Debleskri gili 83:10 - O Debleskro Drom 2021 (Sinte)

¹⁰ Miro Dewel, kre lenge, har kral ap i Midianarja, ap o Sisera, un ap o Jabin pash ko tikno pani Kishon.

O Debleskro Lab 2024 (Sinte-Manouche)

¹⁰ Miro Devel, kre lenge, har kral ap i Midianarya, ap o Sisera, oun ap o Yabin pash ko tikno pani Kishon.

Debleskri gili 83:10 ပူးပေါင်းရင်းမြစ်များ

2. Rajengro liil 9:37

Un joi well har viechengro ful ap o them pash Jesreel. Kek penell nai buder: Kowa hi i Isebel.”

Jeremia 16:4

Lendar hunte merenn ap pharo nasslepen, un kek rowell pral lende un paskrell len. Jon atchenn tchiddo ap i hachetikri phub har viechengro ful. Wawar merenn an o kurepen. Un ninna wawar merenn i bokatar. Un i tchirkle un i diwje vieche chan len pre.

Jeremia 8:2

Un kol kokale wenn koi trujel witsedo glan o kham un o tchon un i tsele bolepangre momlia, kolen kaman kol menshe, un mangan len an, un nashan lenge pal. Kolendar putchan jon un sharan len. Kol kokale wenn gar pre hadedo un wenn gar paskedo. Jon wenn ful i phubjake.

Zefanja 1:17

I menshe kran tchilatchepen ap mande. Doleske krau len darenes, te nashenn le trujel har korele menshe. Lengro rat te nashell ap i phub har tchik, hoi krik witsedo well. Un lengre buke wenn krik witsedo har te wans le ful.

Josua 17:11

An kol dui themma Asser un Issachar his forja tchiddo, kolla wan o Manasseske dino. Kal forja his: Bet-Shean, Jibleam un Dor, hoi kharell ninna Nafot-Dor; palle En-Dor, Taanach un Megiddo. Koi pashel his kol gaba, hoi his trul kal forja tchiddo.

Čačepangre 4:15

Un har djan le pengre charentsa ap o Sisera un ap leskre tsele wurdja un lurdende pre, kote kras o baro Dewel, te trashenn kolla jaake, te stas o Sisera peskro wurdin tele, un nashas peske.

Čačepangre 4:16

Un o Barak peskre murshentsa las kol wurdja un kol lurden palla bis pash o foro Haroshet-Gojim un das len lauteren mulo o chareha. Kek lendar atchas pral.

Čačepangre 5:21

Un ko phuro tikno pani, ko pani Kishon, tserdas leskre lurden krik. Dureder, dureder! Te was soreles an o kurepen!

Čačepangre 7:25

Un jon tapran dui murshen, kai pralstune his pral i Midianarja. Lengre laba his Oreb un Seeb. Un jon dan o Oreb temerl pash i baro bar. Kowa was pal leste kharedo: bar Oreb. Un o Seebes dan le temerl pash i moljakro stakepaskro. Koles dan le o lab Seeb. Un jon lan i Midianarja palla. Un i shere kol dujendar, o Oreb un o Seeb, anan le pash o Gideon wergel o pani Jordan.

1. Samuel 28:7

Kote penas o Saul ap peskre budepangre: “Rodenn mange i djuwel, kai i mulen putchell. Kamau te djap koi, te nai putchap latar!” Un leskre budepangre penan ap leste: “Dik, an o foro En-Dor hi i djuwel, kai i mulen putchell.”