Debleskri gili 8:4 - O Debleskro Drom 2021 (Sinte)

⁴ Me te dikau o bolepen, hoi tu tire gushtentsa kral, o tchon un i momlia an o bolepen, hoi tu kral,

O Debleskro Lab 2024 (Sinte-Manouche)

⁴ Me te dikau o bolepen, hoy tou tire goushtentsa kral, o čon oun i momlia an o bolepen, hoy tou kral,

Debleskri gili 8:4 ပူးပေါင်းရင်းမြစ်များ

1. Mose 1:1

Glan i rah rah tsiro kras o Dewel o bolepen un i phub.

1. Mose 1:14

Un o Dewel penas, te wenn momlia an o bolepen, hoi sikrenna: Kanna hi diwes, un kanna hi rati. Kolla sikrenna ninna: Kanna well nijal, kanna well o wend. Kanna well i baro diwes, kanna i newo bersh.

1. Mose 19:35

Koi dan jon rati pengro dades mool te pijell. Un i terneder tchai djas un tchiwas pes pash leste. Ninna kau kopo haiwas job gar, har joi pes pash leste tchiwas, witar gar, har joi lestar pre stas.

1. Mose 21:1

Un o baro Dewel bistras i Sara gar. Un job rikras peskro lab.

2. Familjakro liil 6:18

Nai well tchatcho, kai o Dewel kamell te djiwell pash i menshende ap i phub? O tselo bolepen hi gar bares doha, te rikrell lo tut. Har nai krals kowa kau kheer, hoi me mukom te krell?

Hiob 25:6

Te dikell lo ap i mensheste, hi kowa glan leste gar budeder har i kiri un i kirmo!

Hiob 7:17

Hoi hi o mensho, te dikess tu ap leste, har te well lo komone baro? Hoske rissreh tu tiro tselo dji pash leste?

Debleskri gili 106:4

Baro Dewel, tu dal tire menshende tiro lab, te wess ap lengri rig. Biste man gar un ab mange latcho!

Debleskri gili 136:5

Job kras o bolepen an peskro goswepen. Leskro latchepen atchella hako tsireske!

Debleskri gili 136:9

O tchon un i bolepangre momlia, te wenn le rai pral i rat. Leskro latchepen atchella hako tsireske!

Debleskri gili 144:3

Baro Dewel, hoi hi o mensho, tu te deh jak ap leste? Hoi hi o mensho, kai hunte merell, tu te dikeh ap leste?

Debleskri gili 146:3

Rikrenn tumen gar ap tumare pralstunende! Menshe hi le un nai lenn tumen gar win dran i bibacht.

Debleskri gili 19:2

O bolepen sikrella, har baro un railo o Dewel hi, un i bolepangre momlia sikrenna, hoi job lauter kras.

Debleskri gili 4:2

Shun man, te dau ap tute gole! Miro Dewel, kai deh man tchatcho! An miri daar kral tu miro dji soreles. Ab latches ap mande un shun har me tut mangau!

Debleskri gili 80:17

Dik, har hi lo tele dino un pre-chatchedo! Tchinge jaake ap kolende, kai kowa kran, te phagenn le khetne.

Debleskri gili 96:5

I debla i wawar menshendar hi chochene debla. O baro Dewel hi kowa, kai o bolepen kras.

2. Mose 4:31

Un jon patsan len. Un har shunan i Israelitarja, te dikas o baro Dewel lengro pharo djipen, un kamell lenge latchepen te krell, koi witsran pen le ap i phub, un mangan o Debles an.

Jesaja 40:17

I tsele themma hi har tchi glan leste, un hi leske tchi moldo jaake har te wans le gar.

Jesaja 51:12

Me hom kowa, kai latches tumentsa rakrella. Un koon hal tu, te dareh i menshendar, kai merenna, awa, kai tele merenn har o khass?

Ezekiel 8:15

Un o baro Dewel penas ap mande: Tu mensho, dikal tu kowa? Tu dikess gomme bareder djungelo koowa, har kawa.

Mateo 8:20

Penas o Jesus ap leste: “I diwje djuklen hi i tchiben an i phub, kai sowenn le. Un i tchirklen hi tikne khera ap i ruka. Me, o Mensheskro Tchawo, man hi tchi, kai nai tchiwap man tele, te sowap.”

Louka 1:68

“Sharas o baro Debles! Job hi o Israeleskro Dewel! Job was pash mende, un las men dran mari bibacht win.

Louka 19:44

Un jon marenn tumare menshen, un denn tumare tchawen an ko foro mulo. Mo Dewel kamas tumen peskro latchepen te sikrell. Un tumer kaman gar te krenn tumaro dji leske pre. Doleske atchell kek bar ap ko wawar an kau foro.”

1. Petro 2:12

Tumer djiwenn mank i menshende, kai o Debles gar prindjrenna. Doleske djiwenn jaake, te hatsenn le kek tchilatchepen ap tumende! Un kolla, kai rakrenna djungeles pral tumende, kolla hunte dikenn o latcho koowa ap tumende, jaake te sharenn le o Debles ap ko diwes, kai job wella.