Debleskri gili 74:7 - O Debleskro Drom 2021 (Sinte)

⁷ Tiro railo kheer chatchran le tele. Ko kheer, kai tu khere hals, kran le pale-tchiddo,

O Debleskro Lab 2024 (Sinte-Manouche)

⁷ Tiro raylo kheer rhačran le tele. Ko kheer, kay tou khere hals, kran le pale-čiddo,

Debleskri gili 74:7 ပူးပေါင်းရင်းမြစ်များ

1. Rajengro liil 8:20

Un o baro Dewel mukas peskro lab tchatches te well. Dikenn ap mande: Me wom pal miro dadeste kanna o baro rai pral o Israel, jaake har o baro Dewel penas. Un me mukom leske i kheer te krell, te well job, o Dewel pral o Israel, kote an-mangedo.

2. Rajengro liil 25:9

Un job chatchras o baro Debleskro kheer tele, ninna ko kheer o baro rajestar un kol wawar khera an o foro Jerusalem; awa, hako baro kheer chatchras lo tele.

2. Familjakro liil 36:19

Kol lurde dran o them Babilonia chatchran o baro Debleskro kheer un phagan o foreskre massurja tele. Un i tsele turme chatchran le i jagatar win. Un jaake was lengro tselo kutch koowa chatchedo an i jag un buder tchi moldo.

Debleskri gili 89:39

Kanna, baro Dewel, tchiwal tu les pale, koles tu win rodal, te was lo baro rai, Tu mukal les te perell, un hal chojedo ap leste.

2. Mose 20:24

Hi mange doha, te krenn mange i chatchepaskri dran phub! Koi pre anenn mange kol marede bakren un grumjen, hoi chatchrenn tseles mange, ninna kolen, hoi mange marenn, te chan tumer lengro mass khetne glan mande. Kote, kai kamau, te mangenn man an, kote wau me pash tumende un dau tumen miri bacht un miri soor.

Jesaja 64:11

Baro Dewel, kameh tut pash kawa lauter kanna gomme pale rikrell? Kameh tu tchi penell, un mari ladj gomme dureder un bareder te krell?

Jeremia 52:13

Un job chatchras o baro Debleskro kheer tele, ninna ko kheer o baro rajestar un kol wawar khera an o foro Jerusalem; awa, hako baro kheer chatchras lo tele.

Ropaskre gilja 2:2

I gaba un i khera kras lo paash, an kolende o Jakobeskre tchawe djiwan. Un jon khaitan les gar. I sorele forja an o them Juda phagas lo tele an peskri choli. Pral lengro them anas lo ladj, un lengre raja witsras lo an i tchik.

Ropaskre gilja 2:6

Job phagas peskro kheer tele, har te wals lo i kashteno kheer an i baar, un kras koi platsa paash, kai wam khetne glan leste. Job kras, te well buder kek an o foro Zion ap i bare diwessa un ap o Debleskro diwes. An peskri soreli choli tchiwas lo o baro rajes un i rashajen pale.

Ezekiel 24:21

Kawa penell o baro Dewel, maro rai: Djinau, tumenge hi miro kheer o kamleder koowa. Un tumaro dji nashell pal leste. Tumer han pre-phurdo un patsenn, kolenge, kai kote hi, nai djal kek tchilatchepen. Tchatchepah, me dau miro kheer kolenge an o wast, kai krenn les pale-tchiddo. Un tumare mursh tchawe un tcha, kolen tumer kote an Jerusalem pale mukan, kolla wenn o chareha mulo dino.

Ezekiel 7:24

Doleske mukau lurden dran tchilatche natsjone pral o Israel te well, te lenn le lengre khera penge dren. Un kol raja, kai rikran i tchorwelen sorjah tele, lenge krau o pre-phurdepen paash. Un kol platse, kai mangan le pengre deblen an, mukau pale-tchiddo te krell.

3. Mose 26:31

Me mukau tumare forja an kotja te dell, un dau kol platse paash, kai tumare chochene deblen an-mangan. Un kowa, hoi tumer mange chatchrenn, un ko latcho sungepen, hoi well win, kowa kamau buder gar te sungell.

Mateo 22:7

O baro rajes tapras i bari choli, un job bitchras peskre lurden, te marenn le kol marepangren, un te chatchrenn le lengro foro.

5. Mose 12:5

Mangenn o baro Debles ap i platsa an, hoi job peske win rodell mashkral an o them Israel, te djiwell lo kote. Kote djan, te mangenn les an.