Debleskri gili 8:1 - O Debleskro Drom 2021 (Sinte)

¹ I gili o rajeske pral i gipangre, te giwell pash o bashepen ap i bashepaskri ochta dorjentsa. O David kras kai gili.

O Debleskro Lab 2024 (Sinte-Manouche)

¹ I gili o rayeske pral i gipangre, te givell pash o bashepen ap i bashepaskri orhta doryentsa. O David kras kay gili.

Debleskri gili 8:1 ပူးပေါင်းရင်းမြစ်များ

1. Rajengro liil 8:27

Nai well tchatcho, kai o Dewel kamell te djiwell ap i phub? O tselo bolepen hi gar bares doha leske. Har nai krals kowa kau kheer, hoi me mukom te krell?

Debleskri gili 145:1

Kai gili kras o David te sharell lo o Debles. Me kamau tut te hadell, miro Debles. Tu hal o baro rai. Tut kamau me te sharell kanna un hako tsiro.

Debleskri gili 148:13

Kolla lauter mu sharenn o baro Debleskro lab. Leskro lab hi bareder har i tsele wawar laba. Leskro railepen djal pral i phub un o bolepen.

Debleskri gili 36:5

Te hi lo ap peskro tchiben tchiddo, djal o tchilatchepen an leskro shero trujel. Un job rikrell soreles ap i drom, hoi gar mishto hi, un rikrell pes gar pale, te krell lo o tchilatchepen.

Debleskri gili 57:5

Me hom tchiddo mank menshe, kai hi har lewe, kai kamenn man pre te chal. Lengre danda hi har tchurja un faile, un lengri tchip dell tchurje har i charo.

Debleskri gili 63:1

I gili o Davidestar. Job kras kai gili an o mulo tato them Juda.

Debleskri gili 68:4

Hi wawartchandes kolentsa, kai an o tchatchepen tardo hi: Jon wenn bachtelo, stenn un sanenn i bachtjatar glan o Debleste.

Debleskri gili 8:9

i tchirkle an o bolepen un i matche an o baro pani, un lauter, hoi an o pani djiwell.

Debleskri gili 81:1

I gili o rajeske pral i gipangre, te giwell ap i bashepaskri, hoi kharella gittit. O Asaf kras kai gili.

Debleskri gili 84:1

I gili jekestar dran i familja Korach. Kai gili hi o rajeske pral i gipangre, te giwell pash o bashepen ap i bashepaskri, hoi kharella Gittit.

2. Mose 15:11

Kek hi jaake har tu, o baro Dewel. Kek hi jaake har tu mank lauterende, kai kharenn pen Dewel! Tu hal o tchatcho Dewel, un kek wawar hi jaake sorelo har tu! Tu kral dareno koowa, hoi kek wawar nai krella.

Kamlepaskri gili 5:16

Leskro rakepen hi gudlo, un halauter ap leste hi kamlo. Kowa hi miro pirno; awa, kowa hi miro maal, tumer tcha dran o foro Jerusalem!

Jesaja 26:13

Baro Dewel, maro rai, pral mende his gomme wawar i raja. Tut kokres sharah mer.

Habakuk 3:3

O Dewel well dran o them Teman, dran kol berge, hoi kharenn Paran. O bolepen hi pherdo leskro railepen. Un ap i tseli phub sharenn les i menshe.

Mateo 22:45

Kate penas o David ap leste: Mo rai. Har well lo nai leskro tchawo?”

Johanni 20:28

Koi penas o Thomas ap leste: “Miro rai un miro Dewel!”

Efesarja 4:10

Kowa, kai was tele ap i phub, hi ninna kowa, kai djas pre an o pralstuno bolepen, te djiwell lo an o bolepen un ninna ap i phub.

5. Mose 28:58

Un o Mose penas dureder: Doleske denn jak, te djan ap o drom tumaro baro Deblestar! Un rikrenn leskre tsele laba, hoi an kau liil dren tchinlo hi! Un dikenn ap leste pre, ap tumaro rajeste, kai jaake baro koowa krell, kai darenn i menshe lestar.

Filiparja 3:8

Awa, kowa lauter, hoi me ap ko tsiro patsom un krom, hi mange kanna buder tchi moldo. Me prindjrau kanna o Jesus Kristes. Job hi miro rai. Doleske hi ko tselo wawar koowa mange har tchik, un tchi moldo. O Jesus Kristes kokres kamau te prindjrell budeder.

Hebrearja 7:26

O Jesus hi o baro rashai, kai hunte well men. Job hi latcho glan o Debleskre jaka. Kek tchilatchepen, witar kek doosh hi ap leste. Na-a, job hi gar jaake har mer tchilatche menshe ham, kai ham pale-tchiddo glan o Debleste. Un o Dewel kras les bareder har hako wawar an o bolepen.

Debleskro tsiro 19:6

Koi dan bud menshe gole: “Halleluja!” Koi gole his jaake sorelo, har i baro pani gole della, hoi dur tele perella, un har koi gole, hoi o bolepen krella, te dell baro brishin un te dell jag tele karje. Un jon rakran un penan: “Maro sorelo Dewel was o rai pral halauter.