Sinte-Manouche)

² Miro Devel, rake! Mouk tout te shounell! Ma ač pokones!

Debleskri gili 83:2 ပူးပေါင်းရင်းမြစ်များ

2. Rajengro liil 19:28

Tiri choli was glan mire kanda. Tiro pre-phurdo rakepen hi prindjedo mandar. Kanna shun, hoi tuke krau: An tiro nak i gustri tchiwau, un i ledertikri rima trul tiri meen pandau, un ap ko drom, kai tu wal, bitchrau me tut kanna pale pal.

Debleskri gili 109:1

I gili o rajeske pral i gipangre. Kai gili kras o David. Tu, miro Dewel, tut sharau un giwau gilja tuke, ma rike tut pale! Kre tchomone!

Debleskri gili 74:23

Ma biste gar koi bari gole kolendar, kai hadan pen pral tute! Shun, har diwjo jon hi! Lengri gole well bareder un bareder.

Debleskri gili 74:4

Bari gole dan le an tiro kheer, un tchiwan kol plachte pre, hoi sikrenn, te hi jon i sorleder.

Debleskri gili 81:15

Sik anoms ladj ap kolende, kai ap lende djan, un tchiwoms miro wast phares ap lende.

Debleskri gili 93:3

Baro Dewel, i bare panja hadenn pen. O pani well diwjo un dell soreli gole. Diwjo un sorelo djal lo pre.

Jesaja 17:12

Shunenn, bud bud lurde wenna dran bud themma, un lengri gole hi baro un diwjo har o baro pani. Sorele natsjone hadan pen un wenna har sorele diwje panja.

Jesaja 37:23

Koon hi kowa, pral koleste tchilatche laba rakral? Un kones tire labentsa praassal? I pre-phurdo hal, un ap mande tele dikal, pral o Israeleskro Debleste tut hadal!

Jesaja 37:29

Tiri choli was glan mire kanda. Tiro pre-phurdo rakepen hi prindjedo mandar. Kanna shun, hoi tuke krau: An tiro nak i gustri tchiwau, un i ledertikri rima trul tiri meen pandau, un ap ko drom, kai tu wal, bitchrau me tut kanna pale pale.

Jeremia 1:19

Ninna te tchingrenn le tuha, nai krenn le tuke tchi. Me hom pash tute, te lap tut dran lengre wasta win. Kowa penau me, o baro Dewel.

Mateo 27:24

Har o Pilato dikas, te nai krell lo tchi, un te wenn le diwjeder, las lo pani, thowas peskre wasta glan i tsele menshende, un penas: “Me anau kek doosh ap mande, te well lo maredo. Koi doosh well ap tumende.”

Bičepangre 16:22

Bud menshe, kai his koi, wan tchilatcho ap o Pauleste un ap o Silaseste. Un kol tchatchepangre mukan lenge i koola tele te tserdell, un penan, te denn le len i kashtentsa.

Bičepangre 17:5

I bibolde, kai gar ap o Jesuseste patsan, silweran ap o Pauleste un ap o Silaseste. Un jon djan ap o drom, rodan tchilatche murshen, un lentsa kran le i menshen an ko foro diwjo. Un jon djan pash ko kheer, kai djiwas o Jason. Jon patsan, te wans o Paulo un o Silas pash leste. Un i bibolde un i tchilatche kaman len dran o kheer win te anell glan i tsele menshende.

Bičepangre 21:30

I tsele menshe an o foro Jerusalem wan chojemen ap o Pauleste, nashan khetne, tapran o Paules, un tserdan les dran o Debleskro baro kheer win. Har jon win his, pandan le sik i wudja an o Debleskro baro kheer.

Bičepangre 22:22

Har kol tsele menshe o Pauleskre laba shunan, dan le lauter gole: “Anenn les krik un denn les mulo!”

Bičepangre 23:10

Ko tchingepen was jaake baro, te trashas ko pralstuno lurdo, te tserdans jon nai o Paules an kotja. Dran kowa das job peskre lurden gole, te anenn le les pale an o lurdengro kheer.

Čačepangre 8:28

O Midian his jaake khetne dino, te his jon buder gar soreles doha, te kurenn le pen i Israelentsa. Jaake his kek kurepen an o them Israel 40 (star-deesh) bersha, jaake rah har o Gideon djiwas.