Debleskri gili 81:3 - O Debleskro Drom 2021 (Sinte)

³ Giwenn leske Debleskre gilja! Denn ap i pauka! Bashrenn ap i dorjengre bashepangre!

O Debleskro Lab 2024 (Sinte-Manouche)

³ Givenn leske Debleskre gilya! Denn ap i pauka! Bashrenn ap i doryengre bashepangre!

Debleskri gili 81:3 ပူးပေါင်းရင်းမြစ်များ

2. Rajengro liil 4:23

Koi penas job: “Hoske kameh tu pash leste te djal? Kai diwes hi kek ‘newo-tchon’, witar kek Debleskro diwes.” Koi penas joi: “Muk lauter jaake!”

1. Familjakro liil 15:16

Un o David penas i pralstunenge pral i Levitarja, te rodenn jon gipangren win dran pengre phralende. Kalla hunte giwenn i bachtjatar i bari goljah, un bashrenn ap i dorjengre bashepangre un wawar bashepangre.

1. Familjakro liil 15:19

Un i gipangre his: o Heman, o Asaf, un o Etan. Kolla dan i patria dran lolo saster khetne.

1. Familjakro liil 15:24

Glan o mochton djan i rashaja: o Aba, o Shebanja, o Josafat, o Netanel, o Amasai, o Secharja, o Benaja, un o Elijeser. Jon phurdan an bare phurdepangre. Un o Obed-Edom un o Jechija djan pal o mochton un dan jak ap leste.

1. Familjakro liil 16:42

Jon sharan o Debles pengro bashepah, un bashran ap i phurdepangre un dorjengre bashepangre un wawar bashepangre. I tchawen o murshestar Jedutun das o David koi budi, te denn le garda ap i wudja.

1. Familjakro liil 16:6

I rashaja, o Benaja un o Jahasijel, lengri budi his, te phurdenn le ap pengre phurdepangre hako tsiro glan o mochton o Debleskre deesh labentsa.

1. Familjakro liil 25:1

Un o David khetne i pralstunentsa pral i lurdende, rodas i gipangre un bashepangre win, te giwenn le Debleskre gilja, bashrenn ap dorjengre bashepangre, un denn ap sasterne patria. Kolla wan dran i khera Asaf, Heman un Jedutun.

2. Familjakro liil 13:12

Dikenn, mentsa hi o Dewel un djal glan mende. Ninna leskre rashaja hi kate, te phurdenn le an i phurdepangre un denn men o sikepen, te djas mer an o kurepen tumentsa. Tumer Israelitarja, ma kurenn tumen o baro Debleha, kai o Dewel tumare phurendar hi! Tumenge djal kowa gar mishto win!”

2. Familjakro liil 13:14

Un har i lurde dran Juda pen trujel rissran, dikan le, kol Israelitarja his glan lende un ninna pal lende. Kote dan le ap o baro Debleste gole, un i rashaja phurdan an i phurdepangre.

2. Familjakro liil 2:4

Un ko kheer, hoi me kamau te krell, hunte well baro; maro Dewel hi bareder har hako wawar dewel.

2. Familjakro liil 8:13

Un kowa was jaake kerdo har tchinlo his an o Moseskre lila. Kote dren hi tardo, hoi hunte well hako diwes chatchedo, ninna ap i Debleskre diwessa, un ap kol diwessa, kai well o newo tchon diklo, un ap kol bare diwessa, kai halauter khetne wenn, triin kope an o bersh: Kolla hi kol diwessa, kai chan le maro, kai kek shutlo jarro dren hi, ninna kol diwessa, kai well o newo djob anlo, un kol diwessa, kai djiwenn i Israelitarja an patjengre khera.

Debleskri gili 149:3

Sharenn leskro lab an tumaro khelepen! Bashrenn leske ap i pauka un i harfa!

Debleskri gili 33:2

Parkrenn tumen pash o baro Debleste, un bashrenn leske ap dorjengre bashepangre! Giwenn leske gilja, un bashrenn leske ap i bashepaskri i deesh dorjentsa!

Debleskri gili 98:6

Bashrenn ap i phurdepangre un shinga! Denn gole i bachtjatar glan o baro Debleste! Job hi tumaro baro rai.

Ropaskre gilja 2:6

Job phagas peskro kheer tele, har te wals lo i kashteno kheer an i baar, un kras koi platsa paash, kai wam khetne glan leste. Job kras, te well buder kek an o foro Zion ap i bare diwessa un ap o Debleskro diwes. An peskri soreli choli tchiwas lo o baro rajes un i rashajen pale.

4. Mose 15:3

un tumer anenn i vieches tumare grumjendar un bakrendar chatchepaske o baro Debleske, hunte denn tumer i chapen koi pashel. Krenn kowa pash hako viecho, hoi mange anenn: pash ko viecho, hoi well tseles chatchedo mange; pash ko viecho, hoi chan tumer khetne glan mande; pash ko viecho, koleha i mensho sikrell, te das lo pes sowel, te dell lo man tchomone; pash ko viecho, hoi kamell i mensho pestar mande te dell; pash ko viecho, hoi chatchrenn tumer mange ap tumare bare diwessa. O latcho sungepen kol viechendar hi mishto mange. Ko chapen, hoi anenn pashel, hunte well jek kilogrammi latcho jarro, un jek litari djet. Kowa well halauter khetne kerdo.

4. Mose 28:11

Ap o ersto diwes an hako tchon hunte chatchrenn tumer o baro Debleske dui terne mursh grumja, jek mursh bakro un efta jek-bershengre bakre, kai gar nasselo hi.

5. Mose 16:15

Efta diwessa chan un awenn bachteles glan tumaro baro Debleste ap koi platsa, hoi job peske win rodell. Job tchiwas peskri bacht ap halauter, hoi ap tumari phub bares was un ap tumari tseli budi. Doleske awenn bachtelo!

Kolossarja 2:16

Ma shunenn ap kolende, kai penenn tumenge: “Hi gar mishto, te chan un pijenn tumer kawa te kowa!” Ma shunenn ap lende, te penenn le tumenge, te denn jak ap bare diwessa an o tchon un an o bersh, ninna ap o diwes, kai i bibolde gar budrenna.