Debleskri gili 81:9 - O Debleskro Drom 2021 (Sinte)

⁹ Mire menshe, shunenn ap mande, me dau tumen trad. Israel, shuness, hoi me tuke penau:

O Debleskro Lab 2024 (Sinte-Manouche)

⁹ Mire menshe, shounenn ap mande, me dau t'men trad. Israel, shouness, hoy me touke penau:

Debleskri gili 81:9 ပူးပေါင်းရင်းမြစ်များ

1. Rajengro liil 22:19

O Micha penas: “Shun, hoi o baro Dewel penell! Me dikom o baro Debles, har job beshdo his ap peskri beshepaskri. Un i tsele bolepangre his pash leste tardo ap leskri tchatchi rig un ap leskri serwi rig.

Debleskri gili 44:20

Fothe kram kowa gar, hi kowa jaake, har te dals tu men khetne, un mukals men mank diwje djukle te djiwell. Kek momeli hi glan mende.

Debleskri gili 50:7

“Mire menshe, shunenn! Me kamau rakrell. Israel, shun, har me, tiro Dewel penau tuke, kai kowa, hoi kral, gar mishto hi.

2. Mose 15:26

Un job penas: “Te shuneh tu ap mande, tiro baro Debleste, un kreh, hoi me penau, lauter, hoi an mire jaka tchatcho hi, un rikreh tut ap mire laba un kreh, hoi me tutar kamau, palle tchiwau me kek nasslepen ap tute, hoi tchiwom ap i Egiptarja. Me hom o baro Dewel, kai tut sasto krell.”

Jesaja 28:23

Shunenn, hoi penau! Denn mishto jak ap miro rakepen!

Jesaja 43:12

Me penom glan-wi, hoi kroms; me lom tumen win dran o pandepen, jaake har penom. Kek wawar dewel mank tumende kras kowa. Kowa nai penenn tumer i wawarenge. Kowa penell o baro Dewel. Me hom o Dewel.

Hosea 4:1

Tumer Israelitarja, shunenn, hoi o baro Dewel tumenge penell! O baro Dewel hunte tchingrell tumentsa, kai djiwenn an o them Israel. Tumer rikrenn gar khetne, han gar kamles jek o wawareha un prindjrenn o Debles gar.

Maleachi 2:11

I menshe dran Juda phagan pengri sowel, hoi dan le pengro Debleste. Un an o them Israel un an o foro Jerusalem djal djungelo koowa, hoi i menshen pale-tchiddo krell. I mursha an Juda romedineran djuwjen, kai wawar deblen an-mangenna. Un jaake kran le o kheer pale-tchiddo, kai o baro Dewel djiwell, un hoi lo kamell.

5. Mose 32:12

Jaake kras kowa lentsa o baro Dewel, job kokres, kek wawar dewel his leske ap i rig.

5. Mose 6:14

Ma dja wawar deblenge palla, kolen i menshe dran i themma trul tumende, an-mangenn.