Debleskri gili 81:2 - O Debleskro Drom 2021 (Sinte)

² Giwenn i bachtjatar o Debleske! Job hi mari soor. Sharenn o Jakobeskro Debles!

O Debleskro Lab 2024 (Sinte-Manouche)

² Givenn i barhtyatar o Debleske! Yob hi mari zoor. Sharenn o Yakobeskro Debles!

Debleskri gili 81:2 ပူးပေါင်းရင်းမြစ်များ

Nehemia 12:42

Pash lende his kol Levitarja tardo: o Maaseja un o Shemaja un o Eleasar un o Usi un o Johanan un o Malkija un o Elam un o Eser. Un i gipangre giwan bari goljah. Un lengro pralstuno his o Jisrachja.

Debleskri gili 59:17

Me kamau tiri sorjatar te giwell. Taissarlakro sharau tiro latchepen. Tu hal mange i sorelo kheer, un i khatepen an kol diwessa, kai mange ropaske hi.

Debleskri gili 92:3

te rakrau pral tiro latchepen taissarlakro, un pral tiro tchatchepen an i rat,

2. Mose 15:20

Un i Mirjam, o Aroneskri pheen, his i Debleskri rakepaskretsa. Un joi las peskri bashepaskri, hoi kharella pauka, an o wast, un i tsele djuwja lan ninna pengre bashepangre, un djan lake palla, un bashran un khelan.

Markus 14:26

Palle giwan le o Debleske i gili, un djan win pash o djeteskri berga.

Efesarja 5:19

Giwenn lauter khetne o Debleskre gilja un sawe gilja, hoi sharenn o Debles, ninna sawe gilja, hoi o Debleskro Ducho an tumende tchiwella! Giwenn un bashrenn o tselo djijestar o Jesuseske, maro rajeske!

Kolossarja 3:16

Ma mukenn tele, te rakrenn un shunenn o lab o Jesus Kristestar! Rakrenn les tumenge an o dji! Awenn gosewo koi pashel, te sikrell jek o wawareste, har te djal lo ap o Debleskro drom! Giwenn Debleskre gilja un sawe gilja, hoi sharenn o Debles, ninna sawe gilja, hoi o Debleskro Ducho an tumende tchiwella! Awa, giwenn o Debleske, un sharenn les an tumare djia!

Jakobo 5:13

Te hi jekes tumendar i pharo tsiro, penell lo o Debleske, hoi leske phares hi! Te hi jek bachtelo, giwell lo o Debleske gilja!