Debleskri gili 81:5 - O Debleskro Drom 2021 (Sinte)

⁵ Ap kau lab hunte rikrenn pen i Israelitarja. Kawa hi i tchatchepaskro lab, hoi o Jakobeskro Dewel lende das.

O Debleskro Lab 2024 (Sinte-Manouche)

⁵ Ap kava lab hounte rikrenn pen i Israelitarya. Kava hi i čačepaskro lab, hoy o Yakobeskro Devel lende das.

Debleskri gili 81:5 ပူးပေါင်းရင်းမြစ်များ

Debleskri gili 114:1

Har o Israel dran o them Egiptia win djas, har o Jakobeskre menshe kol menshen mukan, kolengro rakepen jon gar haiwan,

Debleskri gili 77:15

Tu hal ko Dewel, kai sawo baro koowa krell, hoi kek wawar nai krella. Tu sikral tiri bari soor pash i menshende an wawar themma.

Debleskri gili 78:6

Jaake te djinenn les kolla, kai pal lende wenna, kolla, kai gomme gar bolde hi. Jon ninna sikrenn o Debleskro drom pengre tchawende,

2. Mose 11:4

Har his o Mose gomme pash o Farao, penas lo leske: “Kawa penell o baro Dewel: Mashkral an i rat kamau me mank o them Egiptia te djal.

2. Mose 12:12

Un me djau an kaja rat mashkral o tselo them Egiptia, un dau i tsele mursh tchawen temerl, kai hi i phureder tchawe pengre dajendar, kolla, kai i menshestar, ninna i viechestar boldo wan. Jaake dau me kolende lauterende i phagi, kai kharenn pen dewel, un kolen i Egiptarja an-mangenna. Me hom o baro Dewel.

2. Mose 12:27

Palle penenn lenge: ‘Kau bakro, hoi maram ap ko diwes, hoi kharella Passa, kau bakro maram o baro Debleske. Har das job an o them Egiptia i Egiptarja temerl, djas job gar an i khera, kai i Israelitarja djiwan. Job djas dureder. I menshe an mare khera mukas lo te djiwell.’” Kote witsran pen i Israelitarja tele un mangan o Debles an.

2. Mose 12:29

Un mashkral an i rat maras o baro Dewel i tsele mursh tchawen, kai his i phureder tchawe pengre dajendar, an o tselo them Egiptia: o Faraeskro phureder tchawes, kai ap o rajeskri beshepaskri beshdo hi, un ninna i phureder tchawen kolendar, kai stilde hi. Awa, ninna i mursh vieche, hoi his i phureder tchawe pengre dajendar, wan temerl dino.

Jesaja 28:11

Awa, i tsiro wella, koi bitchrell o Dewel wi-themarja pash kal menshende. Un kolengro rakepen haiwenn le gar.

Jeremia 5:15

Pen kol menshenge an Israel: Me anau menshen fun dural pash tumende, penell o baro Dewel, menshe, kolengro rakepen, un hoi jon penenna, haiwenn tumer gar. I phuri natsjona hi le. Un len hi bari soor.

Ezekiel 20:20

Un rikrenn o Debleskro diwes dren, te krenn kek budi ap leste. Ko diwes hi i sikepen koleske, hoi win kram, te djinenn tumer, te hom me, o baro Dewel, tumaro Dewel.

Amos 6:6

Mool pijenn tumer dran khore, un makenn tumen dren o feteder djeteha. Un tumen hi gar ropaske pral o kheer Josef, hoi paash dino well.

5. Mose 28:49

Menshen dran i dur them, fun i wawar rig i phubjatar, anell lo pral tumende. Sik har i baro tchirklo wenn le pral tumende. Lengro rakepen haiwenn tumer gar.

5. Mose 4:45

Har le dran o them Egiptia win djan, penas lo lenge kol tsele laba, hoi lende sikran, har te djiwenn le, un hoi o Dewel lendar kamella, un leskre tsele tchatchepaskre laba.